Baby Kingdom - 親子王國 香港 討論區 › 首頁 › 想生BB› 台灣IVF畢業了

想生BB

收藏本版
發帖
返回列表
跳至頁
台灣IVF畢業了 [複製鏈接]

首頁
1

尾頁
   6
cccyan


洋房

積分: 65


1#
發表於 24-5-8 13:52 |只看該作者
係台灣做左IVF, 唔知大家有無興趣睇呢~

結婚兩年一直都無避孕, 不過一直都未有好消息, 所以我就去睇中醫調理身體。我地一直都好佛系, 婚前亦無做過生育檢查, 中醫師認為我當時身體狀況好好, 係合適受孕, 所以建議我地平平地可以去家計會做個檢查先, 結果原來係老公精子數量少, 活動力不足, 當時家計會就比左轉介信, 建議我地排期做IUI。

當時大家都唔係好接受到呢個消息, 需要消化一下, 於是就帶埋報告再約去睇中醫, 中醫師睇完報告, 就由我調理身體變成老公調理, 亦建議老公調理2個月後搵另一間化驗中心再做一次精液檢查, 結果雖然有改善, 但依然係強差人意。中醫師就建議我地唔好做IUI, 盡量少走冤枉路, 直接選擇做IVF, 仲叫我地盡快去政府排期先, 因為分分鐘要等成年, 另一方面建議我地可以考慮去台灣/泰國做IVF, 因為技術比香港好好多, 佢亦都有其他客人通關後去台灣做IVF, 成功帶左BB返來。我當然有問中醫師有無推薦邊一間, 同埋可唔可以幫手問下客人係邊間做IVF。

好快我地就決定去台灣做IVF, 因為言語溝通會更方便, 搭飛機來往台灣行程較短, 機票亦比較平同容易買到。去泰國會比較遠, 亦擔心英文專業名詞上我地會出現溝通誤會, 所以唔考慮住。
私人傳訊

vicvickyy


大宅

積分: 1018


19#
發表於 24-7-6 12:47 |只看該作者
請問台灣做ivf要幾多錢？
私人傳訊

cccyan


洋房

積分: 65


18#
發表於 24-7-4 12:54 |只看該作者
回覆 willowchan 的帖子

唔好比自己太大壓力(雖然好難唔去諗)放鬆心情, 出去行下, 即管去拜一拜
私人傳訊

willowchan


禁止訪問

積分: 271


17#
發表於 24-6-27 14:34 |只看該作者
提示: 作者被禁止或刪除 內容自動屏蔽
私人傳訊

cccyan


洋房

積分: 65


16#
發表於 24-6-25 13:40 |只看該作者
回覆 tanned 的帖子

先側身, 再用手撐住, 慢慢起身。當自己已經懷孕咁樣
私人傳訊

tanned


複式洋房

積分: 460


15#
發表於 24-6-23 16:48 |只看該作者
Congrats! 想問下起床姿勢有咩要留意？
私人傳訊

cccyan


洋房

積分: 65


14#
發表於 24-6-21 17:15 |只看該作者
最近Yen跌, 同屋企人一齊飛去日本買BB野, 所以遲左update

返香港後, 就按指示keep住食藥, 為下次植入做準備。同時, 我都參考其他成功例子, 用草藥每晚浸腳30分鐘。
等左10幾個工作天, 終於收到咨詢師通知ERA結果係一般人120小時。按指示日期係香港抽血同照超聲波, 睇下安排邊日過去台灣, 由於抽血結果DD數值比較高, 所以想我提早過去打針同再做檢查, 但係因為我請唔到假, 而上一次返香港前有比定針我, 就唯有飛過去之前開始自己打針啦!

第四次飛台灣：
植入當日, 又係登記完就抽血, 跟住換衫係手術床等賴醫生進行手術。因為DD高, 所以植入前又打左一針。手術過程好快, 唔洗麻醉, 而醫生都好溫柔, 無痛或好唔舒服的感覺, 好快就找到最合適位置放左胚胎入去。再平躺休息半小時就可以換衫出去啦!
然後又係等咨詢師過來, 教返去之後用藥, 打針, 起床姿勢….由於出發前打左一針Cimzia, 免疫數值應該還好, 所以賴醫生話回港後可以兩日先打一針Arixtra, 再睇抽血報告。今次預算需要帶50支Arixtra返去, 聽到都想喊, 另外仲會有3支油針比我帶返去, 萬一有出血情況就要打, 呢支針係油性, 比較難推, 針頭亦比較粗少少少少, 求神拜佛用唔著啦!! 因為後日回港前要再返來抽血, 所以D針我地就唔拎住, 後日先拎。

希望今次係最後一次埋單啦, 我地另外存多左5千台幣, 如果之後要再買藥寄返香港就可以係度扣, 唔洗做匯款咁麻煩。

今次唔洗拎住D藥, 我地就去左龍山寺搵註生娘娘求左個好孕符保佑保佑, 跟住就乖乖就返酒店休息啦!
私人傳訊

willowchan


禁止訪問

積分: 271


13#
發表於 24-5-29 15:12 |只看該作者
提示: 作者被禁止或刪除 內容自動屏蔽
私人傳訊

cccyan


洋房

積分: 65


12#
發表於 24-5-20 11:46 |只看該作者
返到香港, 每日就係mon住個app, 睇下胚胎培養成點, 每次開app心情都好緊張。今次取卵有15粒, 但到Day 1係app見到得返10粒成功受精, 無左3分1, 忍唔住偷偷地喊。一日又一日, Day 5終於有一粒comp, 到Day 7最後得2粒可以冷凍, 一粒5BB, 一粒5BC。心情好抑鬱, 係咪又要再飛去抽多次卵? 抽完個肚又漲又痛又企唔直行唔到咁…

第三次飛台灣：
今次去做輸卵管造影同ERA, 唔係必須, 可以自己考慮做唔做, 唔做可以飛少一次台灣。咁啱今次個期撞正12月尾聖誕節, 怕人多, 機票又貴, 酒店又搶手, 於是我地決定延後一個週期, 1月先飛過去。

又係登記好, 等咨詢師帶入去換衫, 事前好驚鴨咀鉗, 不過醫生好溫柔, 無唔舒服感覺。輸卵管即日知道無塞, 而ERA要14日先有結果, 當日順便問埋賴醫生得返2粒仲植唔植入到, 因為我唔想再抽卵呀。賴醫生建議可以試植入5BB先, 會比定藥物, 而免疫問題就帶定針返香港, 植入前幾日按時間自己打, 同係香港抽血。今次只係做檢查, 係最輕鬆的一次, 去食下野, 夾下公仔，又飛返香港了
私人傳訊

Lausiu00


別墅

積分: 775


11#
發表於 24-5-18 00:15 |只看該作者
留名聽
私人傳訊

cccyan


洋房

積分: 65


10#
發表於 24-5-17 15:46 |只看該作者
本帖最後由 cccyan 於 24-5-17 15:47 編輯

回覆 1562c459ff8d9e 的帖子

加油, 唔好放棄台灣係做得幾好
檢查雖然多D, 但比較科學, 睇數據
香港公立, 想問多少少資料都唔願答咁

私人傳訊

cccyan


洋房

積分: 65


9#
發表於 24-5-17 15:40 |只看該作者
第二次飛台灣：
今次係抽卵, 出發前問左咨詢師係會全身麻醉, 咁都無咁驚。
出發前就要自己打排卵針, 第一次打針搞左成個鐘, 心理建設左好耐都落唔到手, 最後鼓起勇氣, 狠心捅下去, 原來支針比想像中幼, 亦都唔算好痛(打疫苗痛好多), 主要係落手吉自己要好大勇氣。

登記好, 又係等咨詢師帶入去手術室換衫, 入面有提供locker, 由於要全身麻醉, 電話就擺左係locker, 我都唔知入左去幾耐, 而先生就會去另一間房提供新鮮子孫。
係手術室等左一陣, 賴醫生就入來照子宮啦, 照到有17粒, 醫生表示好好, 應該抽一次就可以啦, 跟住就麻醉啦……
到我醒返, 抽卵師同我講今次抽到15粒, 係非常之理想, 因為原本話如果抽唔夠數, 就要下個cycle再抽多次, 好彩達標…..繼續訓係度休息30分鐘就可以換衫出去啦~ 每十分鐘左右, 佢地都會過來問下還可以嗎?有無唔舒服? 我見到佢地有計時器, 所以唔洗擔心訓左好耐比人遺忘。

事後問返老公, 我應該入左去個半鐘左右。跟住見完醫生, 再同咨詢師傾完, 我地決定好會做PGS, 再決定埋第三次來台灣做埋輸卵管造影同ERA先至植入。
因為唔想失敗又要做多次植入, 如果著床失敗, 可能又會怪自己當初點解唔做埋ERA/PGS, check好哂先呢。而且每飛一次, 機票酒店都錢呀~抽完卵一定要飲大量水, 我另外仲有飲寶礦力, 而晚餐仲去左打邊爐吃到飽。

原來抽卵係最辛苦的, 抽卵後第4日(已經返到香港啦), 個肚一夜之間好大好漲, 好似有左5個月咁, 坐係度又頂住頂住, 企係度又覺得自己好似就快企唔到行唔到, 食野唔可以食飽, 食左2啖個肚又漲又痛。即刻聯絡咨詢師, 佢話可能係腹水, 叫我飲多D水, 如果頂唔順就要去急症, 一聽到要去急症又係驚驚, 唯有坐多D, 飲多D水, 好彩維持左一星期左右就無事啦
私人傳訊

cccyan


洋房

積分: 65


8#
發表於 24-5-17 14:54 |只看該作者
台北送子鳥座談會係23年9月份舉行, 天氣真係好熱好熱, 我地希望11月無咁熱先飛過去台灣, 就同咨詢師夾時間, 預計大概11月邊日飛過去。咨詢師會幫手hold定醫生個期, 因為海外客人係每日有限數量。當時我地心大心細, 唔知揀邊個醫生好, 咨詢師就比建議我地, 最終我地揀左經驗豐富的院長賴醫生。

我地整個療程一共飛左4次台灣

第一次飛台灣：
見醫生的日子係經期第二至四日, 買左機票每日都祁求大姨媽準時到, 好彩大姨媽十分配合。

朝早去到診所, 咨詢師已經係lobby等緊我地, 係counter登記好證件資料, 就去抽血, 可能我孤陋寡聞, 佢地個儀器可以照到血管位置, 姑娘手勢都好好, 我最怕抽血打針都唔覺得痛, 事後亦都無瘀, 當日抽左十幾支試管, 我仲嚇到傻傻咁問「要抽十多支嗎? 我有這麼多血嗎?」個腦諗緊咁咪要吉我十幾次? 好彩只係吉一下, 姑娘有個工具只係換支試管的, 第一次初診老公都要抽血, 報告一至兩小時就有, 部份抽升結果要一至兩日。

然後咨詢師就帶我地上2樓參觀佢地診所設施同實驗室, 診所環境好大好舒服, 亦有一個室外區, 等候區都有飲品同餅乾提供。參觀完咨詢師就同我地講解個APP點樣用, 之後報告同用藥資料都會係APP度更新, 同埋一陣見完醫生後大概有咩要做(帶針返去打, 考慮做唔做PGS/ERA等), 跟住就坐係sofa等見醫生啦。

第一次見院長賴醫生, 感覺佢比較認真及嚴肅, 說話唔算多一針見血, 全程咨詢師都會在旁陪診, 醫生睇完報告好快就安排我地十日後返來抽卵, 完全無諗過咁快, 同一個月飛2次台北, 好彩近請一兩日假唔難。
同時抽血報告發現我有免疫問題, 個一刻我都未明白會有咩影響, 即場就忍唔住喊左出來, 賴醫生同咨詢師就安慰我係有辦法處理, 唔洗擔心, 就係我最驚個樣：用打針去控制。

見完醫生, 坐係sofa等就得, 咨詢師會過來搵你唔洗擔心會miss左。跟住就係教D藥點用同埋教打針, 然後等多一陣, 咨詢師帶我地落返樓下比錢拎藥就走得喇。就係咁突然, 我第一次就帶左排卵針同藥返香港準備下一次抽卵喇。超級驚打針, 仲要自己打自己
私人傳訊

day1234567


大宅

積分: 1828


7#
發表於 24-5-17 12:54 |只看該作者
恭喜
私人傳訊

naucmon30


男爵府

積分: 5587

2023年兔年勳章


6#
發表於 24-5-14 10:22 |只看該作者
一次成功，恭喜你
私人傳訊

cccyan


洋房

積分: 65


5#
發表於 24-5-13 17:50 |只看該作者
回覆 Mmmoniee 的帖子

係呀, 謝天謝地, 好幸運一次成功,我係台灣送子鳥做, 稍後再繼續分享過程同經歷
私人傳訊

1562c459ff8d9e


禁止訪問

積分: 19


4#
發表於 24-5-9 10:58 |只看該作者

回覆樓主：

提示: 作者被禁止或刪除 內容自動屏蔽
私人傳訊

Mmmoniee


別墅

積分: 796


3#
發表於 24-5-8 18:25 |只看該作者
LM 請問你係台灣邊間做？ 只做1次就成功嗎？
私人傳訊

cccyan


洋房

積分: 65


2#
發表於 24-5-8 14:17 |只看該作者
有基本資料同方向後, 我同老公就開始搜尋同深入了解。政府我地都有照排, 用HAGO登記後, 比左第一次日期, 係3個月後, 聽姑娘講似乎就只係去交文件。最終我無出席, 因為已經去左台灣做IVF啦。

搜集資料期間係fb見到中醫師推薦的其中一間生殖中心會來香港舉辦座談會, 我地就即刻報名, 不過接到台灣打電話來, 話名額已經full左, 但會幫我地排後補, 幸好最終都安排到我地參加, 現場真係好多對夫婦出席。
**呢一個座談會係台北送子鳥舉辦**

係呢度想讚一讚個座談會, 係酒店宴會廳舉行, 環境舒適, 登記入場時派發一袋資料, 入面仲有提供白紙同筆, 方便我地邊聽邊記錄, 而紙袋上無印任何字眼, 所以離開時拎住行街都唔會感到尷尬。我自己就買定樽水去, 原來現場有提供咖啡/茶/水等簡單飲品, 去到中段有一個小休時間, 竟然有小點心提供(mini sandwiches, mini burger, tart, cupcake, 小炸物等等), 因為聽書去到呢個回合, 老公已經開始想訓, 係呢個時侯有tea食即刻醒神返, 所以我覺得安排非常之好。

當日係其中一位院長來港講解, 每一個環節都設有Q&A, 自己諗唔到要問咩, 都可以聽下其他人問咩, 院長即時解答, 最後就係同咨詢師一對一會面。最後咨詢師話大約3日後, 佢地返到台灣會用email再聯絡我地, 由於我地都好滿意呢位咨詢師, 解釋得清楚詳盡, 亦令我地感到安心, 所以就請佢返台灣都親自跟進, 唔好pass我地比其他同事。

事隔半個月左右, 中醫師推薦的另一間生殖中心都來港舉辦座談會, 我地都有報名參加, 呢間係台中茂盛, 不過最終無揀到, 原因係飛台中班機比較少, 時間選擇無咁彈性, 交通無台北嗡方便。因為無選擇佢, 座談會就唔分享了

大家可以留意佢地有無來香港舉行座談會, 報名參加可以感受下團隊適唔適合自己先。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy