懷孕前後今日: 7|主題: 330382

收藏本版

回覆發帖

返回列表

跳至頁

查看: 5124 | 回覆: 3

[黑心陪月] [複製鏈接]

JWX

民房

積分: 9

1^#

發表於 25-8-21 23:48 |只看該作者 |正序瀏覽 |打印

望有緣人睇到，可以避開一劫，生完BB已經唔容易了。

總結經驗：自己既B自己睇緊D。BB床、客廳要裝cam ，一定要陪月在cam嘅範圍內沖奶餵奶哄睡換片。

黑心陪月員：胡X琳，24hrs ，6XXX X257，來自「陪X一站」
作為一個聲稱有經驗既陪月，我覺得完全不合格，沒有烹飪技巧，做事速度慢，體力也跟不上。

唔合格嘅事太多，記唔哂，不能盡錄。

1.第二天朝頭早8:30我已經起咗身，但係完全冇預備早餐，我問佢我今日朝頭早食咩跟住佢話呢可唔可以食粟米蒸番薯我話可以但係你都冇預備同埋琴晚都冇問過我，跟住我嗱嗱聲叫工人即刻整佢之後過咗半個幾鐘先起身。

2.頭兩日全部都係工人姐姐洗BB衫.俾我哋發現咗之後我直接同佢講呢個係你本身要做嘅，跟住佢仲話我今日冇時間唔得,因為琴日帶咗小朋友去醫院我就同佢講你今晚自己搵時間洗咗佢

3.第一天已經同佢講咗佢煮我嘅餐，工人姐姐煮屋企其他人嘅飯.佢成日想撈埋一齊買餸煮飯，有兩三晚問工人姐姐今晚煮咩？跟住工人姐姐話咗俾佢聽，佢話我呢幾樣餸都啱太太食，跟住嗰幾日就冇煮晚餐，同埋佢煮飯嘅水準同之前我哋面試佢send過嘅圖片爭得比較遠。

4.對小朋友嘅嘢冇跟進，有一朝頭早我哋發現咗小朋友眼睛有啲分泌物就問佢抹吓佢話要用生理鹽水，我哋話屋企都有一支喺小朋友擺嘢嘅地方，跟住去到下晝3:30我發現小朋友嗰個眼好似分泌物多到黐住咗半個眼,問佢係咪已經搽咗佢話搵唔到生理鹽水.我話搵唔到你可以話俾我知我叫工人姐姐去樓下買，或者你可以用熟水抹一抹先，而唔係拖咗五六個鐘。

5.去醫院前一天已經同佢講咗.你搵任何時間都可以去買餸，跟住佢話唔使買，但係第二日中午佢就攞咗屋企本身嘅餸菜話如果唔係唔夠。連買嘢都想叫工人姐姐幫佢買，我地工人姐姐先嚟咗一個月左右，連南北杏都唔識分呀。

6.去醫院當天中午會比較遲少少返嚟.我同佢講咗唔緊要，你中間幫我安排一餐，等你返嚟可以遲啲煮飯，兩點食飯都冇問題。跟住佢就安排我食乾果⋯⋯我話這個唔係小吃，我想食蒸蛋，同埋長輩已經話俾佢知點樣整。但到最尾佢都冇整到，跟住返嚟就同我講佢理解錯。

7.不主動解決我需要，例如洗頭拖得就拖
要叫先識得去按摩胸部幫助催乳，踢一腳郁一郁，你唔出聲佢就拖得一日得一日。

8.換小朋友尿片嘅時候沒有清理乾淨，聲稱都乾爽冇問題，但係俾我見到兩次換尿片嘅時候還有上一次的便便粒粒。

9.叫佢買生果，跟住全部嘢都生到食唔到，要等多兩三日，只有蘋果食得。

10.晚上照顧BB嘅時候成日用強光，已經同佢講咗。買咗三個小夜燈，但係佢都會將小燈擺喺小朋友嘅眼睛隔離去換尿片等。
後來我們發現他有好深嘅近視或者老花，另外應該散光很嚴重，晚上看東西都要找光源很近才看得到。
從第一個星期就已經提過，叫佢戴眼鏡過來上班，但一直都沒有咁做。

11.話要整豉油雞俾我食，跟住就去錢大媽買咗包裝預製豉油雞叮返嚟俾我，仲夠膽問我好唔好食？真係當我盲睇唔到包裝在垃圾桶嗎？

12.有幾次重大失誤：半夜喂奶，試過幾次提早1小時沖奶等BB醒。夏天無冷氣室溫都29-30度，被發現開始狡辯話正常未食過的可以放24小時，講咩個個僱主唔同要求。呢d係要求嗎？呢d係common sense ，應該無僱主想小朋友食d咁既奶。
半夜私自加量第二日無講。
為左唔想洗奶樽，在室溫儲放奶（已飲過小量）過1個半小時，之後再喂。

13.以一個二十四小時嘅陪月嚟講完全不合格，做事超慢但又唔係特別好，導致經常冇時間休息，不會安排時間，烹飪技巧欠奉月子餐都不會，煮兩碟餸要兩個鐘。（第21日的午餐最驚嚇，就一碟雜豆肉粒，完，附圖）。
30天用了3L油，唔係錢既問題，擔心家人健康

14.除了偷懶就是在想偷懶。都唔排除佢做半日單時，是個正常人，我唔知啦。
可能佢係專門接有外傭姐姐的二十四小時單，方便偷懶。
真係人無恥便無敵。

attach1/tmp/php7l2k6v

0 0 0

私人傳訊回覆引用

999cathy

洋房

積分: 76

4^#

發表於 7 天前 |只看該作者

本帖最後由 999cathy 於 25-8-25 23:18 編輯

我之前都遇到黑心陪月，呢度出完post 比人delete 咗，你都要去各大社交媒體分享
——————————————————

大家要小心，千祈唔好遇上佢
黑心陪月一短髮 Eve 青姨姨
唔肯退訂，block 我WhatsApp

原本10月中預產期，不過14week 確認咗係唐氏 BB，第8wks 時已落訂這位陪月10-11月（第一個月24小時 $63000，第二個月8小時＄30000，訂金＄23250）去到14weeks 要引產並通知陪月，佢話訂金冇得退，佢話有講過，但對話紀錄搵唔到，臨時合約又冇寫，佢話呢個係所謂"行規’。
佢要我搵下有冇準媽媽需要陪月，9月至10月（因為11月佢要去旅行）要有人頂咗呢個日子，佢先‘考慮或者退少少’錢比我，但係都話要睇係接到做 8/24小時

後續：係其他地方出post後，已經有人爆料，原來有網友11月請咗佢做陪月，講大話！
亦都有網友話佢曾經做過幾日之後走咗佬，無恥！
佢知我出咗佢post，已經block 咗我

真係身心疲累，希望呢個post幫到大家避雷
人在做，天在看，咁嘅＄＄你都賺，冇血性！

私人傳訊回覆引用

JWX

民房

積分: 9

3^#

發表於 25-8-22 17:38 |只看該作者

本帖最後由 JWX 於 25-8-22 18:04 編輯

Aherm 發表於 25-8-22 16:30
老實講，陪月都係人，仲要多數係上年紀長者，佢地點可能一日做24小時。所以寧願請2個輪更，好過請一個24小 ...

所以媽媽就不是人？有工人姐姐，已經唔洗佢做乜家務，只需做好本份。
問佢拎d月子餐單選下都無，也從來無問過我有乜唔食，有時仲問返我今日想食乜。請專業既黎仲要我自己操心、睇住、同信唔過。
請個陪月就係想食好d同埋，有多個人照顧BB 。我逼佢接單嗎？我要求佢24小時唔停工作嗎？佢自己揀㗎。才4x歲，個B每日先8餐又無亂喊，就係食睡屙，算好帶的，手腳正常速度（都唔洗快），老公和工人姐姐都會幫手，正常陪月一定安排到工作和休息。
冇能力又接單累人累物，煮啲餸仲衰過兩餸飯。

一係你就係佢朋友，一係就無生過仔。