吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 姚焯菲赴美|Chantel否認家人施壓到美國升學4年姚焯菲自 ...

自由講場今日: 2461|主題: 1362257

收藏本版

回覆發帖

返回列表

跳至頁

查看: 3009 | 回覆: 33

姚焯菲赴美|Chantel否認家人施壓到美國升學4年姚焯菲自揭從. [複製鏈接]

elbar

公爵府

積分: 27367

1^#

發表於 25-8-18 09:29 |只看該作者 |正序瀏覽 |打印

去年，姚焯菲（Chantel）於紐西蘭完成兩年高中課程，今年9月她將滿19歲並入讀大學。

Chantel為最新派台歌

《KMC》接受商業一台《星光背後》專訪，一如她的新歌《KMC》寓意要做自己，面對不少聲音希望她為保事業留港讀大學，Chantel最近正式公布將忠於自己，選擇再度離港4年入讀全球聞名的美國紐約大學（NYU）修讀Music Business學位課程。

節目中，Chantel親證本已獲香港兩所大學取錄，至於為何不理公司反對赴美國再走，她說：「有啲嘢我認為啱嘅就要去做！」當下Chantel目標只有學業及事業，她更自揭於紐西蘭為專注學業，曾將追求者推開。她說：「我唔想有任何因素影響我認為最重要嘅讀書。」

獲港大科大取錄

Chantel坦言考慮了一段日子才決定赴美國繼續升學，她說：「兩年前去紐西蘭係無忐忑嘅，因為係被迫嘅！但去完之後，又覺得係好好嘅成長機會，學識獨立，每次返嚟工作都好開心。」

Chantel於紐西蘭高中成績驕人，登上學校頂尖學生榜獲Top Scholars榮譽，被揭IB文憑試考獲40分或以上成績獲封「學霸」。

對於消息指本地港大及科大均已取錄她，她說：「係！」至於為可不入讀本土名校，她說這次不關父母事，「佢哋反而想我留響香港，近返啲屋企。好坦白，我都考慮過，差啲就留返響度。但認真諗咗好耐，不斷同屋企人商量，因為香港無呢個課程，我真係好想讀Music Business。想知呢行點運作，又有law、音樂製作同巿場學，呢一行我想知嘅嘢都有得讀，對將來好有用。」

離港不擔心被粉絲忘記

Chantel指父母這回選擇尊重她長大後的決定，至於公司TVB必然反對，她說：「哈！又唔好咁講，反對聲音一定有，我相信你都會愕然，但有啲嘢我認為啱嘅就要去做！」

不為名利沖昏頭腦外，Chantel亦不擔心娛樂圈或粉絲善忘。她承諾一如過去兩年離港，未來4年赴美讀大學，一有休假就會回港全心投入工作及出歌。

從未正式拍拖

Chantel自認專注力強，在紐西蘭兩年曾為免影響學業而拒絕追求者，「係有追求者出現，對方唔係咁直接示愛，但我哋不斷有傾偈，會感覺到。但我唔係咁想回應對方，就係因為讀書嘅關係，我唔想有任何因素影響我認為最重要嘅讀書。當我好想做好音樂同讀書嘅時候，我會不顧一切做好，會怕其他嘢影響到，好自然會push away。」

快19歲的Chantel指，自己未算有過一段真正男女朋友關係，稱：「試過好細個拖吓手，但唔算係一段關係。」談到理想對象的條件及對戀愛憧憬，她說：「條件係唔可以細過我，細個會夢想好後生廿歲頭就結婚，但得返幾年要重新諗過，希望30歲啦！」

這次回港先後跟多位圈中男神，包括張天賦、MIRROR成員Tiger及周嘉洛合作，問Chantel哪一位是她的理想對象，她說：「哈！佢哋都未必係我理想類型，但每個人都有佢嘅charm。首先MC佢唱歌真係非常好聽，好值得欣賞；Tiger係比較靜嘅人，我鍾意啲人唔會太嘈，呢方面佢都幾好；周嘉洛就好嘈，但佢好搞笑好幽默，我幾鍾意同佢講笑，佢會搞好多爛gag，令到拍《愛回家》成個氛圍好好。」

她重申入行後，父母都沒有禁止她拍拖，「爹哋媽咪無特別反對，佢哋知我目標，或者再大啲，我仍然係呢個諗法，到時或者會擔心我無拖拍，哈哈！」

0 0 0

私人傳訊回覆引用

pc2012

伯爵府

積分: 17349

2024年龍年勳章

34^#

發表於 25-8-18 17:03 |只看該作者

cyyiu 發表於 25-8-18 16:48
之前呢度話書幾時都有得讀，紅嘅時候有得搵緊係搵錢先，然後就攞陳慧嫻做例子，話走左紅唔返！
我覺得cha ...

我都覺得佢好叻女

佢訪問時話係自願去美國的，而且選科亦經過深思熟慮，選自己喜歡又能學以致用的…

中學時在新西蘭，要考公開試，都能兼顧事業⋯ 相信讀大學應該會比中學無咁辛苦，佢嚟緊4年應該都可以同之前一樣，放假就返香港工作，學業事業兩兼顧的

私人傳訊回覆引用

露比2006

子爵府

積分: 13957

33^#

發表於 25-8-18 16:59 |只看該作者

CalvinMini 發表於 25-8-18 12:37
好假好虛偽，拍埋性感內衣照都話自己a0

私人傳訊回覆引用

露比2006

子爵府

積分: 13957

32^#

發表於 25-8-18 16:57 |只看該作者

mandy952 發表於 25-8-18 10:37
佢發明星夢發到傻左，佢老豆有冇後悔比佢參加星夢呢

梗係唔會後悔啦！
幾多星二代都想入行...

私人傳訊回覆引用

cyyiu

水晶宮

積分: 66752

31^#

發表於 25-8-18 16:48 |只看該作者

fatchu@home 發表於 25-8-18 14:45
回覆 mandy952 的帖子

其實佢做到又有咩所謂? 依家又去讀大學,又唔係書都唔讀做明星. 咁睇佢訪問即係佢都 ...

之前呢度話書幾時都有得讀，紅嘅時候有得搵緊係搵錢先，然後就攞陳慧嫻做例子，話走左紅唔返！
我覺得chantel好叻呀，唔理佢自願定被迫去美國，都要有能力去到先得，除了有富爸爸之外，自己都好努力，真係好叻女！

私人傳訊回覆引用

pc2012

伯爵府

積分: 17349

2024年龍年勳章

30^#

發表於 25-8-18 16:46 |只看該作者

露比2006 發表於 25-8-18 16:18
我係回應“從未正式拍拖”此句。

從未正式拍拖 ?

//快19歲的Chantel指，自己未算有過一段真正男女朋友關係，稱：「試過好細個拖吓手，但唔算係一段關係。」//

大家對指拖定義唔同啫，#1樓文中有寫到佢有同男仔拖手，但佢覺得唔算得上係一能段關係⋯

另外，嗰d相都唔代表乜嘢，佢同d同學去玩都有post過d著吊帶、背心、泳裝嘅相㗎啦，人哋讀國際學校，d文化有少少唔同都好正常⋯

而且，如果俾人老屈，散布不實言論，家人出禁制令又有幾出奇呢？

同埋佢好多同學比佢更早去外國讀書啦，而佢只係去咗2年讀高中同考IB… 而且佢父母好似都係响新西蘭讀書，而且表哥一家都在新西蘭可以照應

而家都繼續選擇去外國讀大學，而唔係留响香港讀大學，即使可能會少咗job、少咗曝光率，但都選擇讀Music Business，希望可以學以致用，幫助將來事業發展，我覺得佢好有遠見

唔知點解你要不斷留言針對佢？！？！

私人傳訊回覆引用

露比2006

子爵府

積分: 13957

29^#

發表於 25-8-18 16:18 |只看該作者

pc2012 發表於 25-8-18 16:13
咁你係匿埋喺床下底，你又知佢有拍拖？！

Chantel2024年雖然响新西蘭讀書，但一放假就返香港宣傳新歌，一 ...

我係回應“從未正式拍拖”此句。

從未正式拍拖 ?

酒店d睡裙相...誰放出來的？點解老豆要出律師信？点解要出禁制令？点解當時避走New Zealand ?

一夜情嗎？

私人傳訊回覆引用

pc2012

伯爵府

積分: 17349

2024年龍年勳章

28^#

發表於 25-8-18 16:13 |只看該作者

露比2006 發表於 25-8-18 16:05
新西蘭有拍拖也唔係出奇！

你係佢代言人？保母嗎？你匿埋係佢牀下底？

咁你係匿埋喺床下底，你又知佢有拍拖？！

Chantel2024年雖然响新西蘭讀書，但一放假就返香港宣傳新歌，一共出咗7首歌（5首新歌+2首劇集歌。仲响考IB文憑試之前，仲同2小花開咗2場演唱會。年尾考IB，有超過40分以上成績，學業成績好過好多全職讀書嘅學生，而佢嘅出歌量亦都多過好多全職歌手。

如果唔係超級勤力，應該無法應付到⋯

如果咁仲有時間拍拖，真係超人先做到！！