吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 朋友飯局帶多位仔女出席惹紛爭單身朋友不滿3事反被批: ...

自由講場今日: 1585|主題: 1359293

收藏本版

回覆發帖

返回列表

跳至頁

查看: 11909 | 回覆: 110

朋友飯局帶多位仔女出席惹紛爭單身朋友不滿3事反被批:斤..

[複製鏈接]

12 3 4 5...6

elbar

公爵府

積分: 26826

1^#

發表於 25-7-17 15:35 |只看該作者 |正序瀏覽 |打印

▲ 朋友飯局帶多位仔女出席惹紛爭，單身朋友不滿3事反被批：斤斤計較。

朋友飯局按「人頭」AA制費用無可厚非，但帶上小朋友出席是否需要另算？如何夾錢更加公平？

近日，有人在Threads發帖，稱日前與友人聚餐，當中有單身的朋友，亦有人「拖家帶口」攜子女前來；惟單身的朋友因為席間夾錢方式等3件事情感到不滿，卻被指責是在與小朋友「斤斤計較」引起熱議，網民卻大多力撐該位單身的朋友。

席間「有小朋友」家庭與單身朋友爆紛爭

樓主稱日前在朋友飯局見證了一場「『有小朋友』同『冇小朋友』嘅紛爭」。原來，當日的飯局除樓主及「朋友A」，到場的其他朋友都帶了1至3名仔女參加。

朋友們商量點叫外賣時，「因為個個都口味特別，有啲要壽司、有啲要pizza、有啲要開心樂園餐，又雪糕又珍奶，有個要自己一份雞蛋仔」，還有人詢問「邊個小朋友鍾意食㗎，順便買埋啦。」而此時的「朋友A」便已略表不滿。

隨後大家開始用膳，樓主形容幾組家庭「個個父母都將最好搶晒留晒畀小朋友，小朋友又浪費」，而單身的朋友便只能「食剩嘅嘢」。

不滿夾錢方式被指：斤斤計較

到用餐結束友人們一同計算共同花費時，樓主稱「『朋友A』頂唔順爆喇」，原來，費用計算方式是以「家庭」為單位，即「5個人同1個人夾嘅錢相同，約600蚊」。

雖有不滿，但最後「朋友A」仍按此計算方法照價支付了費用，惟他被其他朋友們認為是「咁都要同小朋友斤斤計較嘅人」；樓主猜測「相信以後聚會都再見唔到『朋友A』」。

網民力撐單身朋友：太扯了！

帖文引起網民熱議，大多數人撐「朋友A」，認為其他以家庭為單位出席的友人行為不妥，「恭喜『朋友A』離開你哋呢班人」、「事實上，佢一個人又冇理由同一家人一樣錢」、「有咩責任要畀埋你哋班細路嗰份，開善堂？」、「小朋友可以唔計，兩公婆算一個人？太扯了」、「下次去食自助餐，叫酒店唔好計小朋友啦」、「『朋友A』爆炸正常」。

亦有網民分享了這類飯局的夾錢方法，「我分享我嘅做法：沿用喺兩班朋友身上。有細路同無細路，單身定家庭都好歡迎。大人計1嘅，小朋友計0.5個（我朋友啲小朋友係好細，最大先8歲），一家四口計2+0.5+0.5=3份錢，兩公婆計2，單身計1，一家三口計2+0.5=2.5份錢，再除返成餐飯有幾多份就知每家庭畀幾多」。

0 0 0

私人傳訊回覆引用

kimmy2006

子爵府

積分: 12115

111^#

發表於 25-7-20 14:23 |只看該作者

onlam2005 發表於 25-7-18 11:18
你CASE似我朋友,
佢地多數係屋企做節.
有年佢媽生日, 就出去酒樓食.

佢哋啲家人真係好現實喎

私人傳訊回覆引用

Astra00

水晶宮

積分: 65225

110^#

發表於 25-7-20 13:58 |只看該作者

BGCOME08 發表於 25-7-20 08:33
我都覺得D家長叫咗俾D細路食，又唔食好老土。我哋朋友聚會，例牌細路唔洗夾，好似食西餐咁，最平一個餐都2 ...

呢啲做法咪就係我口中我講嘅嗰件毒姑嗰類嘅心態囉，要有大食大咁款囉。呢啲行徑好冇品，很討厭。仲要浪費食物呢啲真係冇衣食。

私人傳訊回覆引用

pochario

侯爵府

積分: 24970

109^#

發表於 25-7-20 13:49 |只看該作者

fatchu@home 發表於 25-7-17 16:17
我試過,去酒樓食飯最後逐家計,果晚我自己一個去,每位600,有人一家三口又600,一家五口又係600........
我同 ...

要幾厚臉皮嘅人先會唔答？

計大人好合理，小朋友好細唔計都講得通，12歲以上計0.5已經好大方，小朋友去到大人咁嘅身形應該當1個啦。
我地係咁計，仲要通常係帶小朋友嘅出聲先。

私人傳訊回覆引用

OKC

珍珠宮

積分: 32568

108^#

發表於 25-7-20 13:47 |只看該作者

cy101 發表於 25-7-17 15:42
咁又太離譜，5個人（一家庭），同單身一樣收費，離地到爆！

同意，有搵笨之嫌，咁樣計好唔公平。

有啲人真係話知你俾多啲錢，以前阿仔生日請兩邊家庭食buffet,四百蚊一個人，已經講明唔好帶工人，況且啲小朋友已經係四五歲以上，根本唔使帶工人，但有親戚竟然帶埋工人嚟，原因係想完全地享受食飯時間

話知你要俾多四舊水

私人傳訊回覆引用

zxzx

伯爵府

積分: 17363

107^#

發表於 25-7-20 13:38 |只看該作者

芝士肉鬆包發表於 25-7-19 07:03
絕對係！講真，真係好朋友嘅請埋佢一家食都得啦！問題係擺明對家係搵笨，呢啲人一毫子都同佢計番，同埋食 ...

同意，就算好朋友請埋你一家食，識做嘅，有來有往，今次我請下次你請，次次搵人著數者，自己又係咪當人係朋友親人定水魚呀！

私人傳訊回覆引用

登!登!登!

侯爵府

積分: 20459

106^#

發表於 25-7-20 11:52 |只看該作者

擺明搵笨，當你係朋友唔會要個單身聚會朋友咁計，我個人比較小家，只計自己有份食嘅嘢條數，之後唔會再見面

私人傳訊回覆引用

BGCOME08

珍珠宮

積分: 33719

105^#

發表於 25-7-20 08:33 |只看該作者

本帖最後由 BGCOME08 於 25-7-20 08:44 編輯

lovemisha 發表於 25-7-20 07:08
唔好話單身朋友會唔鍾意，我係有小朋友家庭都唔鍾意另外啲家庭啲小朋友麻麻煩煩，大人又要遷就小朋友食乜， ...

我都覺得D家長叫咗俾D細路食，又唔食好老土。我哋朋友聚會，例牌細路唔洗夾，好似食西餐咁，最平一個餐都200+，最貴就400+，佢阿媽明知佢2個仔係食唔到1人1個餐，就算1個餐share食都有難度，因為唔洗夾錢，佢媽老馮叫最貴嘅2個餐，然後佢2個仔次次都撩2撩，食幾啖，就話唔想食全程玩電話，個2個餐就放响度攤，攤到尾段就問我哋食唔食？short short地？邊個會食你2條o靚ken嘅口水尾呀

。食唔到就咪叫啦，我哋要俾埋你仔D飯錢㗎，次次都係咁

私人傳訊回覆引用

uwjs

子爵府

積分: 14808

104^#

發表於 25-7-20 08:29 |只看該作者

一家大細同一个朋友嘅話
一般我會請埋个朋友

私人傳訊回覆引用

hiragana

珍珠宮

積分: 39502

103^#

發表於 25-7-20 08:04 |只看該作者

回覆樓主:

“家庭”厚面皮到呢

私人傳訊回覆引用

raven

侯爵府

積分: 24241

馬年勳章 2026勳章 2024年龍年勳章牛年勳章 2018復活節勳章 15週年勳章親子王國15週年勳章

102^#

發表於 25-7-20 07:08 |只看該作者

老實講，大家只係朋友，全部拖家帶口，對單身黎講，的確係唔公平！！！

私人傳訊回覆引用

lovemisha

侯爵府

積分: 20224

2024年龍年勳章虎到金來勳章牛年勳章

101^#

發表於 25-7-20 07:08 |只看該作者

回覆樓主：

本帖最後由 lovemisha 於 25-7-20 07:12 編輯

唔好話單身朋友會唔鍾意，我係有小朋友家庭都唔鍾意另外啲家庭啲小朋友麻麻煩煩，大人又要遷就小朋友食乜，好似全世界都要就自己小朋友先合理咁，我至憎哩啲，啲小朋友老母又要餓狗搶屎般要搶哂啲野食俾小朋友，但小朋友話食，搶完又食唔哂極浪費，我有認識至親直情厚臉皮到問我地食唔食埋佢，唔好浪費！

出到去食野我會跟返大隊，主要係唔造成麻煩為主，而且會考慮到單身朋友感受，主動要除返開人頭。就好似我有親人一家老少黎到起碼都多我哩組家庭一倍人數，我都唔鍾意夾錢時按家庭俾，食又食得多，憑咩俾少咁多錢