吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 朋友遲到真係激死人：到底係我搞錯，定係朋友太離譜？ ...

自由講場今日: 118|主題: 1371337

收藏本版

發帖

返回列表

跳至頁

查看: 19606 | 回覆: 263

朋友遲到真係激死人：到底係我搞錯，定係朋友太離譜？

[複製鏈接]

12 3 4 5...14

Starapple1

複式洋房

積分: 142

1^#

發表於 25-4-6 19:30 |只看該作者 |正序瀏覽 |打印

各位，我近排為咗一段維持咗十年嘅友誼煩到頭都大埋，好想聽下大家意見。

我同呢位朋友識咗十年，呢啲年，我哋兩個女仔成日一齊出去玩，又會一齊報讀興趣班課程。但佢有個令我苦不堪言嘅壞習慣——超級鐘意遲到。過去十年，每次約好見面，佢定必遲到30分鐘至1個鐘頭都係常態，我經常要喺街邊曬太陽、淋雨水等佢。好在之前佢如果遲出門，多數都會提前發信息話我知，等我可以調整出門時間，唔使等咁耐。但後嚟，情況越嚟越差。

有一次，我哋約好下午1點半喺銅鑼灣地鐵站見面，我準時到咗之後發信息畀佢，佢居然話自己啱啱出門，我唯有喺地鐵站傻傻地等咗45分鐘。又有一回，我到咗約定地方發信息畀佢，佢先同我講啱啱起身，我冇辦法，又喺地鐵站等足1個鐘頭。仲有一次，係佢主動約我同佢啲朋友一齊打球，當日成日都冇回復我信息。我依舊準時赴約，同啲陌生人一齊打球，點知佢居然放我飛機。我問佢點解，佢唔單止冇道歉，仲輕輕鬆鬆話自己唔記得咗。

仲有更氣人嘅！有時佢話會遲到15分鐘，結果遲咗45分鐘，害我喺街邊白等30分鐘，事後佢連半句道歉都冇。近排兩個月，我哋見咗三次面，佢連續三次遲大到，而且明知自己會遲到，都唔提前話我知。我提前whatsapp 問佢出門未，佢已讀唔回。等我到咗約定地方，佢先同我講啱啱出門，我又要喺地鐵站等45分鐘。

終於，我忍唔住同佢講咗呢件事。我唔係要求佢一定準時，只係希望佢如果要遲到，提前講聲，等我可以合理安排出門時間，唔使喺街邊受苦。點知，佢唔單止冇半句道歉，居然直接同我絕交。

事後，念住多年友誼，我主動約咗佢4次，提議一齊食飯，佢都話冇時間推咗。最後一次，我約佢下星期下課放學後去行街，佢就話唔得閒，又推咗。今日上課(興趣班嗰啲)，我入課室嗰陣，佢已經喺度，我向佢點頭打招呼，佢就淨係望住我，冇任何回應。落課之後，我好似平時一樣行到佢身邊，我都未開始講嘢，佢就冷冷哋講咗句“拜拜”，明顯就係趕我走。

其實除咗遲到同絕交呢啲事，我同佢喺生日方面嘅互動都令我好唔舒服。佢生日嗰陣，我請佢食飯，跟住我話我哋互相請對方生日食飯啦。點知佢答我，話 “我係唔會記得你生日，你到時主動提我”。多年嚟，年年都係我主動請佢食生日飯，再主動提佢我生日，仲要主動問佢邊日得閒同我食生日飯。上年我生日，佢約我出嚟行街，竟然一啲表示都冇，完全忘記我生日。

我真係諗唔明，大家幫我分析下:
1) 明明係佢遲到犯錯、唔重視我，我都打算原諒佢，繼續同佢做朋友，點解依家好似我犯咗大錯咁，畀佢單方面“判咗死刑”?

2) 而家我好困惑，究竟應該點處理呢件事？難道要默默承受唔出聲？一出聲又搞到絕交，咁我真係要唔出聲？難道要不斷忍受落去直至永遠？

3) 到底係我處理得唔好，定係佢太過份，又有咩好方法解決問題？

Thx

0 0 0

私人傳訊

mrshoho

伯爵府

積分: 19390

母親節2025勳章 2025勳章蛇年勳章醒目開學勳章

264^#

發表於 25-4-9 14:56 |只看該作者

好簡單啫，絕交囉！你同佢朋友嘅緣份已經去到盡頭，冇乜需要花心機時間喺佢身上。人大咗覺得朋友呢啲嘢，夾就一齊出去嘻嘻哈哈玩吓多啲交流，唔夾做乜事要辛苦自己？人生苦短，唔值得為咗一個咁樣嘅人浪費腦細胞！

私人傳訊

talktime

珍珠宮

積分: 35862

母親節2025勳章

263^#

發表於 25-4-9 14:14 |只看該作者

Starapple1 發表於 25-4-6 19:30
各位，我近排為咗一段維持咗十年嘅友誼煩到頭都大埋，好想聽下大家意見。

我同呢位朋友識咗十年，呢啲年 ...

明顯你一廂情願當人喺朋友喎

私人傳訊

Ahbee02

男爵府

積分: 9793

262^#

發表於 25-4-9 14:07 |只看該作者

不要自責自我懷疑，你無問題，反而還過於遷就你朋友了。問題出在你朋友身上。

所以千奇要睇開一些，再識D懂得珍惜你，尊重你嘅朋友吧！

私人傳訊

T96

伯爵府

積分: 19238

馬年勳章父親節2025勳章 2025勳章蛇年勳章 2024年龍年勳章虎到金來勳章牛年勳章最關心BB問題熱投勳章認識瑞士牛牛第四回熱血金章畀面勳章認識瑞士牛牛第一回認識瑞士牛牛第二回

261^#

發表於 25-4-9 13:49 |只看該作者

你呢個朋友算把啦

私人傳訊

Minijen

男爵府

積分: 6512

260^#

發表於 25-4-9 13:46 |只看該作者

其實佢無當你係朋友，佢都唔理你感受既，你應該要同佢絕交就真。

私人傳訊

bobochan123

別墅

積分: 846

259^#

發表於 25-4-9 13:24 |只看該作者

佢應該覺得同你相處有壓力，求其搵啲活動hea你，自己又被迫心態應酬你，所以啲反應就咁

你份人係咪好執着個啲？

私人傳訊

jollyma

珍珠宮

積分: 38281

睛靈勳章

258^#

發表於 25-4-9 09:22 |只看該作者

回覆樓主:

完全係身邊人過份包容
異性朋友？係就表示你好愛佢
否則我會直接，一早，無預警，唔駛諗就----絕交

私人傳訊

esmehouse

寶石宮

積分: 409519

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章醒目開學勳章 hashtag影視迷勳章貓狗褓姆認識瑞士牛牛第一回美好大世界2017勳章開心吸收勳章

257^#

發表於 25-4-9 08:51 |只看該作者

katrinamama 發表於 25-4-9 08:07
有些晚餐分兩個時段，佢遲個幾鐘到已經要交枱了。

其實要罰呢d人係咪應該book 分兩個時段d buffet, 要佢 ...

其實依啲飯局唔應該再出席，根本就冇意思

遲到嘅人鍾意懲罰準時嘅人，就等如政府鍾意懲罰努力嘅人去養班廢人一樣

我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.

私人傳訊

bobomia

水晶宮

積分: 51709

馬年勳章母親節2025勳章 2024年龍年勳章

256^#

發表於 25-4-9 08:11 |只看該作者

回覆樓主：

本帖最後由 bobomia 於 25-4-9 08:19 編輯

你个所謂朋友，根本係徹頭徹尾 I don't care心態，對你零尊重、你在佢心中係可有可無和隨時delete不可惜的人。友誼係互相並對等付出的，有來有往才是健康，單方面付出，並被人忽視，你依然不表態，只落得縱容和變本加厲。

呢d人你唔好繼續浪費時間，明白樓主珍惜友誼，但友誼唔應該只用認識時間長短去衡量，應該用品質衡量，你應該好好篩選一下所謂朋友，適當做斷舍離。

你投資錯了在錯的人身上是浪費時間，不要洗腦自己這個人做了xx年朋友了，失去了可惜，no，你搞錯了，你搞清楚什麼是健康可持續的友誼吧。你現在再識過d朋友度為時未晚，不要攞住個爛蘋果浪費自己時間，相信自己的直覺，你一直覺得不舒服，你一直容許她這樣對你，可以説是傻，她毫不珍惜你的寬容，根本不當你一回事，delete這個爛人吧