自由講場今日: 233|主題: 1356976

收藏本版

回覆發帖

返回列表

跳至頁

查看: 1077 | 回覆: 3

心毒 [複製鏈接]

elbar

公爵府

積分: 26522

1^#

發表於 25-7-21 09:12 |只看該作者 |正序瀏覽 |打印

「啲人乜嘢心態，無端端推個細路落海！」午飯時阿美提起最近發生的新聞。
「可能係心理有問題！」我說
「心理問題真係難解釋！先幾排澳洲用毒姑殺人個件案，都令人費解！」Joyce 說。

阿美一聽，立即停筷，湯都唔飲，大聲說：「嗰個女人真係離哂大譜，都離咗婚啦，仲有乜嘢恩怨喎，搞到要專登去採集毒菇，要殺前夫、同埋佢父母、阿姨、姨丈！」

「好彩個姨丈大命，中毒後救番，大難不死！佢個前夫，臨時放飛機，冇去食飯，逃過一劫！」我說。

「真係點解會咁黑心嘅呢？就算不和，都唔會憎恨到要去殺人，仲設計週密，請各人去佢屋企食飯，各人一份毒菇，自己嗰份當然冇毒菇。之後，即刻棄置個毒菇脱水機，又扮自己都有份中毒去醫院求醫，成套戲咁，真真正正攻心計！極之黑心！」Joyce 越講越忿怒。

阿美說：「其實常懷怨恨在心，受罪嘅係自己，難過嘅係自己啫，應該放下，放過自己，至可以海闊天空！」
真的，EQ 高真是很重要！那位女士，離婚後大可追尋另一段人生，可惜一個歪念，令自己走上不歸路。