其實自己唔知算好彩定唔好彩，好彩係植完髮手術成功，唔好彩係好少見到女士需要植髮，但係都想分享下自己植髮前後嘅感受。
未做手術前有試過唔同方法，都試咗幾年，但真係冇乜變化，可能係天生髮質太幼又唔多，前額真係反光，呢個問題都幾困擾。到的起心肝去做植髮之前其實我都有問醫生唔植得唔得，經過佢分析之後佢覺得我做植髮比rga生髮好。最後係洗咗1x萬做植髮，因為我揀咗新啲嘅技術artas 十代，如果揀FUE植髮，可以平一半。
係book咗日期做手術之前個心真係會有啲焦慮，擔心手術效果、又驚好痛&恢復過程。同時，又會對術後抱有啲期待，心情會有矛盾，雖然事前同醫生已經做咗詳細諮詢，了解哂成個植髮的過程、風險和預期效果，但係一時間聽好多資料都令到我有啲吃不消，不過要讚醫生同跟進嘅姑娘都真係好細緻同有耐性解答哂我啲問題。
到手術當日，我一早就到，流程都有啲沉長，我大概講下大家想知嘅野，植髮手術係需要做局部麻醉，過程中不會感到劇痛，但點都有啲輕微的不適感，係後尾枕取髮，所以唔洗成頭剃，原本啲頭髮可以遮到取髮位，雖然我揀最新技術係由機械取毛囊，植入都係有儀器計好哂要植入嘅位置，不過成個過程都要有一半時間趴喺度（取髮），植嘅時間就訓係到，我都係玩下電話或者合埋眼休息，大家一定好concern 會唔會好痛，過程中唔會好痛，但係取髮同植入嘅時間都會有feel, 有拉扯感，感受到頭皮有啲壓力。
手術後感，手術後幾日，頭皮年有腫脹，覺得痛有啲緊繃嘅feel，大概一個星期之後就冇呢啲問題，植咗髮嘅位會結焦，所以我係枕頭鋪咗毛巾，每日換毛巾，因為頭兩星期會甩焦，做完手術要返去診所洗傷口同做護理，姑娘都跟到好足同有哂指引我點護理，點洗頭之類。
植完髮之後要等9-12個月先係收成期，植完頭幾個星期有啲植咗嘅髮都係會甩，3-6個月脫落期，呢個事前醫生已經解釋過原理，但內心都係有啲驚，真正去到第7個月，慢慢見到頭髮健康生長，先放下心頭大石。外觀上比起未植髮前真係差好遠，雖然唔係平，同埋都要花時間等，但我覺得值得做。暫時分享完畢。雖然我仲有好多感受未打出黎，或者遲下再補充啦。
發表於 
都係，因為我用分期，自己負擔到就ok,
我有見到新技術好似好d,但係對我黎講，我覺得fue 合理價，我自己唔想返大6植，大6都唔平
返回列表
