本帖最後由 my005 於 25-7-13 19:31 編輯
Liukut 發表於 25-7-13 18:58 
我父母在中山起咗祖屋，退休後興致勃勃住了一排，又上又落，後來已經無閒情＆能力上去，亦無兄弟姐妹上去 ...
我2X年前都响老公鄉下買過屋，無住過幾日，之後好彩賣得快。我鍾意住酒店多啲。
我朋友又係2X年前買左肇慶，當年5萬咋，成仟呎，買左初頭佢地成日上，慢慢就怨喇，話成日上去打掃清潔，煩喎。
唔知佢之後有無賣返出去喇。
近呢幾年，都有好多朋友買左中山、惠州，只可以講有人歡喜有人愁啦。
其中一個買左中山既，幫好多親人搞居住証，話2蚊搭巴士好抵喎。
而其中一個買左惠陽，貪口碑，買左碧桂園，仟4、5呎上下啦，而家得個老公會間唔中返去住，個老婆同仔女去過幾次唔肯去，點解？個老婆同我講， 嗰度，連美團都唔送既，點靚都係把鬼。
仲有，成個屋苑得幾個入左伙，個老婆話有日就落雨天，好多好多好多隻飛蟻沖入佢屋企，因為得佢一間屋有燈光。
我問佢點解無關窗呀？佢話梗係窗門都關晒啦，但啲飛蟻响門隙入。我聽見都覺恐怖。
之後，老婆仔女都唔肯上，聽講有人竟然包起二奶黎。鬧到好大件事，而家仲嘈緊。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
