吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› $3699香港首創湖南團竟有600人? 港女直擊現場苦況 ...

自由講場今日: 201|主題: 1350598

收藏本版

回覆發帖

返回列表

跳至頁

查看: 6734 | 回覆: 75

$3699香港首創湖南團竟有600人? 港女直擊現場苦況

[複製鏈接]

12 3 4

蛋花湯

侯爵府

積分: 21827

2025勳章 2025勳章蛇年勳章

1^#

發表於 25-4-22 09:25 |只看該作者 |正序瀏覽 |打印

復活節公眾假期是旅遊旺季，有港女在社交平台發帖，現場直擊參加一個由本港旅行社開辦、自稱「香港首創」高鐵專列的湖南旅行團，遇上大伏，出團上車才知有「600幾人」，「真心大癲！我以為去咗佢公司Annual dinner！」

她在帖文中嬲爆披露首日苦況，「做咩都要全部人（600多人）一齊做」，「餐廳洗手間完全超負荷！唔少人都去唔切洗手間！」

該湖南團共4日行程，在復活節公眾假期首日(18日)出發，並在假期結束當日（21日）回港，涉事旅行社在其社交平台聲稱「呢個長沙高鐵專列行程可以話係『香港首創』」，會為團友預留專區席座位，近距離欣賞煙花。
行程會前往長沙、瀏陽、衡陽，除「煙花盛典」，尚會參觀國家4A級旅遊景區、非遺項目、梯田及古桃花源等「人間仙境」等等。

該港女在帖文中批評旅行社隱瞞，未有在報團時告訴她們，直至上到高鐵才知道「原來係有十幾團，600幾人」，「事先個個都唔知咁樣玩法，佢係等你上晒車先講。」她說本來預期四、五十人而已，但未料旅行社「狂收人」：「......都預咗幾十人一團，通常咪4至5團......600人齊上齊落真係冇諗過！」
她指出，旅行社「規定全部人一齊活動先大鑊，完全唔會食飯分開兩三間餐廳，或者景點分流或者分批去」。

她表示，第一餐在高鐵食午餐，「啲菜全部凍上，因為人太多...600人...有啲團早咗，佢就開始上菜，所以擺到凍晒」。她在帖文中再仔細披露首日苦況，「今日第一日，做咩都要全部人（即600多人）一齊做」。

首個行程到博物館，「全部人塞係入面，本身個到又黑，地方又唔係大，啲人完全搵唔返自己個導遊。」由於人太多，她們要「跑住睇」，女事主說：「我都唔知我睇咗啲乜！一味得個趕字！」

到中午食飯時間，「又要全部人一齊，餐廳洗手間完全超負荷！唔少人都去唔切洗手間！」
她在回應網民提問時，談到數百人去洗手間的苦況，「600人，我就算當你三份一係女...都200人...但得三格女廁。」她無奈表示：「你一個景點咁多人...都係忍一時...我係頂四日。」

到晚飯時間，她又要被「焗聽（該旅行社高層）感言」，「仲要我哋不停舉杯拍手，一係就不停賣廣告叫我哋join其他團！」她批評：「你只係不停造勢要我哋配合你哋，有冇諗過其實搞到啲人好辛苦？」「真心大癲...我以為去咗佢公司Annual dinner！」她形容這個團唯一的好處「係夠人多，可以包到（高鐵）專列，可以入閘快啲。That's all！」

帖文引發熱烈迴響，不少網民驚訝竟安排600團友共同出團，而且一同活動：「600人那叫宋帝昺走難，何其壯觀。」「伏！」「600人真係太多。」「差啲以為你曲線講緊學校旅行。」
女事主回應表示：「我都係人生第一次跟團搞到咁。」她又交代該600名團友的背景：「係多老人...不過好多只係剛退休人士，亦有唔少中年情侶嚟玩，好明顯以為係hea團， (結果)中咗伏。」

0 0 0

私人傳訊回覆引用

平平常常

珍珠宮

積分: 45079

76^#

發表於 25-4-22 18:34 |只看該作者

dleelm 發表於 25-4-22 14:22
我親人就係跟這個團，玩得好開心，高鐵出入走特別通道，好似VIP咁，人地排到打蛇餅，佢哋就好快出入。大時 ...

係旅行社包左高鐵專列，同旺季包機差唔多。

大時大節，熱門旅遊路線/景點，一定多旅遊團，唔係呢間就係其他旅遊公司。就算散客，係景點附近的知名餐廳，一樣會大排長龍等位食飯。

習慣跟旅遊團的人，應該都唔會唔慣咁熱鬧。

我就一向鍾意自由行，自己規避人多擠逼的情況。

私人傳訊回覆引用

cattz288

寶石宮

積分: 252543

2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章減齡達人勳章牛年勳章 HiPP勳章(2) 2018父親節勳章 2018母親節勳章 15週年勳章親子王國15週年勳章 2018復活節勳章王國教室勳章畀面勳章 BK Milk勳章 DHA勳章 Poo得好勳章

75^#

發表於 25-4-22 18:29 |只看該作者

本帖最後由 cattz288 於 25-4-22 18:29 編輯

肥嘟媽發表於 25-4-22 18:26
今個假期，我都跟左x安，去到高鐵站先明白甚麼是專列，14團，每團40人左右，接近600人，包左一架車。但呢60 ...

睇黎wo做得唔錯

私人傳訊回覆引用

肥嘟媽

侯爵府

積分: 20921

牛年勳章好媽媽勳章

74^#

發表於 25-4-22 18:26 |只看該作者

今個假期，我都跟左x安，去到高鐵站先明白甚麼是專列，14團，每團40人左右，接近600人，包左一架車。但呢600人只係起程及回程日先聚埋。

同一酒店，餐廳同景點，都只係撞到一至兩團。搭高鐵入閘又快多，幾好，幾舒服。

夾得好唔好，好視乎旅行社/領隊/導遊點安排。

呢幾年都係自由行，今次跟團經驗唔錯，日後可再考慮。