吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公要離婚

夫婦情感今日: 9|主題: 42711

收藏本版

回覆發帖

返回列表

跳至頁

查看: 18453 | 回覆: 20

老公要離婚 [複製鏈接]

Vevee

洋房

積分: 45

1^#

發表於 25-2-16 20:29 |只看該作者 |正序瀏覽 |打印

我地有一個囝囝10個月大，由懷孕中期開始我老公開始左自己生意，但一直生意都唔好，一直蝕。因為要開源節流所以佢幾個月前開始要自己做足7日，由開舖到關門！我都知佢好大壓力好累，但同時我都好大壓力，日日都好焦慮。我自己一個人湊小朋友，無四大長老幫手，7/24。
我真係好多時好崩潰自己一個帶咁細個BB, 第一次做人呀媽。囝囝又高需求成日喊又瞓得唔好好醒瞓，加上體重唔達標我自己一個帶住佢去睇唔同醫生做唔同檢查，時常覺得好無助，同單親媽媽無分別！加上我地兩個無收入經濟上都係好徬徨！所以我地生完小朋友成日鬧交。
最近我開始返返工，小朋友放托兒，放工接返屋企繼續照顧我真係覺得好累好累！老公又無咩提供情緒價值，成日見到朋友其他人有family day, 出入都有老公陪伴，我就更加覺得自己慘！
前兩日我太累忍唔住同佢講左句同你一齊好痛苦，我睇唔到你既價值！之後佢就一句話離婚。
我最擔心既係BB！唔想佢咁細個就爸爸媽媽分開，無一個幸福既童年，會面對好多心理壓力影響成長。我原本最緊張小朋友心理健康，覺得小朋友係無辜，佢值得擁有一個完整既童年！
因為咁我唔想分，但係又唔知點先可以解決我地之間既問題。當我地兩個都唔會改變，可以點樣繼續落去？

0 0 0

私人傳訊回覆引用

Feelhappy

洋房

積分: 45

21^#

發表於 25-7-29 22:25 |只看該作者

Vevee 發表於 25-2-16 20:29
我地有一個囝囝10個月大，由懷孕中期開始我老公開始左自己生意，但一直生意都唔好，一直蝕。因為要開源節流 ...

叫佢打番份工，腳踏實地，照顧小朋友。你要語氣好啲，有商有量。

私人傳訊回覆引用

greenisgood

男爵府

積分: 5041

20^#

發表於 25-6-11 12:20 |只看該作者

除左經濟壓力既問題,同埋佢太忙,唔係成日有咁多時間相處外,大家既感情點樣,佢會唔會識左第二個?

私人傳訊回覆引用

Heman2001

男爵府

積分: 6961

19^#

發表於 25-6-10 12:07 |只看該作者

Vevee 發表於 25-2-16 20:29
我地有一個囝囝10個月大，由懷孕中期開始我老公開始左自己生意，但一直生意都唔好，一直蝕。因為要開源節流 ...

明白樓主心情，無四大長老下湊住嬰幼兒小朋友的確唔容易，仲要小朋友偏瘦體重追唔上，做父母見到點會唔心痛？加上日喊夜喊又唔知佢係咪唔舒服，呢種不安感對好多有支援既父母未必感受到，因而精神狀態唔好胡思亂想、講晦氣說話去發洩，真心明白的，不過同時都要體諒另一半既壓力，妳既情況唔似係男人放低屋企去吃喝玩樂，佢都係為生意搏鬥中，佢未必有湊小朋友既煩躁但同樣有面對生意唔好既煩躁⋯
個人意見，如果晦氣說話由妳開始，大家好好冷靜傾下，先道歉，再將大家各自面對既困難拎出嚟講，千祈唔好帶不滿、指責情緒，因為兩個都係身不由己各有困難之處，睇下有無咩共識可以舒緩眼前問題⋯既然妳無收入，老公生意亦未開始賺錢，應該先諗下應唔應該壯士斷臂，出嚟打工先，等到有好機會再東山再起⋯ 試下心平氣和傾下，加油

私人傳訊回覆引用

女皇駕到

子爵府

積分: 10183

18^#

發表於 25-6-5 13:23 |只看該作者

回覆 Vevee 的帖子

你肯唔肯定佢7日都出左去真係做生意定係有左第二個?

私人傳訊回覆引用

ziv2000

複式洋房

積分: 105

17^#

發表於 25-6-4 17:13 |只看該作者

艱難日子容易亂講晦氣說話，漫漫長路一步步慢慢解決問題吧

私人傳訊回覆引用

noodle_noodle

侯爵府

積分: 20098

16^#

發表於 25-2-23 21:09 |只看該作者

alicewong18 發表於 25-2-18 02:54
人地都做足7日想補救頭家，你仲要講一句冇價值，比我都發晦氣講離婚啦！呢啲說話唔應該講啊！大家只係做唔 ...

我覺得樓主老公做足7日都係想增加收入，我都係咁嘅人，而樓主同我c6諗野一樣，人人追求嘅野唔同，有人想成家捱窮但成日一齊，有人就想犧牲家庭嘅時候去瞓身搵錢，可能係大家步伐有d唔同，追求嘅野唔同，傾下囉

私人傳訊回覆引用

noodle_noodle

侯爵府

積分: 20098

15^#

發表於 25-2-23 21:04 |只看該作者

Vevee 發表於 25-2-16 20:29
我地有一個囝囝10個月大，由懷孕中期開始我老公開始左自己生意，但一直生意都唔好，一直蝕。因為要開源節流 ...

你咁諗就唔岩喇，有時唔一定要雙親先幸福，如果父母經常因某d原因而家嘈屋閉，其實單親都未嘗唔係好事，錢呢樣野好邪惡，好多人成世人係為左錢，到最後一無所有

私人傳訊回覆引用

Ftmagic

子爵府

積分: 11977

14^#

發表於 25-2-19 14:56 |只看該作者

本帖最後由 Ftmagic 於 25-2-19 15:02 編輯

回覆 Vevee 的帖子

喂喂，大家都唔成熟喎如果唔想搞到咁僵，試吓煮餐好嘅俾老公食，食完坐低大家拆掂佢啦，兩公婆有咩就攤出嚟講

你係咪覺得有個BB困住你冇得去玩？老公又陪唔到你，見到啲朋友社交媒體去旅行食好西，曬恩愛，令到自己負能量滿滿？

唔好同人比較，唔好上社交媒體

四大長老唔係老馮幫手湊B，我十幾年前都冇人幫，都係一個人湊，我年代仲慘，而家都叫做有Foodpanda Deliveroo，三歺不成問題，我當年唔落街唔自己煮就冇得食

其實你老公做足7日都好辛苦，佢又唔係去咗玩，試吓大家互相體諒

我明白你都辛苦！但BB係自己決定生㗎嘛，係咪？而家應該一家三口樂也融融先係啊！
等老公啲生意穩定啲，咪叫佢放下假，一家人family day

仲有啊，其實自己一個人帶BB出去玩都可以好開心㗎
通常BB大啲就會好湊啲㗎啦，加油啊JM

私人傳訊回覆引用

陳小b

伯爵府

積分: 16048

畀面勳章

13^#

發表於 25-2-19 10:11 |只看該作者

回覆樓主:

樓主好細個？！講真，自己湊1個bb都攪唔掂嗎？我嗰陣老公返咗工都係自己湊wor.. 。攰嘅時候咪等bb瞓時一齊瞓囉。。瞓醒先再起身做其他野。唔急啦需要日日做嘅家務就由佢先。bb到幾歲大返幼稚園時你就輕鬆d啦。其實老公出去搵錢養家，都係想一家人生活得好d.. 點解你仲要講埋d咁嘅說話。。好似講到個老公冇錢就完全冇價值咁。。我係你老公都傷心。

而家你要做嘅係先要道歉，仲要真誠。大家平心靜氣反省下究竟邊度出問題。如果冇生意就真係要止蝕完場拿拿聲搵份野做好過啦。。馬死落地行唔係點呀