3歲或以上 今日: 0 | 主題: 8773

積分: 2727

25^#

發表於 4 天前 |只看該作者

我分享下阿仔2.5歲戒日片嘅經驗，唔知啱唔啱個個小朋友，希望幫到你(emoji)首先要趁夏天熱去戒，現在仲係好時機！買好多條佢鐘意嘅卡通戒片褲或直接買底褲！最好同佢一齊揀，等佢有心理準備要戒片啦！淘寶或拼多多啱size嘅防水布舖喺沙發、床、地墊等地方，再買便㩦尿壺（我個係仔）當一切準備好晒就同小朋友做心理輔導，話佢知嚟緊要戒片，要去廁所屙，唔會再用片片，教佢點樣屙，話佢知急係點！開頭係一定瀨，就喺佢瀨時就話佢知頭先嘅感覺就係急，下次有呢個感覺就要話俾媽媽知，帶你去廁所！如果去街，要帶個便攜尿壺方便佢隨時想去廁所！濕咗就話佢知下次唔好再屙喺條補度，唔係就成條褲濕，好唔舒服！我嗰時係每半小時提醒佢，問佢需唔需要去廁所！當成功咗喺馬桶屙就要大讚佢好叻，成功做到！阿仔用咗一個星期就開始忍到尿，去到廁所先屙，兩個星期就大致成功戒到片。

私人傳訊回覆引用

ilovepizza

積分: 13727

2024年龍年勳章

24^#

發表於 4 天前 |只看該作者

Forverhappy 發表於 25-7-25 22:35
我都好心急，想升K2前戒左日片，見到我仔想poo，都即刻抱佢去廁所坐，但話驚驚唔肯去，同佢坐左40mins，咩 ...

依家戒咗未？

私人傳訊回覆引用

Nbs

水晶宮

積分: 62236

23^#

發表於 5 天前 |只看該作者

親親小孩子發表於 25-8-18 11:26
佢係慢慢自己坐馬桶痾得出，之前喺學校或屋企佢都係齋坐，放學出嚟條學習褲係濕嘅

我同老公好一 ...

Oh 同我女一樣，佢肯坐，但就屙唔出
我同大女已經真人show俾佢睇，又鼓勵佢
可能都係要等佢開竅。。。

私人傳訊回覆引用

親親小孩子

積分: 11907

2025勳章 2025勳章蛇年勳章 2024年龍年勳章虎到金來勳章 Poo得好勳章 BB防敏心得分享勳章美好大世界2017勳章趣教勳章最關心BB問題熱投勳章親子王國15週年勳章

22^#

發表於 5 天前 |只看該作者

Nbs 發表於 25-8-15 22:39
請問最後佢係點戒？點衝破心理關口？
我女剛升k2 都係未喺廁所痾到，返學無片就死忍

佢係慢慢自己坐馬桶痾得出，之前喺學校或屋企佢都係齋坐，放學出嚟條學習褲係濕嘅

我同老公好一段時間都俾佢睇住我哋坐馬桶，有埋聲

去完又叫佢睇我哋沖廁

佢肯坐低小便早過大便。

私人傳訊回覆引用

Nbs

水晶宮

積分: 62236

21^#

發表於 25-8-15 22:39 |只看該作者

本帖最後由 Nbs 於 25-8-15 22:40 編輯

親親小孩子發表於 25-8-15 16:42
我阿三最遲介片(大嗰兩個兩歲前搞掂)，接近K3先甩晒，無辦法，除咗生理上要ready外，仲要佢自己衝破心理關 ...

請問最後佢係點戒？點衝破心理關口？
我女剛升k2 都係未喺廁所痾到，返學無片就死忍

私人傳訊回覆引用

親親小孩子

積分: 11907

20^#

發表於 25-8-15 16:42 |只看該作者

我阿三最遲介片(大嗰兩個兩歲前搞掂)，接近K3先甩晒，無辦法，除咗生理上要ready外，仲要佢自己衝破心理關口先得。

私人傳訊回覆引用

isz

積分: 793

19^#

發表於 25-7-28 17:19 |只看該作者

加油

私人傳訊回覆引用

Forverhappy

男爵府

積分: 5774

18^#

發表於 25-7-25 22:35 |只看該作者

我都好心急，想升K2前戒左日片，見到我仔想poo，都即刻抱佢去廁所坐，但話驚驚唔肯去，同佢坐左40mins，咩都無出

私人傳訊回覆引用

Hattie

積分: 880

17^#

發表於 25-7-14 12:16 |只看該作者

sillysi 發表於 25-7-9 13:31
可以上網搵下 3 日戒片法 or potty training in 3 days，英文版本係會多 d 參考。

我女讀 K1 3 月份天氣熱 ...

私人傳訊回覆引用

Rainnie2020

積分: 949

16^#

發表於 25-7-14 01:55 |只看該作者

Forverhappy 發表於 25-5-15 18:17
3歲半男仔仲未戒到片，可以點做？我唔識點教，學校係私校又幫唔到手戒片。。。唔想K2都仲著片，會唔會升唔 ...

唔好心急，我地都知小朋友無得逼，要俾時間佢地接受。已經3歲半即係已經明白好多事情，你依家同佢講定先，話俾佢聽佢要戒片喇。你問下佢幾時開始唔用片，佢一定話唔得唔要，佢答唔到你你就俾個時間佢喇（半個月？1個月？）我仔2歲半先戒到片，我俾咗半年時間佢，2歲開始，每個月我都會問佢可以戒片未呀，講咗4個月之後，我同佢講唔得喇，我俾多1個月時間你就要戒片喇，去到果日佢接受咗。去尿尿唔肯企係度痾係廁所（要坐係度尿係佢個potty),後來我買咗個迷你小尿兜痴係牆，話俾佢知係佢專屬，佢好開心企係度用咗。最後都係一句，俾啲時間佢。

私人傳訊回覆引用

Jesy

積分: 774

15^#

發表於 25-7-10 10:50 |只看該作者

JN1999 發表於 25-5-18 10:55
放心
佢哋仲未ready 就唔好迫佢

私人傳訊回覆引用

sillysi

積分: 1018

14^#

發表於 25-7-9 13:31 |只看該作者

可以上網搵下 3 日戒片法 or potty training in 3 days，英文版本係會多 d 參考。

我女讀 K1 3 月份天氣熱時放學我俾戒片褲佢著，但都有晚晚瀨尿，到復活節假期我參考 3 日戒片法，成功到有 1 張貼紙 + 1 粒朱古力，成功 5 次有雪糕，第 2 日抗拒唔肯坐，我俾 1 粒朱古力引佢坐廁所，仲要睇準時機，知佢訓醒塊片乾爽就用朱古力引佢坐，早上 + 晏覺成功到，第 3 日都有抗拒，但我無再叫佢 1-2 小時去坐，因為佢去唔到有挫敗感更加唔肯坐，到夜晚佢就自動話想去廁所，之後幾日都成功，5 日左右就唔記得買你拎朱古力。

我一直覺得我女係因為唔識放鬆條肌肉，所以就算急坐低都唔識去，到佢成功 2 次，就開始掌握到急同埋放鬆既感覺，第 3 日早上佢唔肯坐，我都諗係咪又要暫停推遲再試，但到夜晚突然自己話去，最後用左 3 日喺 3 歲 3 個月成功戒到尿片，成個過程好 amazing。

技巧:
1. 唔好迫佢坐太密，有挫敗感佢唔肯再坐
2. 想辦法令佢急，佢唔肯飲水用果汁都要，我自己煲雪梨蘋果水，薏米水
3. 用佢鍾意既野氹佢坐廁所，例如糖果，唔好怕糖份，佢成功左就會自動自覺去，唔記得有零食
4. 要放長假期，家長要有心理準備幾日唔點出街，不過我係有出街，早上成功 1 次，出街時佢痾左落片已經覺得唔舒服

私人傳訊回覆引用

awless

男爵府

積分: 6269

13^#

發表於 25-6-10 20:48 |只看該作者

買個尿兜仔, 一開始穿厚棉內褲, 佢會當係尿片咁, 自由瀨. 之後半個鐘就捉佢去一次廁所
總會撞中一次"咁岩" 佢自己尿出黎, 即時超級誇張咁稱讚佢
佢會覺得好得意, 下次就會想再做, 如是者, 你就會捉到佢路, 一見佢按住下面就捉佢去廁所
當你有信心就換孖煙通

大便就用坐廁, 你應該估到佢幾時大便吧, 我BB 係晚餐後9 成會急屎
其實用小童坐廁係最好. 佢會冇咁驚, 又有兩個手柄可以發力
同理. 大便成功的話, 超級誇張咁稱讚, 同佢一齊睇大便, 沖走, 講拜拜.

但留意, 如果BB 情緒激動的話, 小便呢招完全冇用. 因為一發脾氣瀨.
就所以如果係喊寶寶我就唔識搞

私人傳訊回覆引用

MILKYMOO

積分: 560

12^#

發表於 25-6-9 17:46 |只看該作者

北島發表於 25-5-20 21:15
趁而家天氣暖，放假喺屋企畀佢飲多啲水、湯或稀釋咗嘅果汁，著棉底褲，之後每半個鐘就捉佢去廁所，痾去pott ...

私人傳訊回覆引用

fafaryry

積分: 4070

11^#

發表於 25-6-9 11:29 |只看該作者

我個仔戒片時間都好漫長。
K1開始就冇著片返學，喺學校佢係去到廁所，冇乜點瀨濕。係屋企就佢會想著返片，果時都由佢有段過渡時間，所以有同佢著，但定時定候叫佢坐POTTY去廁所，佢都唔係太想。出街、去旅行都有照著片，去到K1下學期，開始出街冇著片，佢可以係屋企坐POTTY VV，但係大便就會自己拎片換痾落片到，所以唔會出街去大便，佢點都忍到返屋企著片痾。到K1 暑假都係度不停練習大便要POTTY痾，但佢都坐好耐，咩方法都試過，爸爸陪佢一齊痾，睇書，但都係痾唔到，仲試過幾日都唔肯痾(佢一向日日都有大便)，之後就冇再逼佢，只係同佢講，佢大個始終都係要痾係廁所的。

直至K2 下學期，佢有一日係學校好肚痛，老師唔知佢未戒片，就叫佢去廁所，佢開頭都唔肯，但因為真係好急，就黎瀨，終於答應左老師去廁所，就係咁，佢克服左大便落廁所既恐懼，從此拜拜片片，連夜片都戒埋。所以其實都係咁等佢READY，佢始終有一日會長大會去到廁所，真係每個小朋友都唔同原因，我個仔純粹係覺得大便落廁所好污糟，怕彈到自己，試左一次就冇左呢個感覺。

私人傳訊回覆引用

周小桃

積分: 2343

10^#

發表於 25-6-7 19:49 |只看該作者

Forverhappy 發表於 25-5-15 18:17
3歲半男仔仲未戒到片，可以點做？我唔識點教，學校係私校又幫唔到手戒片。。。唔想K2都仲著片，會唔會升唔 ...

將屋企所有尿片放晒係公司，收工帶一條尿片反屋企（夜晚訓覺用）

私人傳訊回覆引用

北島