吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 子宮內膜增生

婦女醫護今日: 0|主題: 34289

收藏本版

回覆發帖

返回列表

跳至頁

查看: 7170 | 回覆: 22

子宮內膜增生 [複製鏈接]

水果茶

複式洋房

積分: 347

1^#

發表於 25-6-14 11:40 |只看該作者 |正序瀏覽 |打印

一向有睇開政府婦科，近日抽子宮內膜組織，check到子宮內膜增生，屬於典型的，即是在20年內變成癌症的機率少於5%，醫生比左荷爾蒙藥Norethisterone我食，每日兩粒，連續食6個月，之後再抽子宮內膜組織，check吓會唔會控制到佢增生嘅情況。
另外，醫生安排我做宮腔檢查及刮宮檢查，但政府安排我成年之後才檢查，我決定去私家做。

之前因為流量多嘅原因，戴過兩次藥用子宮頸環，但都甩咗出嚟，所以這個療程唯有使用荷爾蒙藥，我本身抗拒食藥，考慮到快要更年期，但現在check到子宮內膜增生，唯有聽醫生話服用荷爾蒙，看看情況。

我會約私家醫生刮宮，政府醫院醫生暫時不建議我切除子宮，但私家醫院醫生話可以選擇，但非必要⋯⋯我正考慮是否切除子宮一了百了。

0 0 0

私人傳訊回覆引用

水果茶

複式洋房

積分: 347

23^#

發表於 25-7-21 12:32 |只看該作者

報告出咗，一切正常，連瑪麗check到的子宮內膜增生都check唔到有。
我因為戴返個環，所以仍然出血，其實都係煩，但無辦法，希望個子宮快D適應到個環。
另外，我經驗告訴我，如果政府醫院check到有什麼問題，最好搵一至兩個私家再check清楚，好似我之前政府check到我個肌瘤9cm，但私家再check只有5cm。今次又係，check到有子宮內膜增生，私家刮清楚結果沒有。
其實政府未必最正確，再搵私家再check清楚會好D，好似我個case咁，隨時唔洗食荷爾蒙藥，甚至咁急戴返個藥環住，可以再觀察一下，等下一次抽組織再處理應該未遲。

私人傳訊回覆引用

水果茶

複式洋房

積分: 347

22^#

發表於 25-7-10 23:26 |只看該作者

周小桃發表於 25-7-10 23:08
您做過手術可能未必可以做暖宮，您問清楚醫生先

知道，我問過至少隔兩個月後，加上我戴咗個藥環，我怕佢會推咗我個環出嚟。
初步只係想睇下中醫食中藥調理下先

私人傳訊回覆引用

周小桃

大宅

積分: 2346

21^#

發表於 25-7-10 23:08 |只看該作者

水果茶發表於 25-7-10 13:14
昨天做完刮宮，即日出院。醫生話我個子宮比個肌瘤和息肉壓住變咗型，佢幫我割左，用電擊介返靚個子宮形狀， ...

您做過手術可能未必可以做暖宮，您問清楚醫生先

私人傳訊回覆引用

水果茶

複式洋房

積分: 347

20^#

發表於 25-7-10 13:29 |只看該作者

現在戴咗藥環，仍然有出血，好似M come咁，之前戴過也是差不多。
之後唔洗再食荷爾蒙藥，忍受帶來的副作用，希望戴環會比食藥好啦！

私人傳訊回覆引用

水果茶

複式洋房

積分: 347

19^#

發表於 25-7-10 13:14 |只看該作者

昨天做完刮宮，即日出院。醫生話我個子宮比個肌瘤和息肉壓住變咗型，佢幫我割左，用電擊介返靚個子宮形狀，再放個藥環落去，希望唔好再甩（因為這是我第三次放環）。但係醫生話冇切曬我D肌瘤，我大概聽到佢話要切曬就要切咗子宮⋯⋯
要等兩星期後覆診再睇報告，醫生話目測是良性，但也要看最後結果，我平常心，大不了切左個子宮。
只係我唔明醫生點解唔割曬我D肌瘤出嚟，其實有D失望，咁留返D肌瘤係度解決唔到我血量多的問題，之前問醫生，佢話會割曬出嚟⋯⋯當日我麻醉藥未清聽唔清楚，所以待覆診時一定會問清楚，唉！不過手術已完成，點都要接受，唯有想下之後點樣再調理，或許找中醫調理，或做下暖宮。
大前提希望能解決到子宮內膜增生的問題。
待覆診後再同大家分享。

私人傳訊回覆引用

水果茶

複式洋房

積分: 347

18^#

發表於 25-7-10 12:59 |只看該作者

周小桃發表於 25-7-8 17:11
內x鏡同宮腔鏡係咪一樣？

應該係一樣

私人傳訊回覆引用

周小桃

大宅

積分: 2346

17^#

發表於 25-7-8 17:11 |只看該作者

水果茶發表於 25-7-8 16:49
我約咗明天才去照內窺鏡和刮宮。
你檢查咗未？有冇結果？相信你應該冇乜事的。
...

內x鏡同宮腔鏡係咪一樣？

私人傳訊回覆引用

水果茶

複式洋房

積分: 347

16^#

發表於 25-7-8 16:49 |只看該作者

圓圓碌發表於 25-7-6 04:55
想問吓樓主你而家情況點樣？最後有冇做手術？

我約咗明天才去照內窺鏡和刮宮。
你檢查咗未？有冇結果？相信你應該冇乜事的。

私人傳訊回覆引用

水果茶

複式洋房

積分: 347

15^#

發表於 25-7-8 16:48 |只看該作者

周小桃發表於 25-7-5 10:14
有無試過其他方法，例如看中醫，做運動，暖宮？

檢查完之後會試下睇中醫

私人傳訊回覆引用

圓圓碌

洋房

積分: 90

14^#

發表於 25-7-6 04:55 |只看該作者

本帖最後由圓圓碌於 25-7-6 04:57 編輯

水果茶發表於 25-6-15 08:17
就係唔係囉，食咗兩星期，突然好似M come 出血多返，不過就唔係血崩，feel到子宮收縮．又有D痛，胸又脹住 ...

想問吓樓主你而家情況點樣？最後有冇做手術？

私人傳訊回覆引用

周小桃

大宅

積分: 2346

13^#

發表於 25-7-5 10:14 |只看該作者

水果茶發表於 25-6-14 11:40
一向有睇開政府婦科，近日抽子宮內膜組織，check到子宮內膜增生，屬於典型的，即是在20年內變成癌症的機率 ...

有無試過其他方法，例如看中醫，做運動，暖宮？

私人傳訊回覆引用

水果茶

複式洋房

積分: 347

12^#

發表於 25-6-23 07:01 |只看該作者

謝謝大家的分享！
我見左兩個私家婦科，佢地都建議我切咗子宮，會對我日後生活方便好多，但我唔想在非必要情況下切子宮，除非check到係惡性。
直到如今，我繼續流血，尤其係零晨時分會湧出來，搞到我訓得好差。
醫生叫我試下由兩粒加到三粒，我今晚會開始試，睇下有冇好轉，並會約醫生做刮宮，嘗試再放多次藥環落去（之前試過兩次，但都甩咗出嚟），所以醫生話再甩的機會都大，但戴環的副作用比食藥輕，而且食藥不可以長期食，所以決定比多次機會自己，雖然戴環都要適應，也會滴血，但比食藥易掌握，如果咩方法都解決唔到才考慮切子宮。

私人傳訊回覆引用

圓圓碌

洋房

積分: 90

11^#

發表於 25-6-18 01:13 |只看該作者

水果茶發表於 25-6-14 11:40
一向有睇開政府婦科，近日抽子宮內膜組織，check到子宮內膜增生，屬於典型的，即是在20年內變成癌症的機率 ...

我同你情況有啲似，食咗荷爾蒙藥之後仲不停出血，佢就check到我子宮內膜好厚約咗下星期去照鏡同刮宮
好擔心唔知會唔會係cancer屋企仲有老有細要我照顧

私人傳訊回覆引用

nganfung

男爵府

積分: 5091

10^#

發表於 25-6-15 23:40 |只看該作者

回覆水果茶的帖子

我雖然同你情況有少少唔同。但我都想分享下食Norethisterone 的經驗。(比較長)

我2023年11月做完宮腔鏡。

2024年8月M唔停，去睇之前做宫腔鏡既婦科，佢話做完未到1年，不用做咁密，開了3個周期Norethisterone 比我食，第一個周期，食藥期間血流少左，但都唔可以完全止血，食到第15天，直頭好似M咁，之後覆診，醫生直接叫我停藥，比佢黎一次，停7天，再開始第二周期。之後第二周期，又係第15，6日開始流啡，但量唔多，我堅持繼續食。第三周期先正常21日都無出血。

之後月經正常左半年，又唔正常。

今年4月M又唔停，因約唔到做宫腔鏡個婦科。情急下揾左另一位婦科，做了陰超。內膜8mm,開了21日Norethisterone,話食左會止血。結果食頭幾日血係少左甚至有1，2日停左，但由第十日開始就又出血，直到完藥都未停過。咁我當時好驚，立即覆診，醫生建議我做宫腔鏡，佢話正常情況下係會止血，所以建議做宮腔鏡排除病變再決定下一步。

於是我就再約番之前幫我做宫腔鏡既醫生(好彩有位)，佢話第一個周期食左藥都有出血都唔係少見。建議我如果血量不多，繼續完成呢個周期，等D月經正常黎一次，之後再食多2個周期，再覆診超多次陰超。如果再第二，三周期仍有不正常出血或者覆查陰超後，內膜仲厚，先再考慮做宫腔鏡。

現在(今日)我係第二周期第12日了，食第四天就已止血到現在，還在觀察之後日子會唔會有不正常出血。

結論係：雖然食藥期間有出血係會發生，但如果末做過宫腔鏡，我都覺得盡快做，排除病變，安心D。同埋睇多個醫生聽意見。