吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› (更新流程)結婚6年備孕2年，終於決心做IVF，結果晴天霹 ...

想生BB 今日: 0|主題: 109510

收藏本版

發帖

返回列表

跳至頁

查看: 11965 | 回覆: 25

(更新流程)結婚6年備孕2年，終於決心做IVF，結果晴天霹靂... [複製鏈接]

Libra_02

複式洋房

積分: 159

1^#

發表於 24-6-25 16:03 |只看該作者 |正序瀏覽 |打印

本帖最後由 Libra_02 於 24-7-10 11:38 編輯

我同先生廿到尾結婚，本身好理想地打算過2年二人世界再諗生B，我們本身沒有不良習慣，平時還算養生，亦有做開運動。

結婚第三年我們終於捨得備孕，大家進行各種生育檢查都沒有問題，本以為可以好快中獎，結果佛系不設防2年都冇好消息，跟著我們去寶x生育所睇醫生，前前後後做了多次檢查+計排卵+打排卵針+做功課+食藥+IUI都冇好消息。當中驗東驗西+IUI已花費一大筆錢，最後才讓我們考慮IVF，但IVF所費甚巨，我們夫妻當中周折許久已所剩無幾，結果又拖了2年，我從27歲拖到現在33歲才有返儲蓄直接去做IVF，但這次我們沒有選擇去寶x做，而轉去找Dr.TaX。

Dr.TaX一照超聲波便發現我本身應該患有腺肌症，網上查資料發現這像子宮版的肝硬化。

子宮肌腺症會導致經期長，血量多，隨情況嚴重，經痛也會越來越厲害。最初只是行經期間會痛，後來發展至非行經期間也會痛，久而久之經血積在子宮肌肉層內，使肌肉纖維化。

一旦子宮硬化，便會失去柔軟度，亦代表這個器官已失去功能，只能進行切除手術。

任何處於生育年齡的婦女均有機會患上子宮肌腺症，暫時成因不明，亦未有明顯遺傳因素，

當子宮內膜入侵子宮肌肉層，逆流經血慢慢令子宮硬化，所以治療不是簡單切除肌瘤便可，因範圍太大。一旦子宮硬化範圍擴大，要成功懷孕便更加困難。

難怪我每次月經都痛不欲生，而且我在月經期間照2邊卵巢的情況也不太理想，左邊咩都冇，右邊只有3個卵泡，以我年紀應該不止3個。當初我在寶X做同樣的檢查，我說月經期間的不適，照完照聲波只說我有多囊卵巢症，但實則不是，我患上的應該是子宮肌腺症。

如欲懷孕有必要趁病情受控前，即子宮未完全硬化前盡快成孕，因肌腺瘤隨時復發，換言之，患者如欲生小孩便要與時間競賽。

子宮肌腺症會令受精卵難以著床成功，所有自然懷孕的方法也不太管用，所以，我能做的本身就只有IVF這條路......(待續)

0 0 0

私人傳訊

Libra_02

複式洋房

積分: 159

26^#

發表於 24-7-10 11:26 |只看該作者

本帖最後由 Libra_02 於 24-7-10 11:27 編輯

wawamcw 發表於 24-6-25 18:05
寶x 真係流流地
我之前都去寶x到檢查，都係問關於生育
照完都係話子宮無野，卵巢有泡，多數係來完M 所以 ...

我到目前為止30分鐘內見到Dr.TaX, 論耐, 寶x仲耐, 我次次覆診至少要等9個字或以上, 好似要等皇帝出巡咁...

私人傳訊

Libra_02

複式洋房

積分: 159

25^#

發表於 24-7-10 10:50 |只看該作者

本帖最後由 Libra_02 於 24-7-10 11:51 編輯

回到主題，更新一下我自己做IVF的近況：

當時選擇Dr.TaX的原因，主要是我同先生上網查不同地方的IVF資料及睇評價，這名醫生幾乎好評如潮且很多人讚手勢好，唯一美中不足之處，就是聽說診所姑娘比較...惡？！

於是，自今年年頭起，我倆便就當年的前車之鑒，決定自己去上網查資料睇評價，然後記低所有做IVF不錯的醫生名單，打算定下先後次序後逐一敲門求醫，Dr.TaX是我倆的首選醫生。
(當年去寶X睇的醫生，是經我先生的某位同事遞卡片介紹的，不是我倆自行搜集資料。)

我們首次上門求醫，感覺唔錯，因為Book咗邊個時間就邊個時間，就算要等都唔洗好似當年喺寶X度咁，明明按預約時間到達都要我們呆等45分鐘至個半鐘至叫我們入房，有兩次仲直情叫我們出去行1-2個鐘後再回去

基於預約了的覆診時間都很不準時，我們亦無法預計一次覆診的需時多長，所以我同先生每次即使只是簡單聽下報告就走，都冇辦法利用Lunch時間去做，焗住要向公司瘋狂請假，因為預約定的覆診時間都長期delay至少45分鐘，好似當人唔洗返工搵食咁。

Dr.TaX嗰度的診症時間算幾準時，故給到我們一個良好印象，至於姑娘講話冇尾音，態度較強硬直接，可能有些人接受唔到，但我同先生都ok的。

第一次去Dr.TaX度就安排我照聲波，一照便看到我有子宮腺肌症，而且情況不樂觀，基本上好難自然懷孕，然後就直接叫我同先生做IVF，別浪費時間，每次診金基本$1600。

之後Dr.TaX就寫信讓我們抽血&驗精，好快就安排到我們回去睇報告，然後便發現我先生的精子形態不太正常，但我的卵巢功能+各項有關指數都很好，唯獨是子宮腺肌症累事，所以我們夫妻咁耐都冇BB。

以上問題我們在Dr.TaX那裡只花一個月時間便查清楚個根本問題，不明白為何當年在寶X度照咁多次照聲波+做檢查個醫生都冇發現到。

接著，Dr.TaX給了我們養和醫院IVF中心的卡片，叫我們去養和醫院拎埋結婚證書正本去辦理手續(記住一定要是正本 副本不受理)，所有要做手術的項目都會在養和醫院進行，由Dr.TaX親自操刀，而我們的情況在成個IVF療程預算大概11~15萬內左右。

(待續...............)

私人傳訊

Libra_02

複式洋房

積分: 159

24^#

發表於 24-7-10 09:52 |只看該作者

本帖最後由 Libra_02 於 24-7-10 10:51 編輯

bobobuibui 發表於 24-7-9 00:36
請問係邊位醫生，可以pm嗎？

坦白回應，這個問題我要考慮一下，因透露當時醫生的名字也相當於我有機會要披露埋自己個人訊息。

直到現時，我已收到不下8個人pm我，全部都以"自己有朋友喺寶x睇緊症"作為理由問我係邊一位醫生，所以我懷疑呢度有人釣魚，有冇咁多個Sis的"朋友"咁啱得咁橋全部都在寶x睇緊症？所以呢個問題我會慎重回應。

若有人覺得喺寶x睇得唔錯亦不妨繼續睇，因我提及的事只是個別醫生，我相信寶x咁多位醫生唔會個個都似我睇嗰位咁R錢，如有懷疑或怕中伏或睇睇下覺得唔對勁的Sis，建議盡快找其他醫生診症，無謂好似我咁白白浪費咗咁多時間金錢。

私人傳訊

bobobuibui

別墅

積分: 756

23^#

發表於 24-7-9 00:36 |只看該作者

Libra_02 發表於 24-7-5 17:25
所以今次儲足彈藥我唔會再去寶X度。

請問係邊位醫生，可以pm嗎？

私人傳訊

Libra_02

複式洋房

積分: 159

22^#

發表於 24-7-5 17:25 |只看該作者

pigx3 發表於 24-7-4 04:23
我都睇過寶X，真心覺得個醫生係R錢，仲有好多時想佢比意見，佢又拋返個波叫我自己決定，佢比咗意見我自己會 ...

所以今次儲足彈藥我唔會再去寶X度。

私人傳訊

Libra_02

複式洋房

積分: 159

21^#

發表於 24-7-5 16:30 |只看該作者

本帖最後由 Libra_02 於 24-7-5 17:10 編輯

Lanlanbabyq 發表於 24-7-4 16:46
回覆 Libra_02 的帖子

唔好意思我好少想留言,但真是有幾點奇怪可能真係人夾人啦

問題是在於當時個醫生睇唔出我患有子宮腺肌症，很難自然懷孕到，如果佢一開始睇到我的病情，我哋亦唔需要走咁多彎路同洗咁多錢去試自懷。
我意思是，數唔係咁計法，畢竟我哋試自懷、做IUI呢啲全部都唔係免費，都係要洗錢的，而我哋本可省下IUI的錢去IVF度，而正正是因為走咗咁多彎路，勞民傷財，本身我哋有錢做IVF都變到要再拖一段時間儲返啲子彈，直至而家至可以做，就因為當時醫生睇唔到我有子宮腺肌症，而且情況是不樂觀的，故我相信當時已經有苗頭出現，但醫生冇睇出來。
做個簡單的比喻，就好似d的士司機為了賺更多錢，知道乘客唔熟路而亂兜路咁。
我哋手頭上都只是有限錢，而我哋的情況是這筆有限錢白白用錯了地方。

其他身體正常的姊妹拖2年也許沒什麼，但我不是，我的情況是要同時間競賽的。

私人傳訊

Libra_02

複式洋房

積分: 159

20^#

發表於 24-7-5 16:24 |只看該作者

j_chan 發表於 24-7-3 19:59
回覆 yauahah 的帖子

我成日都話：醫生都要人夾人。最緊要係溝通！

其實如果個醫生睇得到我有子宮腺肌症，很難自然懷孕到，我哋亦唔需要走咁多彎路同洗咁多錢都未有一個BB，畢竟我哋賺的都是血汗錢來。

私人傳訊

Lanlanbabyq

複式洋房

積分: 374

19^#

發表於 24-7-4 16:46 |只看該作者

回覆 Libra_02 的帖子

唔好意思我好少想留言,但真是有幾點奇怪

可能真係人夾人啦
聽你講做了幾次IUI失敗後"最後才讓我們考慮IVF",做一次我估最多兩萬幾.3次都係6萬. 想賺你錢應該一開始叫你ivf先係...但事實上其實又未有錢去做ivf...這裡有D難理解點樣想賺你錢

另外我聽過有人會多囊和內膜異位同時發生,雖然比較少.
同埋子宮過厚同出現纖維化的問題,你都說了是會令受精卵難以著床成功.以我認知ivf只係幫倒你有靚胚胎,著唔著倒床都係靠子宮,除非嚴重得卵巢功能都衰退左。如果想慳錢可以做左手術清左異位先,卵巢無問題就可以iui.33歲大把時間

私人傳訊

BB彈

複式洋房

積分: 214

18^#

發表於 24-7-4 12:36 |只看該作者

細細粒瘤在卵巢不一定要處理的，做手術是有機會破壞了個卵巢的結構

私人傳訊

pigx3

別墅

積分: 877

17^#

發表於 24-7-4 04:23 |只看該作者

我都睇過寶X，真心覺得個醫生係R錢，仲有好多時想佢比意見，佢又拋返個波叫我自己決定，佢比咗意見我自己會make final decision 㗎啦，唔係我使乜咁貴睇佢，超後悔花咗幾十萬，前前後後兩年時間喺嗰度！

私人傳訊

wawamcw

複式洋房

積分: 451

16^#

發表於 24-7-3 20:22 |只看該作者

j_chan 發表於 24-7-3 19:59
回覆 yauahah 的帖子

我成日都話：醫生都要人夾人。最緊要係溝通！

朱古力瘤唔係佢發現架，佢話無野係泡，不過點都好啦，睇醫生人夾人，

如果佢睇到有懷疑，唔大都好都可以留意觀察。
但佢話無野，我就信佢，我自己係無野，但原來係有野。

私人傳訊

j_chan

大宅

積分: 2910

15^#

發表於 24-7-3 19:59 |只看該作者

回覆 yauahah 的帖子

我成日都話：醫生都要人夾人。最緊要係溝通！
好似樓主情況：醫生按步就班，但病人覺得浪費時間金錢；但如果建議直接IVF, 亦有可能病人未ready, 覺得太商業化，太chur.

另一位JM嘅息肉問題：有人認為非必要手術不應做;但亦有人覺得胚胎珍貴，應該幫得盡幫先至放胎。

至於另一位的朱古力瘤只有1cm, 的確未必需要切除。至於安排覆診，真係有人覺得無謂花多次錢行多轉。

（利申：我和朋友都睇過寶德，好好彩，一切順利）

私人傳訊

yauahah

複式洋房

積分: 114

14^#

發表於 24-7-3 15:38 |只看該作者

我前後都睇幾個寶德醫生，完全無以上問題wo，而且amh都好基本要驗既，指數高就即係多囊，低就卵巢早衰，所以多囊同線肌症爭好遠架wo

私人傳訊

Libra_02

複式洋房

積分: 159

13^#

發表於 24-6-28 15:41 |只看該作者

本帖最後由 Libra_02 於 24-6-28 16:21 編輯

REEEE 發表於 24-6-28 12:37
唔知點解同我喺寶德做嘅咁唔同，不過如果覺得醫生唔夾，盡快轉都係好事。
我都係做lui ，第一次見醫生個陣 ...

我首先係個醫生問我經期各樣，做一堆基本檢查，然後照超聲波觀察子宮卵巢情況，醫生話我有多囊卵巢症，不過都係照正常程序定期覆診照卵巢情況同打排卵針嗰啲，照到有成熟卵子就做促排，然後叫我們回家把握時間做功課，如是者幾次都唔成功，然後先安排我做IUI，結果做極都唔成功，跟著先叫我做IVF，但做到IUI之後我們已洗咗唔少錢。
跟著我們決定再儲多啲錢轉醫生直接做IVF，到現在醫生同我照超聲波時，至知我唔係多囊卵巢症，而是有子宮腺肌症，子宮過厚同出現纖維化的問題，我需要盡快安排IVF，因我情況是好難自然懷孕，IUI都算係自然懷孕的其中一種方式，都係要靠自己的身體狀況來懷孕，但我情況唔啱用，所以直接做IVF。

私人傳訊

REEEE

大宅

積分: 2333

12^#

發表於 24-6-28 12:37 |只看該作者

唔知點解同我喺寶德做嘅咁唔同，不過如果覺得醫生唔夾，盡快轉都係好事。
我都係做lui ，第一次見醫生個陣我都冇心理準備咁快做lui，
但醫生見我已經差唔多排卵，
今次粒卵又夠大，
叫我過幾日再返嚟睇，
就嗰個cycle即刻試一次先，
所以我都係無做輸卵管先嘅，
試一次都係幾千蚊，

再下一個cycle先真係照超聲波開針，
等醫生好勁喎，
就咁照超聲波已經開到針。