自由講場今日: 439|主題: 1370709

收藏本版

回覆發帖

返回列表

跳至頁

查看: 5442 | 回覆: 56

12 3

積分: 23836

馬年勳章 2025勳章蛇年勳章

1^#

發表於 25-8-20 16:15 |只看該作者 |正序瀏覽 |打印

孕婦也不可以坐「關愛座（優先座）」？有年輕孕婦於社交平台發布影片，指她坐關愛座時被1名阿伯「手指指」逼讓座，「話我後生要我讓。話呢個位係老人家坐」，即使其旁邊女乘客讓座，阿伯也不坐，繼續針對她。她忍無可忍解釋自己懷孕，詎料仍然責罵「無人知你大肚」，又說「要坐一定要有理由，因為呢個係老人座」。她不滿對方態度太惡，遂拍攝影片公審。

女事主強調關愛座絶非專屬座位：「但我唔覺得大肚先坐得（關愛座），就算我好人好者，有唔舒服有需要坐，使唔使向你解釋？」
她表示，當時「插住airpods」，跟住見到該長者「手指指我」，她除下耳機，即被該長者指責，「佢聲稱問咗我幾次......我隔離位起身佢都唔坐，話我後生要我讓，對面又有人起身又唔坐，話呢個位係老人家坐。」

女事主表示，當時「我不停講我唔可以有需要？？最後先忍唔住講係懷孕」，該長者反駁「話冇人知」，女事主批評：「我點解要話畀你知？？」該長者繼續指責她「話要坐一定要有理由，因為呢個係老人座」，女事主嬲爆說：「佢話問就一定要答，咁惡嘅啲廢老。」

女事主公開爭執影片，可見其隔離位置另一關愛座未有人坐，她大聲說道：「我就大肚嘅，依家呢個人就大大聲指住我逼我讓座，我依家好驚呀！」該長者指著反駁：「唔好亂咁噏，無人知你大肚，你未話畀人知道！」女事主再說：「你睇吓呢個人幾惡呀！」該長者聞言反駁道：「人哋只係問你啫，一啲都唔惡！你恃住咁嘅樣，唔怕，你認清楚啦。」

女事主其後再反駁，指有網民認為「我未見肚冇人知，叔叔問下好正常」，她強調當時在她「解釋」自己是孕婦前，其實「隔離位已經起身，但叔叔堅持要我讓」，「解釋後叔叔都唔賣帳，先會發生對罵，連隔離姨姨都忍唔住講：『其實我都讓咗畀你啦，人哋真係無必要向你解釋。』」女事主亦重申：「我唔覺得孕婦先坐得，我唔係個肚幾大好需要坐，只係我有位咪坐囉！到你批鬥我時我亦真係有原因，正如叔叔都睇唔到幾有需要，都覺得自己好需要呢個『老人專屬座』。」

事件引發網民討論，部分網民認為該長者不知道女事主懷孕，當時只需解釋便可化解紛爭：「其實同佢講聲自己懷孕唔舒服要坐就可以，唔需要動氣勞嘈，更加唔需要拍片擺上網。

部分網民力撐女事主，認為關愛座不是強制座，有需要便坐，不需向人解釋：「上車使唔使同全車人交待自己大肚先坐得落去，佢係邊位？要同佢解釋？」「關愛座係人都可以坐，你本人想關愛邊個先讓畀人坐」、「樓主無必要同所有人講自己大肚，關愛座唔係老人座」。

0 0 0

私人傳訊回覆引用

395db3456c8988

別墅

積分: 669

57^#

發表於 25-8-21 20:48 |只看該作者

woodpecker 發表於 25-8-21 12:24
睇左條片，冇前傳，好難作判斷。不過個女人好惡，又鬧亞伯廢老。

個呀伯都有話個女人，唔知佢係大肚，大肚要同佢講？

私人傳訊回覆引用

KanHeiBB

大宅

積分: 1999

56^#

發表於 25-8-21 20:37 |只看該作者

無話可說發表於 25-8-21 12:42
取消最好！老人比得$2咋！我比足全費點解唔坐得喎

多年前做完手術，獨自出院搭地鐵，全隻右手臂包紗布，左手拎大袋個人用品，被一個阿婆迫讓座，理由話我後生，但我坐普通座位。

我話，我完全冇手揸扶手，我仆低，你係咪墊我底？

佢不停罵，我再還擊：
我比正價，理應優先坐！你比2蚊，企係應該！
唔係我哋打工交稅，你有2蚊車搭咩？

唔記得佢罵我衰格定係乜？
我隻手包到咁，係佢迫我咁講，有講錯咩？
比錢多唔係優先咩？