吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好想離婚，但小朋友細。

夫婦情感今日: 0|主題: 42711

收藏本版

回覆發帖

返回列表

跳至頁

查看: 14091 | 回覆: 18

好想離婚，但小朋友細。 [複製鏈接]

happywongbb

大宅

積分: 1326

1^#

發表於 24-12-2 05:36 |只看該作者 |正序瀏覽 |打印

結婚10年，同佢生日活愈來愈辛苦。永遠錯的都係我，開頭幾年都肯認錯，而家就話我唔會認錯，冷戰咩…佢可以2星期唔理我，唔理小朋友(7歲)。小朋友見到我地鬧交冷戰，佢地又會唔開心又會出現好多行為問題，我為左小朋友死死地氣同氹番佢，佢一野推開我。。。。
而都只係為左小事鬧交，為左約會遲到15分鐘，為左我同好天真咁以為坦白同佢講我好驚同佢會小小野都鬧我，然後佢就真係鬧我，鬧我咁樣諗佢。
由結婚到而家，搞結婚係我，搞裝修係我，身為個女人要去同裝修師傅傾的係我，去旅行係我搞，仔讀書係我，生日係我，煮飯買餸工人家都係我，我家都要返工的。
以前都算，大家有傾有講就算，而家...冷戰2星期，身為男人話係咁gala...我地冇野好講。
返黎見到個仔做錯野就鬧，然後一句就話你阿媽教到你咁...
我真係好想同佢嘈，但唔想影響到個仔。
同佢出街好怕失禮，無論係佢朋友定係我朋友，佢都會發脾氣鬧我，上月同朋友食飯，朋友食左佢舊午餐肉，我冇夾俾佢，佢就黑面話冇午餐肉食。
我覺好醜。
好辛苦，好想走好想離婚。
我地冇第三者，但我成日都好想有第二個男人出現，我好想離開，為乜要咁委屈，我都有阿媽生，我都係人。

點評

333s

發表於 24-12-2 08:03

0 0 0

私人傳訊回覆引用

CCHINGC

子爵府

積分: 11739

19^#

發表於 24-12-5 11:55 |只看該作者

因為午餐肉而當住朋友面鬧你？如果無其他原因，佢好無品，成年人同朋友食飯，邊個食多邊個食少，其實唔應該太計較，呢d係小朋友嘅行為，佢背後會唔會有其他意思，例如你一直忽略佢喜好？或者佢講過d野你無做到？大家坐底，係無小朋友嘅情況下傾下，不停冷靜、受氣唔係辦法，再唔係搵專業人士幫手，不幸婚姻有好多原因，但幸福的婚姻大致相同，彼此尊重，顧念對方又不失去自我，共同面對生活的不容易。

私人傳訊回覆引用

PTMCYS

子爵府

積分: 13855

18^#

發表於 24-12-5 09:31 |只看該作者

本帖最後由 PTMCYS 於 24-12-5 09:32 編輯

happywongbb 發表於 24-12-3 05:00
佢係一個好內斂好怕醜的人，等佢做，要等好耐好耐，佢係果啲張床有舊垃圾，只要佢瞓到就寧願踢埋一邊都唔 ...

我唔知你們婚前, 他有沒有為你而做過事, 如果無就真係考驗不夠了.

內儉怕醜都要改變, 一個家男的要有主動解決問題的能力(特別是兩個人之間), 如果安全感是來自無要求, 無主動, 晒就你, 你話事便你做/你負責任, 咁其實似逃避不負責任的人多D. 他連個仔都嬲, 即係他不懂事非, 只愛自己.

但無論怎樣, 也要找回自己的底線, 他不對就要講道理, 事情要合理, 他已咁大個人, 而唔係忍/自己受, 無底線只會繼續寵壞他來蝦你, 結果更難以想像, 人如果沒有自我檢討的能力, 老左會更唔化, 嚴重起來會成為家庭垃圾, 甚至攪出人命. 做人一定要有自己的格和脾氣來保護你, 對方才會尊重你, 特別係你老公是逃避而不負責任的人.

例如在家人或朋友面前鬧你, 你可以之後或當面告知他, 知唔知我唔喜歡你的態度, 問佢咁大個人識唔識處理情緒? 佢要走佢既事, 無面係佢而唔係你, 佢要因為咁而離婚, 你覺得可惜? 唔離婚的要求就你比佢係家人或朋友面前鬧你? 如果你接受, 即係你都是個唔公道的人, 如果沒有道理和正面價值觀, 怎樣傳承給孩子為他們好? 所以要搞楚佢想做同屋人定怎樣? 要大家合作. 如果佢打你就報警, 如果你係父母, 或孩子, 想女兒和媽媽比人鬧/比人打/比人蝦? 一定要搵回你的價值觀, 才能堅強起來, 依家已經咁, 第日更不好過, 因為他覺得你是出氣袋, 有唔如意事都找你出氣....

你要堅強而不是給人控制, 令全屋人都怕了他, 除非佢有病, 有病都要安排離開或去醫, 但要他知道你是幫他, 而不是累他, 如果唔係到佢傻左/退化, 個腦意識會當你係仇人就出事了.

其實你真係要走去問清楚他, 你做嘜Q 成日老土我..... 你唔係他的出氣袋......, 唔該你以後唔好. 如果佢想繼續, 就真係冷靜大家講清楚, 大家都係成年人, 唔係玩鬥氣或出氣, 你唔想咁; 如果他想就不繼續了, 問他想大家平淡地做同屋主或安排分手. 現在唔係你唔想一起, 係他唔想.

私人傳訊回覆引用

alicewong18

伯爵府

積分: 17459

17^#

發表於 24-12-4 23:29 |只看該作者

明白你比老公閙嘅感受，因為我間中都比老公閙，跟住冷戰，好難受！尤其大街大巷或我娘家，完全唔知醜咁，真係好失禮，你唔要面我要架！

每一次比佢閙都好驚，驚係影响個仔，驚冷戰，驚唔知幾時和好，因為唔想影響到仔！無限loop!

我已成定局，我深知冇可能改變現狀，等天安排！
你仲後生，真係要諗諗後面的路，太委屈了！

私人傳訊回覆引用

花墟小三

別墅

積分: 615

16^#

發表於 24-12-3 08:20 |只看該作者

happywongbb 發表於 24-12-2 05:36
結婚10年，同佢生日活愈來愈辛苦。永遠錯的都係我，開頭幾年都肯認錯，而家就話我唔會認錯，冷戰咩…佢可以 ...

離婚先好去識人

私人傳訊回覆引用

kwhkwh

公爵府

積分: 28742

2025勳章 2025勳章蛇年勳章 2024年龍年勳章牛年勳章

15^#

發表於 24-12-3 08:00 |只看該作者

happywongbb 發表於 24-12-3 05:02
呢個都有可能，小朋友細真係要放多啲心機係佢度喎。

為人母而言，我不反對。女人也不為難女人。
但如果我係你老公，知道你咁既心态，我會好心淡。
果個係陪你一世的枕边人，點可以心機不放多點呢？

請勿轉載。搬字過紙不是記者的工作，未經同意, 即屬抄襲。

私人傳訊回覆引用

happywongbb

大宅

積分: 1326

14^#

發表於 24-12-3 05:02 |只看該作者

kwingk 發表於 24-12-2 09:14
有冇諗過其實係雙向嘅，你自己覺得自己會唔會咩都小朋友行先，忽略左佢？
...

呢個都有可能，小朋友細真係要放多啲心機係佢度喎。

私人傳訊回覆引用

happywongbb

大宅

積分: 1326

13^#

發表於 24-12-3 05:00 |只看該作者

PTMCYS 發表於 24-12-2 09:42
搞結婚係我，搞裝修係我....我地冇第三者，但我成日都好想有第二個男人出現 ---> 樓主, 其實由要結婚開始, ...

佢係一個好內斂好怕醜的人，等佢做，要等好耐好耐，佢係果啲張床有舊垃圾，只要佢瞓到就寧願踢埋一邊都唔會掉的人。我就見到啲野要做就好想快啲做左佢的人，漸漸就搞成咁。
我當年覺得佢好有安全感，乜都就晒我，我話事。

私人傳訊回覆引用

manlai928

複式洋房

積分: 123

12^#

發表於 24-12-2 23:21 |只看該作者

回覆 happywongbb 的帖子

先處理好自己情緒先你已經好叻有冇屋企人幫到你我怕你一個人頂好辛苦
我同你一樣已經成個月冷戰
我已經心淡學會好好對自己

私人傳訊回覆引用

kwhkwh

公爵府

積分: 28742

2025勳章 2025勳章蛇年勳章 2024年龍年勳章牛年勳章

11^#

發表於 24-12-2 11:37 |只看該作者

楼主，你不是嫁人，係男人嫁左俾你。。。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

HOPEFORBB

子爵府

積分: 14722

10^#

發表於 24-12-2 11:32 |只看該作者

回覆 happywongbb 的帖子

就你所形容，你都係偽單親，有老公同無老公都唔太大分別

其實真係試下傾下睇吓有無轉機，你就因為小朋友細所以唔離婚，係因為經濟，住屋問題?記住唔好成日話咩俾個完整的家俾個小朋友，單親家庭影響小朋友成長，呢啲係藉口，因為你老公同你咁相處，咁鬧個仔，已經一步步咁影響緊個小朋友成長

盲目去維繫係無補於事，但當然仲有相處以外的事情要處理，例如經濟唔容許你一個人帶小朋友離開等等，咁就要先諗清楚之後可以點做，先再決定

私人傳訊回覆引用

PTMCYS

子爵府

積分: 13855

9^#

發表於 24-12-2 09:42 |只看該作者

本帖最後由 PTMCYS 於 24-12-2 09:43 編輯

happywongbb 發表於 24-12-2 05:36
結婚10年，同佢生日活愈來愈辛苦。永遠錯的都係我，開頭幾年都肯認錯，而家就話我唔會認錯，冷戰咩…佢可以 ...

搞結婚係我，搞裝修係我....我地冇第三者，但我成日都好想有第二個男人出現 ---> 樓主, 其實由要結婚開始, 我睇唔到你老公有幾愛係喎, 故事是否由愛來開始, 還是"是旦拖下先"開始? 但婚前這情況應該要暫停再考慮.

我地冇第三者，但我成日都好想有第二個男人出現 --> 有第二個男人出現, 和是不是離婚是兩件事來, 就正如當時沒有第二個男人出現, 你都應該不要和他結婚, 勉強沒幸福除非你一直是要仔不要公, 目標達到就走.

私人傳訊回覆引用

kwingk

大宅

積分: 1597

8^#

發表於 24-12-2 09:14 |只看該作者

happywongbb 發表於 24-12-2 05:36
結婚10年，同佢生日活愈來愈辛苦。永遠錯的都係我，開頭幾年都肯認錯，而家就話我唔會認錯，冷戰咩…佢可以 ...

有冇諗過其實係雙向嘅，你自己覺得自己會唔會咩都小朋友行先，忽略左佢？

私人傳訊回覆引用

kaman06

男爵府

積分: 7177

7^#

發表於 24-12-2 08:44 |只看該作者

333s 發表於 24-12-2 08:03
人會改變。

由結婚到而家，搞結婚係我，搞裝修係我，身為個女人要去同裝修師傅傾的係我，去旅行係我搞，仔讀書係我，生日係我，煮飯買餸工人家都係我，我家都要返工的。

只係好奇，點解會變成咁，過程男無付出，唔通拍拖個男做左好多好感動的事？相反我睇到朋友99%自我感動,由拍拖到結婚生仔一直係自己主動，到最後自己辛苦，又有咩好講