吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 怪獸家長|親子KOL女兒推人被罵畜生苦主爸爸匿名爆料狠 ...

自由講場今日: 81|主題: 1364275

收藏本版

回覆發帖

返回列表

跳至頁

查看: 2323 | 回覆: 32

怪獸家長|親子KOL女兒推人被罵畜生苦主爸爸匿名爆料狠批... [複製鏈接]

elbar

公爵府

積分: 27864

1^#

發表於 25-9-11 09:15 |只看該作者 |正序瀏覽 |打印

本帖最後由 elbar 於 25-9-11 09:37 編輯

親子KOL爸爸在Threads發文，指女兒在遊樂場被指推撞其他小朋友被罵畜生，後續「苦主」爸爸匿名發聲揭羅生門，狠批其矯揉造作︰我真係睇唔起你。引爆一場涉及侮辱和家長責任的激烈爭議，網民怒斥︰「一個唔識教、一個刻薄」。

AndyBaba版：女兒被罵「畜生」

根據AndyBaba的敘述，事發當日他與太太帶兩名女兒到兒童遊樂場玩樂。其妻子聽到有家長抱怨自家孩子被推撞，並指責對方家長缺乏管教。AndyBaba坦承女兒有時確實會有推人的行為，表示如果當時目睹，一定會道歉，但當時並未看到。

當他帶女兒從洗手間回來時，一名男子突然上前對其女兒說出「推小朋友又唔道歉，死畜生」的侮辱性言論。AndyBaba對此感到極度憤怒，要求對方請被推的小朋友上前，讓女兒親口道歉，並強調「推小朋友係唔啱，但你絕對唔應該咁樣鬧我個女！」

隨後，雙方家長進行了溝通。被推小童的母親證實AndyBaba的女兒確實推撞了她的小孩。AndyBaba再次向孩子道歉並關心其狀況。對方母親解釋稱，其丈夫是因過於愛護孩子而情緒激動。當AndyBaba指出對方父親使用「死畜生」等侮辱性詞語時，對方母親及長輩皆顯得愕然，並再次向AndyBaba道歉。

AndyBaba表示，這場衝突讓他非常生氣，久久未能平復，甚至氣得在女兒面前落淚。女兒主動關心他，他則對女兒說：「Daddy覺得冇好好保護你，要你俾人鬧。」

父女情深反受批評

貼文一出，迅速引來一眾網民評激，不少網民對該男子罵小童是「畜生」的言行表示憤慨，認為其身為父母卻未能保持理性。但同時也有大量網民批評AndyBaba沒有解決事件的問題——其女兒推人的行為，反而將重點放在自己受到的委屈上，批評留言：「講到尾都係你個女推人做錯在先，個男人鬧你個女係唔啱，但你教到個女周圍推人的確係冇家教」、「咁即係有冇教返自己個女推人係唔啱？」、「男人老狗，俾人鬧兩下就喺個女面前喊……」、「養不教父子過，個畜生應該係佢老竇」、「個女推人當無嘢，say句sorry當大晒，好家教」、「仲要打篇嘢公審返人哋家長，即係完全唔覺得自己個女推人有問題啦」。

親子KOL爭議｜「苦主」父親匿名發聲揭另一版本
事件發酵後，被推小朋友的父親於（9日）透過Threads匿名發聲講述事件另一個版本，令這場爭議陷入了「羅生門」。

該匿名父親表示，事發當日其幼女需要午睡，因此由妻子與長女及婆婆先行前往遊樂場，他本人則抱著幼女在場外等候，並未目睹推撞事件。當他稍後前往4樓遊樂場與妻子會合時，妻子情緒極度激動，憤怒地說了類似「沒家教」的話。

妻子向他訴說，有小朋友在波波池出口處一手將其年僅一歲半、生性膽怯的長女推倒。「據太太所講，我大B當時係出口位已經讓佢囡囡行先，但就俾佢一手推跌。」而對方家長（事後確認為AndyBaba的妻子）卻看似毫無反應。

他坦承：「當下聽到我太太咁講已經好嬲，而一來我本身係比較火爆衝動嘅人，二來聽起嚟呢個爸爸完全唔會係講道理嘅人，如果同呢啲人講道理其實嘥氣。所以決定直接喺廁所門口等佢，用最極端嘅反擊方法鬧佢囡囡『小畜生』。」他認為此舉是出於保護女兒的本能，尤其擔心女兒在人多之處受欺負。

兩版本有所出入

匿名父親的描述與AndyBaba的版本有所出入。他澄清，首先向AndyBaba道歉的並非其妻子和婆婆，而是他本人。他指出，當時是他的妻子看到AndyBaba一家準備離開，因此情緒激動，甚至在電梯下到一半時衝回來指責AndyBaba，這才令AndyBaba道歉。

匿名父親續稱：「最後我聽到andy道歉，知道佢並唔係完全唔講道理嘅，用『畜生』嘅字眼本身唔係好恰當，所以直接同andy講對唔住。最後雙方握手就走了。我喺呢度正式收返『小畜生』呢句說話，因為冇諗到對佢心靈有咁大咁大創傷。而你最重要係我唔應該係我自己 BB面前咁樣講嘢，因為小朋友會學。」

質疑對方合理化女兒推人行為

匿名父親描述完事件經過後續指：「作為一個真正嘅金融業從業員(CFA charter holder)，我本身就睇唔起保險佬。但睇完Andy爸爸嘅post ，我真係睇唔起你，但係係因為你對你小朋友嘅教育。」

他質疑AndyBaba合理化女兒推人的行為，「我太太同你理論嘅時候，我太太話如果我個女咁樣推人，佢一定會捉住佢叫佢同小朋友道歉，而你竟然講話『大家教育方式唔同，如果我個女被人推跌，我唔會要求對方道歉』。呢個就係點解我哋唔需要你去叫你個女再過嚟道歉嘅原因，簡單來講同你講再多就係嘥氣。」

狠批其矯揉造作

他更批評AndyBaba在面對面和平解釋事件後，卻在網上公開批評他的做法不妥，「矯揉造作：作為一個男人，我以為當時我道歉完，大家握咗手就完。點知俾我見到一篇咁煽情嘅文章（再附喊喊圖），而內容竟然冇提及我其實有道歉。搞到我都有啲想喊。」

他批評AndyBaba沒有反省如何教育小朋友，「總結來講，我喺呢件事都吸取咗經驗，但我依然認為佢個囡囡係『冇家教』的。」

0 0 0

私人傳訊回覆引用

麵包姐姐

公爵府

積分: 25139

馬年勳章 2025勳章蛇年勳章 2024年龍年勳章牛年勳章認識瑞士牛牛第四回認識瑞士牛牛第三回畀面勳章 BK Milk勳章 hashtag影視迷勳章

33^#

發表於 25-9-11 15:35 |只看該作者

lojo11 發表於 25-9-11 09:38
KOL最攪笑係影自己嬲到喊開住餐嘅相...其實兩個爸爸都有問題

原來係佢！就係因為呢件事…

私人傳訊回覆引用

GreenMaDad

子爵府

積分: 10921

32^#

發表於 25-9-11 15:15 |只看該作者

鬧人畜生用詞係激，但又錯吾哂。

打人女明顯係慣犯，佢kol爸post 既相，個女着住鞋企上櫈，明打佢爸個頭，佢阿爸話佢得意！？俾人鬧講sorry 囉，又吾糾正個女，kol爸根本有心養個女成小霸王。

如果我女咁被人蝦，我應該吾識鬧人，淨喺識講有冇搞錯，所以見到惡人被惡人磨，我認我係覺得身心舒暢！

私人傳訊回覆引用

Kanyin

侯爵府

積分: 20416

31^#

發表於 25-9-11 15:04 |只看該作者

旦白講你個囡推低人就走左去，唔道歉，個阿爸又當睇唔到。我係被推的家長唔鬧你畜牲唔通要溫柔地幫你教囡？

私人傳訊回覆引用

BabyM

複式洋房

積分: 281

30^#

發表於 25-9-11 15:00 |只看該作者

回覆樓主:

兩個阿爸都唔係好人～
一個造作放任～
一個鬧畜牲（古裝街走出嚟咁）

私人傳訊回覆引用

JChan

翡翠宮

積分: 79146

醒目開學勳章 BK Milk勳章

29^#

發表於 25-9-11 14:33 |只看該作者

Chiuchoiluck 發表於 25-9-11 09:55
咁長冇興趣睇. 只係覺得依家咁多人鍾意公開自己私隱做所謂的KOL嘅!

私人傳訊回覆引用

sogreen

伯爵府

積分: 16658

28^#

發表於 25-9-11 14:27 |只看該作者

親子討論區，上邊啲咁嘅留言，真係都幾荒謬。

私人傳訊回覆引用

vivibabyvivi

琥珀宮

積分: 180772

馬年勳章 2025勳章蛇年勳章 2024年龍年勳章虎到金來勳章牛年勳章

27^#

發表於 25-9-11 14:15 |只看該作者

Anpanmama 發表於 25-9-11 09:56
之前睇咗兩邊爸爸嘅post，根本就係嗰個出手打人小朋友爸爸有問題！
老實，歲幾小朋友出手打人都唔出奇，但 ...

佢一開口自稱CFA又話睇唔起保險佬咪一樣Kam

私人傳訊回覆引用

vincat

子爵府

積分: 14568

26^#

發表於 25-9-11 14:14 |只看該作者

唔明宜家d爸爸點解越來越小家, 呢兩個爸爸都唔啱

私人傳訊回覆引用

薯圈

珍珠宮

積分: 42306

25^#

發表於 25-9-11 14:11 |只看該作者

回覆樓主:

兩邊都小氣仔, 打和

私人傳訊回覆引用

juniormiu

侯爵府

積分: 24631

24^#

發表於 25-9-11 13:47 |只看該作者

喊乜呀爸爸？你個女係推人果個仲要你保護？你教下自己個女以後唔好咁暴力先啦，話人果位爸爸把囗都係衰架喇，不過佢個女當時好似被人欺凌咁，一時衝口而出都理解嘅，咁佢道咗歉都算係咁啦！

私人傳訊回覆引用

露比EE

侯爵府

積分: 24731

23^#

發表於 25-9-11 13:37 |只看該作者

本帖最後由露比EE 於 25-9-11 13:37 編輯

KUDOS 發表於 25-9-11 09:42
唔使講，2個都唔好再帶小朋友去遊樂場玩啦，唔跌得唔撞得嘅都係留響屋企張playmat玩最安全！最怕d人一家大 ...

令我想起差不多20年前，係MOKO（唔記得之前個名），有個小朋友玩千秋唔願讓比排隊嘅小朋友（包括我果個），我工人同小朋友講，大家輪住玩，個家長就走埋黎鬧我＆工人，冇權要求佢仔讓比其他小朋友玩，佢話佢小朋友玩左幾個鐘都冇事，比我工人話一話佢小朋友，依家驚左唔敢玩喎。

我只係問左佢一句，你小朋友玩左咁耐，見咁多小朋友排隊，你都唔教佢禮讓？

我最後無同佢道歉，亦親眼見識當年時嘅怪獸家長

私人傳訊回覆引用

lojo11

珊瑚宮

積分: 100025

2024年龍年勳章牛年勳章

22^#

發表於 25-9-11 13:20 |只看該作者

對方爸爸可能KOL扮聽唔到, 唯有升級用語... 果然KOL有反應... 如果佢一早同人了解情況再為個女行為而say sorry, 咪無事囉..

私人傳訊回覆引用

namnamnamlolo

珍珠宮

積分: 44724

21^#

發表於 25-9-11 12:41 |只看該作者

回覆樓主:

而家好搞笑
當面鬧完交
可以係thread到搵返大家
再傾返件事

鬧人小畜牲既人搵返呢個kol傾返件事

外人我就覺得真係打和大人都係2個小朋友黎

私人傳訊回覆引用

147741

伯爵府

積分: 16075

20^#

發表於 25-9-11 12:38 |只看該作者

回覆樓主:

原來覺得件事無特別
2個細路撞撞父母鬧交果啲

最搞笑係個男kol 激到喊同個女啲對話
仲要加張喊相

男人老狗eq咁差又小氣
比人話3粒未就記住咗＆激到喊

私人傳訊回覆引用

RoseRosa

子爵府

積分: 14532

19^#

發表於 25-9-11 12:14 |只看該作者

兩個都係怪獸家長, 好mean...立壞榜樣.
唔使幫人教仔, 只需要教好自己仔女就可以啦.

私人傳訊回覆引用

Chchingpig

水晶宮

積分: 51284

馬年勳章母親節2025勳章 2025勳章蛇年勳章 2024年龍年勳章 2023年兔年勳章

18^#

發表於 25-9-11 10:52 |只看該作者

lojo11 發表於 25-9-11 09:38
KOL最攪笑係影自己嬲到喊開住餐嘅相...其實兩個爸爸都有問題

Agreed，雙方都有問題
最憎影自己喊，搏咩

之後另家匿名出post都唔見得好

私人傳訊回覆引用

KILW

子爵府

積分: 11512

17^#

發表於 25-9-11 10:29 |只看該作者

其實好小事，小朋友細，推人時未必有諗後果，做父母嘅咁咪教返自己女囉。男人老狗聽人話一句就話喊，太無用喇啩。
另一個個b先歲半，去得公眾場合有其他細嘅小朋友，都明知要跟實㗎啦，見到個女比小朋友推，咪即時同推人個小朋友講聲咁係唔啱囉。人哋聽就聽，唔聽的話，無家教嘅細路都係佢父母自己受返，洗咩去人哋面前講句單單打打。
2個都執著又無品。