自由講場今日: 1039|主題: 1370919

收藏本版

回覆發帖

返回列表

跳至頁

查看: 1281 | 回覆: 10

葵涌騙徒訛稱囝囝發燒借現金　善良港女慷慨解囊中伏失$400 [複製鏈接]

elbar

公爵府

積分: 28719

1^#

發表於 25-9-3 15:41 |只看該作者 |正序瀏覽 |打印

利用他人的善心呃錢？近日，有港女在Threads發帖分享日前被騙經歷，指在葵涌街頭被1名陌生男子當街攔下，稱兒子發燒要去診所，惟出狀況沒有現金，故向其借400元；她慷慨解囊後卻遭對方加碼索錢，這才驚覺中伏……

稱兒子發燒睇醫生急需現金　呃走善良女生$400

樓主表示，8月17日晚上近8時，她在葵涌葵俊苑附近被1名陌生男子攔下，對方表示「個仔發燒，要去診所睇醫生，但提款卡俾機吞咗，冇現金。」起初，男子表示要想樓主借200元，見她同意後又改口要300元，「仲展示一張BB相，仲話自己係香港人，可以提供身份證明」；「3分鐘之後再打電話嚟，話診所要400，我再畀多100」。

然而，2個小時後，男子再次致電樓主，「話個仔入咗醫院，要搭的士，再問我攞多200」，樓主驚覺中伏，以無能為力為由拒絕，她表示「成個過程前後矛盾：之前話用唔到網上銀行，點解後尾又叫我過錢？」，並稱已報警處理。

樓主以自身經歷警示網民：「如果有人喺街度話小朋友發燒差幾百蚊睇醫生，請即刻拒絕，並建議佢打999；香港急症室只收$180，就算冇錢都唔會拒收，根本唔需要靠陌生人現金，大家要小心……希望做好人嘅時候亦都要提防騙子。」

網民：最憎利用人哋善心行騙　騙徒疑是「慣犯」

帖文引起網民熱議，紛紛寬慰樓主「太善良」，並指騙徒疑是「慣犯」，「唔好咁怪自己，你係善心但俾人利用，老實講如果我喺徬徨之際有人願意幫助我，我都會好感激，亦感謝你出post提醒騙徒新講法呃人」、「呢個係慣犯嚟，葵涌荃灣都會出現」、「幫人可以用免費的公共資源，例如幫忙報警，唔使用自己錢幫」、「葵涌呢個位我2年前試過星期日上晝8點遇過，估唔到搵食搵咗咁多年」、「最憎呢啲利用人哋善心行騙」。