吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 轉美元定期有無著數？

家庭理財今日: 2|主題: 46823

收藏本版

發帖

返回列表

跳至頁

查看: 8218 | 回覆: 7

[家庭理財] 轉美元定期有無著數？ [複製鏈接]

newlife729

複式洋房

積分: 133

1^#

發表於 24-8-11 22:05 |只看該作者 |正序瀏覽 |打印

港元定期跌了很多，轉美元有得諗嗎？

0 0 0

私人傳訊

JuneHa11

別墅

積分: 708

8^#

發表於 24-8-13 17:01 |只看該作者

咁其實有蝕少少都正常，你炒美股都有手續費啦
如果你想真係高息美元，又唔會蝕咁賺
牛牛現金寶都係同定期差唔多
都有4-5厘

真心蝕個少少咁不如唔好投資啦

點評

Adrio77

發表於 24-8-16 10:00

私人傳訊

已刪除用戶

已刪除用户

積分: 2006

7^#

發表於 24-8-13 10:30 |只看該作者

提示: 作者被禁止或刪除內容自動屏蔽

私人傳訊

annie133

公爵府

積分: 26341

6^#

發表於 24-8-13 00:10 |只看該作者

Ksnoopy 發表於 24-8-12 22:55
外幣定期存款｜短息高係幻覺？作者：Ivan Ho 何啟聰
Finance730

好文
我轉了美元的部分就長罷，做美債為主
所以不受匯兌影響

私人傳訊

Ksnoopy

男爵府

積分: 7168

好媽媽勳章

5^#

發表於 24-8-12 22:55 |只看該作者

外幣定期存款｜短息高係幻覺？作者：Ivan Ho 何啟聰
Finance730

今日想講一個簡單啲但又好多人唔清晰既topic — 因為睇落短息高而影響存款年期決定。

「美元三個月成五厘幾咁高息，不如將港元轉做美元定存？」「三個月高息啲啵，做三個月之後再續，唔做六個月定存了！」

先講兌美元套息。因為美國聯儲局喺減唔減息既議題到彈出彈入，近期銀行紛紛提供三個月同六個月到期既美元定存，亦有好多銀行推出換匯定存優惠。客戶只要兌換美元，之後便可以獲得七日10厘以上既息率優惠。

就算唔計兌換優惠，唔少銀行既美元存息，中短期利率仍然高過5厘。而同期港元存息就向下，最高息率都只係4.3厘左右，港元同美元既息差，有0.7-1厘不等，睇落個息差，表面上幾吸引。

咁究竟應唔應該將港元兌做美元賺高啲息呢？其實大家要考慮兩個因素。首先，貨幣兌換會有交易成本，如果係喺銀行兌換，呢個交易成本就係差價。根據ttrate 所顯示既差價，銀行既美元賣出價，高低差異可達0.28%。換句話說，每將十萬元港幣兌做美元，如果揀左賣出價較高既銀行去交易，咁相對於賣出價較低既銀行，就會蝕左0.28%, 相差280元。當您日後想兌返做港元，亦會再蝕多0.28%。而呢個只係高低價差既比較，未計銀行既報價通常高低過外匯市場交易價約0.15%。所以如果揀左最貴既銀行，一來一回會蝕左860元；就算揀最平果間，一來一回都會蝕300元。

而三個月期既五厘息，就只會帶嚟約1250元港元既實際收益，將呢筆利息減返買賣差價既費用，再變化年息，就算係最低差價果間，都會變左得返3.8厘；最高差價果價，更加會得返1.56厘。所以唔好睇少外匯兌換買賣差價所衍生既交易成本。

題外話，俾您搵到，好多時賣出價較抵既銀行，佢既美元存息又未必一定最高。所以，最終個操作會變成您需要先到A銀行兌換，之後再將美元存入另一較高息既B銀行做定存；去買美元儲蓄保險或者美債。由於美元喺唔同銀行之間係唔可以用到FPS轉數既，而電匯喺要電匯費，所以最好喺開戶時喺每間銀行開定美元支票戶口，又或者要求銀行用CHATS幫您轉數，咁入錢出錢會方便啲）留意有些銀行會收費，而且未必一定同日可轉數。）

另一個套息既考慮，係他日如果將美元兌返做港元，個匯價係升左定跌左。就算您相信聯系匯率行之有效，中短期都唔會有脫鉤既風險，但係聯匯本身都有波幅上下限，即係7.75-7.85。如果今日您用7.83既匯率兌換左美元，到日後美息回落，港元兌美元去返強方保證7.75既話，您將美元兌返做港元，就會蝕1.02%。正因為咁，如果只係諗住轉做美元賺三個月或半年高息，喺計及兌換成本同一旦匯價下跌既因素下，其實有機會倒蝕既。就算您唔用銀行兌，用IB，交易成本低啲，但係一樣有匯率風險。除非您可以鎖定一個較長既存期，比如話至少兩年或以上，先係值得做既套息交易。

其實您諗一諗，如果真係無交易成本又無匯率風險，港元同美元既利率，根本就唔會有息差吧！

最後，想講埋好多時年底或半年結時，銀行都好多時會調高三個月同六個月定存既利息，應付季結需要。三個月既息好多時會高啲，令到比較多人揀呢個年期。不過，以年底為例，三個月定期既續存期往往喺二月份農曆年後，銀行存款息率通常較低，結果再續存三個月時，可能只得較低利率。以六個月期計，全期利率還不及年底時選擇年利率略低的六個月存期呢。呢個亦都係好多人只睇短期年度化息率而影響左存款決定既一個例子。