吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 如何挽回堅決離婚嘅老婆?俾D意見..

夫婦情感今日: 0|主題: 42806

收藏本版

發帖

返回列表

跳至頁

查看: 12002 | 回覆: 14

如何挽回堅決離婚嘅老婆?俾D意見.. [複製鏈接]

st159632

洋房

積分: 31

1^#

發表於 24-10-24 18:40 |只看該作者 |正序瀏覽 |打印

本帖最後由 st159632 於 24-10-24 18:41 編輯

係咁嘅,同老婆一齊5年,一直都係異地戀,拍拖4年,上年年尾結左婚,之後都一直好開心生活,跟住有一日
佢睇左我手機,知道左我2年前去經常去夜總會嘅事,睇曬D內容,之後佢問我有無做過對唔住佢嘅事,
我話無,之後佢攤牌,話睇到D信息係兩年前嘅群組,見到我去夜總會有個小姐坐係我大髀上面嘅相,覺得好噁心,仲有上個月一次朋友壓力大出去食飯去左轉,同埋同一個英國朋友返黎話想見識下又去左次咁,之後就堅決要同我離婚,之後都同佢坦白左果時因為讀書壓力大所以先咁貪玩,但自己從來無同D小姐發生過肉體關係,因為結婚後一直都好愛佢,咩都俾曬佢,其實佢都感覺到,自己更同佢講會作出改變,例如俾曬財政佢管身上無多餘錢同埋會同佢報備行縱咁,自己會做運動釋放壓力唔再去果D地方.佢都知道我正係度改變自己,而前日送左花去俾佢,同佢講自己會點改變點改變,但佢都無動於忠,最後都係話堅決離婚.今日再送花俾佢,佢就無再出現了,叫我掉落垃圾桶,唉,其實我知道個問題,但我真係好愛佢,可唔可以俾D意見睇下點可以挽回?

0 0 0

私人傳訊

bluefire2106

複式洋房

積分: 341

15^#

發表於 24-11-6 16:42 |只看該作者

放手可能作為一個老公可以最後為佢可以做嘅事。

私人傳訊

janus198

大宅

積分: 2547

14^#

發表於 24-11-4 23:50 |只看該作者

其實有邊個男人去呢啲地方會問老婆去唔去得？而又有冇老婆比老公問完係會比去？有朋友老公想去吓女僕cafe/低胸侍應酒吧，問老婆permit 都唔得啦！最後啲男人咪你瞞我瞞囉！

私人傳訊

wingki20

大宅

積分: 1918

13^#

發表於 24-11-4 05:15 |只看該作者

只可能夠講你老婆對你已經完成失去信任，冇哂安全感，呢d唔係可以用物質同金錢買返黎，一切都係需要時間建立，而佢既然咁決絕，即表示已經對你徹底死心，唔想再浪費大家時間，你所講既自己現在已經作出改變，係你老婆眼中已經係太遲，要知道你做嘅錯事係你自己選擇，女人要決心放棄可以好絕情，放過別人放過自己吧！

私人傳訊

jelly-pudding

子爵府

積分: 12837

醒目開學勳章畀面勳章

12^#

發表於 24-11-3 11:20 |只看該作者

alicewong18 發表於 24-10-25 16:08
你衰唔止咁少呀？好少何咁決絕離婚！加上你地異地戀都4年，實側住埋先一年，根基唔穩，可能你老婆本身都不 ...

我都係咁諗。

私人傳訊

陳小b

伯爵府

積分: 17227

畀面勳章

11^#

發表於 24-10-26 07:43 |只看該作者

回覆樓主:

請真去得呢d地方。就當你正人君子一次，守規矩。但難保第2次，第3次可以唔做不當嘅事嗎？

唔理結婚與否，你明知自己有另一半。。唔係為傾生意只係單憑個別原因一而再，再而三咁去呢d煙花之地。。你認為女人可以大方到一次又一次咁去原諒你？！

學樓上話齋你朋友圈中都好多呢d好色之徒。唔肯定你自己係咪。。明知自己結咗婚身份尷尬都冇顧及對方感受而去。一味話壓力大。。壓力大可以聽歌做運動甚至乎打機都得。。係要揀去夜總會呢d唔正經嘅地方。。（呢個就係死因）又好難怪你老婆會嬲到想離婚。。

老實講，如果真係愛對方行每一步之前要諗清後果。。因為你唔係細路了。既話結得婚就要以對方為先尊重佢愛佢保護佢。。但睇黎樓主口中除咗物質上比倒對方外。行動上（除咗送花外）就咩都做唔倒..你要知。。女人極需要安全感。。

私人傳訊

Heman2001

男爵府

積分: 8080

10^#

發表於 24-10-26 07:14 |只看該作者

st159632 發表於 24-10-24 18:40
係咁嘅,同老婆一齊5年,一直都係異地戀,拍拖4年,上年年尾結左婚,之後都一直好開心生活,跟住有一日
佢睇左我 ...

至於點挽回，首先妳知唔知衰啲乜？另外係老婆有無話點先可以接受你？

我估計，你老婆知你兩年前去夜總會攬女之後，你上個月因壓力去多次，之後再因朋友想見識下又去多次，時間線有無錯？如果無錯，點會唔知死因？

挽回唔係得個講字，要行動，如果你行為無變、有咁多原因去夜總會，不如放生大家

私人傳訊

Heman2001

男爵府

積分: 8080

9^#

發表於 24-10-26 06:18 |只看該作者

st159632 發表於 24-10-24 18:40
係咁嘅,同老婆一齊5年,一直都係異地戀,拍拖4年,上年年尾結左婚,之後都一直好開心生活,跟住有一日
佢睇左我 ...

老老實實，你應該好後生血氣方剛，一個經常去夜總會既男人話無任何行動，會有人信？去一次半次就話見識下啫，加上你朋友圈子似乎都係好色之徒，你會背叛既機會會少嗎？邏輯上睇，啲小姐必定會色誘男人從而得到更多報酬，而一班男人去玩，除非個個都坐定定守禮，一定會有人毛手毛腳或者帶出街，其他人包括你唔會心動？邏輯上講唔通點解你唔係咁既人但識到咁多想去夜總會既朋友⋯sorry我覺得你可能講漏左啲嘢，當然呢個只係我個人揣測，可能你真係好守規矩，不過，你好經常用“壓力大”去解釋落夜總會既目的，我都係男人，壓力既野明既，但可以落bar飲酒吖，幾貴幾靚既酒一樣飲到，再唔係自己帶支十幾廿萬既酒去飲一樣得，點解會選擇去充滿性潛規則嘅夜總會？如果壓力大就去夜總會，似乎唔係為酒水咁簡單，想搵啲慰藉？

私人傳訊

applepost123

大宅

積分: 1391

8^#

發表於 24-10-25 22:22 |只看該作者

本帖最後由 applepost123 於 24-10-26 08:09 編輯

st159632 發表於 24-10-24 18:40
係咁嘅,同老婆一齊5年,一直都係異地戀,拍拖4年,上年年尾結左婚,之後都一直好開心生活,跟住有一日
佢睇左我 ...

私人傳訊

kwhkwh

珍珠宮

積分: 30656

2026勳章 2025勳章蛇年勳章 2024年龍年勳章牛年勳章

7^#

發表於 24-10-25 18:39 |只看該作者

正路有事劇情發展下去係女既都會迷茫一會然后俾機會喎。

你兩年/兩個月/英国朋友，即係冇断過，你生活開心都去找開心，你叫人情可以堪？

請勿轉載。搬字過紙不是記者的工作，未經同意, 即屬抄襲。

私人傳訊

alicewong18

伯爵府

積分: 19964

6^#

發表於 24-10-25 16:08 |只看該作者

你衰唔止咁少呀？好少何咁決絕離婚！加上你地異地戀都4年，實側住埋先一年，根基唔穩，可能你老婆本身都不是太愛你，只不過導火線引致離婚吧！

私人傳訊

kaman06

男爵府

積分: 7273

5^#

發表於 24-10-25 11:27 |只看該作者

st159632 發表於 24-10-24 18:40
係咁嘅,同老婆一齊5年,一直都係異地戀,拍拖4年,上年年尾結左婚,之後都一直好開心生活,跟住有一日
佢睇左我 ...

有心改，就去見輔導，唔係見完就無事，係你改完，人地先決定，一唔一齊，首先你要明白邊個話事先

私人傳訊

PTMCYS

伯爵府

積分: 18528

馬年勳章

4^#

發表於 24-10-25 10:32 |只看該作者

st159632 發表於 24-10-24 18:40
係咁嘅,同老婆一齊5年,一直都係異地戀,拍拖4年,上年年尾結左婚,之後都一直好開心生活,跟住有一日
佢睇左我 ...

C 兄, 你係咪講漏左好多野呀, 如果個底好, 無理由咁決絕.

1) 咩都俾曬佢,其實佢都感覺到,
-- > 但你行縱蹣住她呢, 咪又唔係放她在第一位, 如果放第一位, 我會先同太太講, 只陪朋友去XX 夜總會 12點前一定散, 原因係XXX, 如果她不批咪唔好去囉, 她可能說陪你一齊去..., 咪比佢一齊去囉, 如果她比但要你回來交功課, 咁咪自己睇下得唔得囉, 如果平時都攰, 唔係成日有功課交, 最好自己都唔好去, 唔係誤會左就唔好啦.

2) 夜總會有個小姐坐係我大髀
-- > 老實講, 以前有D 細場, 真係可以在房內搞埋, 你話坐大脾定打埋個洞, 隔咁耐搵邊個信

, 而且正常D 女(金魚)只係陪下飲酒吹下水, 陪下唱K咁, 好多都唔想比你抽水既.

坐得上大髀基本上已玩得放, 好多都係"木魚"想搵下文, 如果睇到文字就要離婚, 即係你都好享受和主動, 這個即使你未做過, 但意識上已經想一步步出軌了.

3) 同佢講自己會點改變點改變,但佢都無動於忠 -- > 出唔出軌/偷唔偷食, 大部份都係在於人的潛在意識和本質, 如果你對感情認真, 好愛老婆, 就會事事考慮她的感受, 就唔會做出一些容易誤會的事情, 也跟本不會給自己犯錯的機會, 比我都無興趣估你有無做啦; 與異性的約會, 個人位置的apps 的正常活動溝通, 唔一定係為左捉出唔出軌而設, 而係大家的個人安全/掛住又望下, 幾時相遇等的計劃安排好有用(有時打給對方收不到/聽不到的), 所以是方便大家, 但有些人覺得是私隱, 所以睇下你們點睇.

如果說是為對方而改, 咪即係自己覺得啱, 而對方覺得不對, 價值觀未必一樣, 當你厭左/攰左/吵架, 這個潛意便會出翻嚟, 甚至跟對方說, 我為你咩咩咩, 又真係無意思的, "你" 係要為你自己觀念而改, 而不是為對方而改.

有人視愛情的位置好高, 希望能做到靈魂伴侶, 現在你連做夫妻都做不到, 你要先反省自己, 唔好勉強. 如果你回想一下, 去夜總會明知老婆會誤會你都照去, 咪又係愛你自己多過愛太太, 咁何必逼人愛你呢. 機會無左就唔好怨, 重新整理過自己, 怎樣對待下一段認真的愛情吧.

如果分左手, 便放縱自己, 繼續蒲, 就仍然未學懂了.