自由講場今日: 1724|主題: 1370816

收藏本版

回覆發帖

返回列表

跳至頁

查看: 780 | 回覆: 0

租寵物氧氣機被”創新軒”屈$3000 [複製鏈接]

ccccccdd

洋房

積分: 41

1^#

發表於 25-9-10 21:49 |只看該作者 |正序瀏覽 |打印

本帖最後由 ccccccdd 於 25-9-10 22:05 編輯

租借寵物氧氣機遇到誠信極有問題嘅創新軒（間公司叫我記住開佢哋名出post) 被屈$3000

[篇文有啲長，但簡單總結：創新軒租借寵物氧氣箱比我，當時被收按金$6000，但間公司就係退還按金時夾硬搵啲原因扣我$3000（連埋租金運費等，我租佢哋氧氣箱一個月嘅支出係$5200，收費高到我已經可以自己買部新機），間公司好多前言不對後語，佢哋仲癲到用市場上另一家公司嘅收費表企圖向我合理化佢哋所收取嘅維修費，而佢哋本身並無任何維修收費表，所有維修費口講口賠，任佢哋獅子開大口，各位寵物主人要小心呢間嘢］

事源於2025年8月1 日，我嘅貓仔呼吸困難去睇獸醫，情況惡化得好急速，雖然睇緊嘅獸醫診所有氧氣機，但部機長期供氧並唔穩定，所以我臨急臨忙要係當晚6點幾鐘去租借性能高啲嘅10L氧氣機，如果租借唔到貓仔就需要再頻撲轉院

當晚聯絡到創新軒，我表明情況緊急後佢哋都話可以借到10L氧氣機比我哋，我係晚上7:09將$8200租金連按金轉帳比佢哋，當中按金係高到$6000（講緊佢哋部全新5L機都係賣緊$5000幾），但因情況緊急我都無多問，即刻過數俾佢哋，而佢哋係我付費後嘅晚上7:35單方面傳咗一張所謂嘅「條款」俾我

本身創新軒話可大概8點送到氧氣機，仲問咗我幾次等到8點得唔得，我話都等佢哋，而最終部機係大概9點先送到，遲咗足足一個鐘，但點都好，貓仔因為有合適嘅氧氣機使用，所以能夠順利係獸醫診所留院咗幾日，而無需再係當晚立刻轉院，呢個位都係多謝佢哋安排到

2025年8月3日我去診所探貓仔，發現氧氣機有滴水情況，用whatsapp向創新軒查詢滴水有無問題，佢哋首先有whatsapp video call我同診所姑娘去了解情況，其中佢哋有問負責姑娘入水嘅時候有無過水位線，但姑娘都多次表明無過入水位，姑娘亦都有立即係whatsapp video call向佢哋展示水位，水位的確係無過界線，佢哋隔空都解決唔到滴水問題，所以佢哋嘅銷售人員當日親自去診所檢查同埋安排換機(因為10L機已出租晒，所以由一部10L機換成兩部5L機）

當日檢查後佢哋表示「部機供氧無問題，只係顯示有問題，之前都未試過咁，但如果唔介意可以照用，如果擔心嘅，可以換返兩部5L機」最終佢哋回收10L機，並換咗兩部5L機放係診所俾貓仔用，而當日創新軒係絕對從來無口頭/書面通知我哋部機有人為損毀

事隔5日，於2025年8月8日，我接咗貓仔出院，亦都將兩部5L機由獸醫診所搬咗返屋企，當日我試行自己安裝氧氣機，其中一邊螺絲正常力度一擰出嚟就成條水喉到跌埋出嚟，我反轉部機睇，都見到部機本身有啲痕跡似螺絲「滑咗瓦」，當時有即刻whatsapp創新軒問會唔會影響使用，突然間佢負責人就發爛指責我/獸醫診所整壞佢哋部10L機，又鬧我哋點解唔識用部機又唔搵師傅上門安裝

我係2025年8月31日退機（兩部5L機），係2025年9月10日收到佢哋message, 話我要就佢哋10L機（即2025年8月3日已由創新軒回收嗰部機）嘅人為損壞賠償$3000（會由按金扣除）

就創新軒嘅指控及賠償要求，我認為係不合理亦都不誠實：

第一，「出事」5日都無提及過任何壞機嘅問題

由2025年8月3日至8月8日足足5日，創新軒都無主動搵過我，更無提及過部機有人為損壞，一直相安無事，係直至我2025年8月8日主動查詢，佢哋先無故發爛指責我哋一方整壞部機，咁呢5日到底係邊個整壞部機？ 5日咁長時間部機都唔係由我保管，佢哋憑咩話部機係我整壞呢？又如果佢講到實牙實齒係我哋整壞，又點解5日都唔出聲？

第二，「出事」後講咗唔會收返維修費但又反口

2025年8月8日當晚，我對於創新軒突如其來嘅指責覺得好唔合理，話佢哋係度「發爛渣」，佢哋負責人話「無發爛渣，係發爛渣就收返你維修費啦」，言下之意，即係直至2025年8月8日晚，佢哋都仲係明確地向我表明 - 我無需要就10L機支付任何維修費，但事隔一個月左右，就反口話要收$3000

第三，「出事」後指責客人無搵師傅安裝氧氣機

租借氧氣機第一晚我有向創新軒查詢有關使用氧氣機方法，佢哋都有耐心回答，更叫我放心，寵醫診所姑娘都會識得用部機，但從來無提及過有疑問就需要搵師傅上門安裝或教學，我無租過氧氣機，亦從來唔知有呢個付費服務，初時一心諗住呢啲機都係佢哋包埋安裝，但見佢送貨師傅都只送貨唔包安裝，就諗住呢啲機係要自行處理安裝及使用，但及後「出事」創新軒就無故指責我無出錢搵師傅安裝氧氣機

第四，謊稱2025年8月3日有安排師傅去診所檢查部機

創新軒誠信非常有問題，2025年8月3日當日佢哋用whatsapp同我講過，佢哋無師傅返工，所以會由銷售人員親自過去診所檢查/換機，但係2025年9月10日，佢哋改口話2025年8月3日係有安排師傅去上門檢查，而師傅嘅檢查費用係$500（佢聲稱呢筆費用佢自己出咗，已經無同我收）

第五，條款及收費不合理

如上文所述，2025年8月1日我係先俾咗錢（$8200），佢哋先單方面後補一份條款，合約理應係付錢當刻成立，而後補條款並唔構成我同意佢條款屬於合約嘅一部份，如果有條款，佢哋應該係我付錢前提出

再者，所謂條款並無列明維修費用，我追問佢哋，佢先係2025年9月10日將所謂「一般寵物氧氣租賃收費明細」傳俾我，佢聲稱個收費係一間叫「Q媽」嘅公司嘅，好老實咁講，如果佢份「收費表」話要收十萬蚊，我係咪都要俾？仲要收費表唔係佢哋公司嘅，係佢哋唔知邊度網上搵出嚟嘅，佢哋同另一公司服務唔同，點樣收一樣嘅收費？

第六，情緒勒索

2025年9月10日我拒絕承擔任何10L機嘅責任，亦強烈表明立場會訴諸法律追討佢哋不合理地扣留嘅按金，創新軒就不斷話佢哋有幫沙律媽（仲話我一定會識沙律媽，但其實我完全唔知係邊位），話佢係出於同情心先幫我，而家咁樣佢好後悔幫咗我

而事實上，當然我好感謝佢哋「特事特辦」，加急處理，但我亦的確有俾$700加急運費（一般運費$350左右），亦有俾租金，呢件事佢哋亦係有做生意，實在諗唔明點解佢哋用「幫」去講到成件事我係無付出過咁，我的的確確係消費者，當日亦無強迫/乞求佢哋租機俾我

結論：創新軒誠信好有問題，佢講到明會放上facebook討回公道，我亦都無任歡迎，同時亦會先去信消委會，但預咗溝通無效都會採取相關法律行動

attach1_sign/tmp/phpP8XYsb

0 0 0

私人傳訊回覆引用

跳至頁

返回列表

回覆

發帖

熱門搜尋：

自由講場 今日: 1724|主題: 1370816

瀏覽過的版塊

自由講場今日: 1724|主題: 1370816