想生BB 今日: 1|主題: 109471

收藏本版

回覆發帖

返回列表

跳至頁

查看: 2309 | 回覆: 0

泰國IVF 攻略最終回 — 成功懷孕 [複製鏈接]

Bri_che

別墅

積分: 510

1^#

發表於 25-5-9 22:15 |只看該作者 |正序瀏覽 |打印

本帖最後由 Bri_che 於 25-5-9 22:27 編輯

（分幾天更新，請稍等再睇）

之前寫過兩篇泰國IV F嘅攻略同紀錄，經歷幾個月之後，而家寫下最終回。作為高齡產婦，經歷一年多的IV F之後終於成功懷孕，這幾個月因為怕唔成功所以唔敢更新，宜家有空可以寫d 心得。

之前幾篇有講過點解揀咗去泰國做人工試管。呢篇就唔多講，但係有啲嘢可能要更正。上年同今年好唔同，今年好多人過去泰國做試管，所以其實唔需要經中介，而家有好多泰國專門做試管翻譯，大概7000到$8000港紙就包晒成個過程嘅翻譯，同埋佢哋會包辦埋一啲同醫院溝通處理嘅文件，所以唔使搵中介。想再平啲，可以搵學生翻譯，就逐次收費大概$100港紙一次。成個過程見醫生大概五次（取卵），移植大概三次。所以其實可以好平。另外泰國嘅所有試管中心、醫院都同一價錢，都係大概500,000銖，即係港紙大概12　萬左右（包一促一移）（兩星期取卵，另外一天加三天移植）。

去外地做人工受孕，最麻煩嘅就係要請假。我自己就非常利用公司彈性假期，隨時可以請假嘅優勢，請一日半假期，兩日一夜，下午飛第二朝早上見一見醫生之後就即刻返香港。我見好多中國人會響當地逗留成一個月，實在冇咁多假期。呢方面我諗大家要有心理準備。

呢一年我經歷過深圳、香港、泰國醫生不同嘅治療方法，沒有那一個比較好，只係有少少感受。泰國試管中心主要處理中國客人，所以佢哋會比較類似中國醫生嘅處理手法，例如打降調針，問過香港嘅醫生佢哋都唔知呢樣係啲乜嘢。降調針係類似停經一個月，等子宮內膜可以修復，對於取卵和移植都有好處，但副作用就係類似進入更年期，失眠、潮熱，非常難受。同埋我同泰國醫生要求試管期間返香港工作，所以泰國醫生要我定時發驗血和超聲波報告俾佢知道卵子發育情況，所以我通常會去深圳醫院照超聲波，大概$100人民幣左右，如果香港照超聲波要$1500 ，咁就非常之貴。深圳嘅醫生流水作業，唔識分析，照超聲波同見面嗰個醫生都唔同，所以純粹要個報告就可以。香港醫生就專業好多，我有同佢講我喺泰國嘅情況，但佢話唔加意見，同埋中間發生一啲情況香港醫生非常之唔認同泰國醫生嘅診斷手法，我都唔認同泰國醫生，但係無可奈何卵子胚胎就喺泰國，一定要聽泰國醫生話。泰國醫生覺得自己非常專業，你一定要聽佢話，打降調針，無奈令到我嘅療程時間加長。