夫婦情感 今日: 9 | 主題: 42725

積分: 64

1^#

發表於 24-8-16 15:23 |只看該作者 |正序瀏覽 |打印

本帖最後由 rabbitlover713 於 24-8-26 17:34 編輯

我4X歲, 性格比較靜,細個嘅時侯要長期食藥, 食完個人會好呆,無乜反應, 容易比壞人有機可乘。曾經喺大約10-13歳嘅時候被親人多次非禮,果陣唔識反應, 亦唔知應唔應該求助。喺遇到現任老公前, 曾經拍過2次拖, 都係因為唔肯同佢地上床而被分手。原本打算以後都一個人生活, 就喺我3X歲嘅時候, 一個女性舊同事介紹咗佢現職同事比我識, 呢個男人成為咗我老公。

前半生我過得好辛苦, 人呆, 學業成績好差,唔識同人相處, 又窮又醜。大約喺16歲時, 我唔再需要食藥，學習能力同清醒程度好慢咁回復正常, 不過一般人仍然會感覺我係比較靜/呆。媽咪好唔鐘意我, 爸爸就好怕事, 亦無可信任嘅長輩。記得我以前手掌敏感甩皮,媽咪會要求我唔戴手套用白花油幫佢卒背脊, 我一話痛佢就會話如果我唔幫佢卒, 佢背脊就會好痛，將責任推落我度。明明家庭環境唔係咁差, 媽咪都會要求我每月比一半人工佢做家用。好彩我無乜物慾，比較容易儲到錢,
自己一邊工作, 一邊供自己讀咗學位。出黎工作遇到好多又叻又對我好嘅人, 但係所有有血緣關係嘅人就會對我好差。即使喺結婚前一晚, 我喊住咁求我媽幫我上頭,佢都會拒絶, 佢只會喺人前或我老公面前對我好。

講返我同老公關係, 我地4年前結婚。佢對我超級好,佢聰明、正直、內向、愛思考、亦好鼓勵我婚後做自己鐘意嘅工作。

我好鐘意小朋友,亦發現小朋友見到我會好開心, 所以我半職咁從事相關嘅工作, 其他時間就會打理好屋企, 令老公可以專心佢嘅事業。佢份人比較孤寒,唔係好打扮, 明明有新衫,都會因為件着咗十幾年嘅舊衫未爛而繼續着。所以佢一定唔會比錢嫖妓, 外表亦唔大機會吸引其他女人/第三者。雖然佢有少少孤寒,不過有時我想食好野, 佢都會同我去。我鐘意嘅野佢都會買比我。佢平時會用好多時間打機、聽音樂、睇動漫、研究攝影、睇書等, 都係一般男人鐘意做嘅野, 無不良嗜好。
佢有少少A仔,例如見到超市個雪櫃門關得唔好佢會唔舒服, 要幫人整理一下。

我地婚後都試過幾次行埋, 但都唔成功,我好容易緊張, 佢一入黎我就覺得下面好痛,佢知我痛都無迫我。果幾次之後, 我地無再試過,佢好少主動錫我摸我。通常我主動錫佢嗲佢,佢就會回應錫返我一下, 只係一下,無第二下。心裏面好想佢再進一步, 再試一下,但係佢真係就咁停咗手, 自己又唔好意思同佢講。曾經問過專業人士意見, 建議我地去搵專業性治療嘅機構, 不過老公好抗拒, 佢唔想試。

咁多年黎, 老公陪我喺童年心理陰影走出黎, 呢兩年我終於覺得自己可以面對到自己,可以積極樂觀咁行前面嘅路。佢對我咁好,但係我喺性方面完全滿足唔到佢, 覺得有點自責。呢幾年我肥咗好多, 亦無乜打扮。

佢講過鐘意我瘦啲, 鐘意我打扮個樣,最近我開始節食、化妝, 希望咁樣有幫助。除咗呢啲之外, 我仲應該做啲乜野呢?

0 0 0

私人傳訊

TonniRoy

禁止訪問

積分: 49

41^#

發表於 24-8-30 14:01 |只看該作者

提示: 作者被禁止或刪除內容自動屏蔽

私人傳訊

Littlecatta2013

積分: 40443

40^#

發表於 24-8-28 16:37 |只看該作者

rabbitlover713 發表於 24-8-16 15:23
我4X歲, 性格比較靜,細個嘅時侯要長期食藥, 食完個人會好呆,無乜反應, 容易比壞人有機可乘。曾經喺大約10-1 ...

同意#39樓所講、處女第一次係痛、唔關陰影事

、我諗冇乜邊個男人唔鐘意破處、忍一忍都要、問十個男人九個都鐘意插

私人傳訊

aki1116

民房

積分: 27

39^#

發表於 24-8-28 02:03 |只看該作者

會唔會第一次忍一忍痛一嘢，開咗個口先呀？我相信每個女仔第一次都係痛，痛完果一下，之後慣，老老實實四十幾歲再唔快啲，唔通等到50歲先嚟第一次咩

私人傳訊

Cat7135

大宅

積分: 1080

38^#

發表於 24-8-26 18:03 |只看該作者

見其他人留言FOCUS 係樓主心理因素,我提供另一個角度:

其實唔一定要有 [進入]先叫完美的性行為
或者講白D,愛愛有好多種方法,互相願意既狀況下,你可以幫下佢打出,佢都可以摸你私密以外既地方令你興奮,亦唔一定要用手/丁丁進入你體內,都可以摸外面達到興奮,EVEN 更上一層既舒服。

私人傳訊

858D

積分: 37885

37^#

發表於 24-8-24 04:58 |只看該作者

本帖最後由 858D 於 24-8-24 05:06 編輯

rabbitlover713 發表於 24-8-19 23:39
第一次聽有asexual呢樣野。呢個世界人夾人，只要大家夾到，相方又夠成熟去理解大家，無論對方喺其他人眼中 ...

如果想知道更多asexual方面的科普資料，可到 https://www.asexuality.org/ 參考。
我閱讀理解完那篇 an introduction to asexuality 資料後，我開始評估我自己係屬於 asexual spectrum 類型。
尤其嗰個解析點解對互動性行為唔感興趣嘅人依然選擇結婚並與婚伴有性行為的各種原因，我中曬咁多項。

Love is when the other person’s happiness is more important than your own ~ H. Jackson Brown

私人傳訊

monchhichijoyce

大宅

積分: 4994

36^#

發表於 24-8-20 23:02 |只看該作者

回覆樓主:

試下大家開套色情片一齊睇...會有幫助。

私人傳訊

積分: 64

35^#

發表於 24-8-20 14:33 |只看該作者

kaman06 發表於 24-8-20 09:13
加油，你已經好叻女，放鬆自己，日後一定會更好

謝謝你

私人傳訊

irisf

積分: 9764

34^#

發表於 24-8-20 13:19 |只看該作者

AI post? 寫得甘詳細

私人傳訊

kaman06

積分: 7207

33^#

發表於 24-8-20 09:13 |只看該作者

rabbitlover713 發表於 24-8-20 01:21
謝謝你的建議，我會認真考慮搵輔導員。

家人之間嘅影響千絲萬縷，我都係結婚前以及早兩年發生過大事，自 ...

加油，你已經好叻女，放鬆自己，日後一定會更好

私人傳訊

Heman2001

積分: 7078

32^#

發表於 24-8-20 02:56 |只看該作者

rabbitlover713 發表於 24-8-20 01:25
都聽過''陰道緊張'',始終有啲心理影響，可能要練習多啲先得。

慢慢黎，加油

私人傳訊

積分: 64

31^#

發表於 24-8-20 01:25 |只看該作者

Heman2001 發表於 24-8-19 10:08
我唔係專業人士不過就咁睇似係心理因素居多，可能係童年陰影，呢啲試下搵專業人士幫下

曾經聽過一 ...

都聽過''陰道緊張'',始終有啲心理影響，可能要練習多啲先得。

私人傳訊

積分: 64

30^#

發表於 24-8-20 01:21 |只看該作者

本帖最後由 rabbitlover713 於 24-8-20 11:12 編輯

kaman06 發表於 24-8-19 09:22
去家計會，應該有專人輔導可以幫你地，做唔做到唔係你一個人問題，係2個人事，唔好諗住你去解決，係 ...

謝謝你的建議，我會認真考慮搵輔導員。

家人之間嘅影響千絲萬縷，我都係結婚前以及早兩年發生過大事，自己先審視返自己成個人生點樣受影響，以及點樣先可以繼續好好咁行落去。

簡單講，我婆虐待我媽，我公唔出聲。不過我婆對我好，加上細個有病好麻煩佢，我媽就精神虐待我。佢曾經講過，點解我可以咁幸福，對我好嘅人買衫比我，佢唔高興會剪爛佢。佢要面，只要有人發現voice out,佢就唔比果啲大人再見我。細佬出世，又靚仔又聰明，佢乜都就晒佢，故意忽略我，唔比我同同學出街玩，要我喺屋企照顧細佬。明明屋企唔係窮，佢要細佬用尿布唔用尿片，濕咗迫我用手洗，到我爸返屋企，佢要換尿布，濕咗就掉唔會洗。可能我之前食藥呆呆地，唔會想反抗，我始終係好想媽咪關心我，我心底都係愛佢，所以佢叫我做乜都會做。成個中學生涯我無笑過。

喺我結婚前，我將心入面多次被非禮嘅事講比父母知，佢地一時會反過黎話我講大話，一時又話咁耐提黎做乜。同一個問題不斷重覆又重覆問，有一次佢又發癲，話如果我肯忍住唔講出黎，咪大家無事囉，真係二次傷害。果一刻，我醒醒地。

結婚後我老公同佢嘅家人同親戚朋友對我好好，果陣我先知乜野係家。好多人話婆媳好易摩擦，我同奶奶又相處得無乜野，佢仲會鼓勵我做想做嘅事。兩年前某一日，我去父母家食飯，班親戚不斷蝦我老公，果吓我終於爆發，發誓從此同佢地斷聯絡。之後大半年無返外家，果半年我日日都諗返細個比屋企人蝦嘅情景，好depress. 好彩身邊有好朋友同識少少輔導嘅人，我慢慢走返出黎，亦學識要遠離對自己唔好嘅人，即使佢地有血緣關係。

我覺得頭腦越黎越清醒，開始了解自己嘅特質，計劃自己想成就嘅事。以前睇戲一有非禮強姦場面我會好想喊，依家我會分得清係做戲。以前嘅事就當係成就依家嘅我，令我知道世途險惡，要識保護自己。

依家好間中先會返外家，表面好客氣咁，佢地有過份要求我會好firm咁拒絕，保持禮貌做足本份就算。

私人傳訊

積分: 64

29^#

發表於 24-8-19 23:39 |只看該作者

858D 發表於 24-8-19 00:16
你兩咁嘅故事發展，不期然令我將我嘅朋友同佢老公嘅情況對上號入座一齊唸。我呢個朋友同佢老公係愛愛方面一 ...

第一次聽有asexual呢樣野。呢個世界人夾人，只要大家夾到，相方又夠成熟去理解大家，無論對方喺其他人眼中係幾咁特別，都會相處得融洽。茫茫人海，要搵到咁夾嘅真係唔容易。

有個閱人無數嘅朋友講過，兩個人天生性格同背景差幾咁遠都好，只要雙方夠成熟，夠愛對方，都會過得到。

你另一半同你咁夾，好為你開心。

私人傳訊

Heman2001

積分: 7078

28^#

發表於 24-8-19 10:08 |只看該作者

rabbitlover713 發表於 24-8-16 15:23
我4X歲, 性格比較靜,細個嘅時侯要長期食藥, 食完個人會好呆,無乜反應, 容易比壞人有機可乘。曾經喺大約10-1 ...

我唔係專業人士不過就咁睇似係心理因素居多，可能係童年陰影，呢啲試下搵專業人士幫下

曾經聽過一個情況好似叫“陰道緊張”，當要進行性行為陰道會自然收緊令到無法性交，樓主有可能屬呢類

私人傳訊

kaman06

積分: 7207

27^#

發表於 24-8-19 09:22 |只看該作者

rabbitlover713 發表於 24-8-18 22:58
諗諗吓，我應該先攪掂先後次序先:
以前嘅心理陰影已經好咗八九成, 亦有返性嘅慾望, 只係有啲怕羞。
如果依 ...

去家計會，應該有專人輔導可以幫你地，做唔做到唔係你一個人問題，係2個人事，唔好諗住你去解決，係要2公婆一齊解決

對於你的成長，我覺得為你傷心難過，最好揾輔導處理，因為好多人以為性同男女關係係分開，即係大家嬲左，可以照食飯，返工，我知道有人係唔得，有一派理論好似話性只係身體的親密，關係先係內心親密，而內心比身體重要，正如點解有夫婦有性，仍然出軌，因為佢哋感對唔到對方的親密，而氣的成長太難受，包括母親的漠視，都會在你內心影響左你，至於點影響，你最好同輔導員傾傾

私人傳訊

858D

積分: 37885

26^#

發表於 24-8-19 02:44 |只看該作者

回覆 rabbitlover713 的帖子

人最大的性器官是在腦，思想，思維，非生理方面的生殖器官。當遇上合適自己的性趣味條件（包括但不限於：天時地利人和，when，what，how, with who），
性興奮度亦會自然提升，
性興奮度到某程度，大腦會自然釋放 endorphins 翻譯有：腦內啡或內啡肽，是天然的性愛過程要有的止痛藥。我先生就是能以恰當的方式性愛我，使我產生夠用的endorphins 來止住或淹沒陰道窄而緊張帶來的痛楚感。
這優質性愛果效是我前夫無法啟動我實現的。而我的 pillow princess 性傾向剛與前夫的性興奮點背道而馳。注定我兩能生孩子，完成生養眾多的使命，但不能共享夫妻閨房之樂。

Love is when the other person’s happiness is more important than your own ~ H. Jackson Brown

私人傳訊

858D

積分: 37885

25^#

發表於 24-8-19 02:27 |只看該作者

靚靚C9 發表於 24-8-18 23:19
妳自己去做性治療/輔導先啦，妳話諗下面細去睇吓婦科，睇吓關唔關事。多D把握先再試啦，好過你撩起佢慾火 ...

與此同觀點取向。
先了解清楚自己的性傾向，性味（性興奮之點）在哪裡。
然後方知「對症下藥」之策。
人最大的性器官是在於腦，思想，思維。
我與前夫結婚時同是童貞男女。對自己的性味，性趣點，性傾向的認知可說是從0開始。
加上前夫的性趣點與我不合拍，而我又沒有花資源去自我性啟發了解，結果，婚姻性生活一直如樓主所說的陰道感覺窄，不放鬆而痛到要咬緊牙關默默含淚忍受。好在前夫是快槍手，而且一年兩次性愛也不投訴。他很容易棄械而逃的。
後來第二段婚姻的現任先生帶備豐富嘅性經驗與性知識來啟蒙我，才感覺親身經歷到性愛原來可會是這麼不一樣的美好世界。
我也是持有樓主的觀點，拒絕婚前性行為。好在現任先生不用試與我性愛是否合拍，只用外在觀察，憑我手size，我手腕內則肌膚之色澤，我走路時所擺動的長裙，鼻子所聞到我的汗味等等、、、而準確評估到我很迎合他的性趣點所在。不像我前度未婚夫，會因為我拒絕婚前性行為而向我退婚的。
這些我前夫無能為力開發我。遇上我這非靠愛人來開發不可之人，就只有跟前夫一起成為古井。
我現任先生證明了他是能使我開花的園丁。他能隨時隨地隨意啟動我的性興奮度，
我之所以說這些，是鼓勵樓主不要像我，樓主如果想享受夫妻間的閨房之甜蜜，必須要妳自己突破自己的心理障礙。自我增加性知識，自我科普。不能靠現任老公。

Love is when the other person’s happiness is more important than your own ~ H. Jackson Brown

私人傳訊

858D

積分: 37885

24^#

發表於 24-8-19 00:26 |只看該作者

rabbitlover713 發表於 24-8-18 16:45
同意。首要減肥，慢慢減食量，食得健康啲，作息正常，保持樂觀心境。試吓變得靚啲性感啲，睇佢會唔會主 ...

如果樓主老公真係屬於A仔類嘅話，（邊緣A仔都係），樓主要將臉皮整厚先容易保持自我感覺良好。
我先生問我：「你愛唔愛我？」
我當下感覺唔到，立即回：「我唔知道」
過左一個星期，我突然同我先生講：「我唸過，理性上我係愛你嘅。以下係證據畀我睇到我係愛你嘅、、、、」

Love is when the other person’s happiness is more important than your own ~ H. Jackson Brown

私人傳訊

858D