吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 葉萱捲入邪教事件獲老爺奶奶包容方力申親講被Maple兩大 ...

自由講場今日: 111|主題: 1365934

收藏本版

回覆發帖

返回列表

跳至頁

查看: 7809 | 回覆: 111

葉萱捲入邪教事件獲老爺奶奶包容方力申親講被Maple兩大優..

[複製鏈接]

12 3 4 5...6

elbar

公爵府

積分: 28215

1^#

發表於 25-9-19 14:37 |只看該作者 |正序瀏覽 |打印

今年情人節（2月14日），方力申突發宣布已跟拍拖兩年的藝術家女友葉萱（Maple）結婚，再於四個月後的父親節（6月15號）自揭快將榮陞爸爸，雙喜臨門的小方，接受查小欣YouTube 頻道

「紅查館」獨家專訪，首度公開求婚與結婚當天一氣呵成、既浪漫又驚險的難忘回憶，更罕談父母對Maple捲入邪教事件的接受與包容，相當窩心！

首度自爆求婚連環蝦碌細節

新婚大半年，小方接受「紅查館」獨家專訪，談及遲婚理由，他大方表示：「公眾覺得做藝人梗係五光十色，個個都貪玩，所以大家都唔肯結婚，其實我覺得藝人好單純，所有嘢都係公司幫你安排好，好受保護，同埋因為我哋冇返工、冇朋輩，你升職、你結婚，冇大家一齊成長嘅感覺，所以普遍嚟講會遲婚啲。」

年過四十，與Maple又相處愉快，加上希望父母享兒孫福，忽然一個機會出現，小方立即好好把握：「咁啱我要去拉斯維加斯做活動，好方便（註冊結婚），阿媽就話不如結埋婚，咁就開始去組織，有個好好嘅朋友幫我預訂一系列嘅嘢，租咗架飛機掛住『Will You Marry Me』，大家以為好貴，但其實只係五位數字，搞生日都建議你玩吓！」

萬事俱備，期間卻發生連串蝦碌，令小方滴汗再滴汗，他笑着憶述：「第一個笑話，飛機比原定遲咗四十五分鐘先嚟，我一路喺海灘拖延時間，結果捱到飛機嚟，我就求婚啦，換衫嘅時候，證婚人嚟咗再多個驚喜，簽埋紙，求婚加結婚一次過進行！」

求婚最緊要驚喜，小方卻險被媽媽穿煲！「太太（Maple）臨時臨急話唔去拉斯維加斯，我阿媽就打開口牌：『你去啦，佢（小方）可能會同你求婚！』跟住太太問我，我話冇可能，一定唔會！當離開拉斯維加斯，佢就覺得唔會，因為大家以為拉斯維加斯最容易結婚，但原來洛杉磯都得，佢以為冇咗呢件事，去到真係求婚嗰一刻，佢都愕然，再結婚簽紙就更加愕然！」

結婚當日，小方所穿的粉紅色西裝，是去年到英國觀看溫布頓男單決賽與湯告魯斯合照同一套，至於Maple那襲漂亮婚紗，小方不禁讚自己：「小欣姐，我都幾叻，我太太嗰兩套婚紗，都係我目測上網訂，我太太係模特兒身形，一着就fit ！」

Maple兼具內外美與眾不同　邪教事件獲老爺奶奶包容

除了外在條件，Maple的內在美亦令小方感覺與眾不同，小方說：「我覺得佢好唔同，之前去歐洲旅行，返嚟乜都冇買過，佢唔係好需要呢啲，食嘢又係好貼地，同我一樣生活比較簡單，當然佢天真樂觀嘅性格，都係好吸引我！」

早年Maple捲入邪教事件勇敢發聲，小方坦言拍拖一段日子後才跟父母交代：「我媽咪好支持佢，可能佢哋都係白羊座，敢愛敢恨，覺得做得啱，需要發聲就應該講，當時嘅畫面我都有拍低，媽咪攬住女朋友話：『無論你將來同我個仔得定係唔得，我都當你係我個女！』」

他續說：「我聽到媽咪咁錫自己嘅女朋友，第一係如釋重負，第二覺得好窩心！我老竇都係非常愛佢，譬如一家人食飯，我問阿爸想食乜嘢，佢話：『你唔好問我，你問Maple食乜嘢！』我哋嘅關係好融洽，而家結咗婚，暫時都係同我爹哋媽咪一齊住！」

0 0 0

私人傳訊回覆引用

littlehoneymum

珍珠宮

積分: 31061

112^#

發表於 25-9-20 20:39 |只看該作者

本帖最後由 littlehoneymum 於 25-9-20 20:42 編輯

肯幫佢哋生孫，咪包容
我反而覺得呢個女仔手段高明

私人傳訊回覆引用

ARabbit

珍珠宮

積分: 32388

111^#

發表於 25-9-20 19:03 |只看該作者

回覆樓主:

邪教女真係好彩
在韓國害人又唔坐監
返香港又搵到老公

私人傳訊回覆引用

XYZABC

伯爵府

積分: 18622

110^#

發表於 25-9-20 18:10 |只看該作者

個女仔天真？抑或佢自己天真呀！

私人傳訊回覆引用

MRS.KAREN

水晶宮

積分: 64275

2025勳章蛇年勳章 2024年龍年勳章玩具勳章冬日勳章好媽媽勳章醒目開學勳章

109^#

發表於 25-9-20 17:21 |只看該作者

yywong200 發表於 25-9-20 15:07
万太每（導）一個女學生去教主度就係罪
李小姐只係害一個太太（俾盡你十個太太好未）
万太教信眾去陪教主 ...

茅錯，唔知點解覺得嫁比万生係妒忌，万生咁正唔揀佢

私人傳訊回覆引用

Breadfruit

大宅

積分: 4735

父親節2025勳章母親節2025勳章 2025勳章蛇年勳章

108^#

發表於 25-9-20 15:32 |只看該作者

骗子都信咁傻

私人傳訊回覆引用

ahpoo

珍珠宮

積分: 44041

107^#

發表於 25-9-20 15:22 |只看該作者

elbar 發表於 25-9-19 14:37
今年情人節（2月14日），方力申突發宣布已跟拍拖兩年的藝術家女友葉萱（Maple）結婚，再於四個月後的父親 ...

方老太可能真係恨抱孫到咩都包容倒。呢個女仔無論佢而家點，但可以肯定既係佢好易受人影響（所以先被邪教控制），呢樣係關乎性格，本質，係好難改變到既野黎。一個甘無原則既人，個邪教影響得佢三觀有幾深，呢啲無人知，猶如一個計時炸彈

私人傳訊回覆引用

kc_01k

翡翠宮

積分: 95732

馬年勳章好媽媽勳章醒目開學勳章

106^#

發表於 25-9-20 15:13 |只看該作者

yywong200 發表於 25-9-20 15:07
万太每（導）一個女學生去教主度就係罪
李小姐只係害一個太太（俾盡你十個太太好未）
万太教信眾去陪教主 ...

冇錯，我就係咁意思

私人傳訊回覆引用

ychan^

侯爵府

積分: 20957

105^#

發表於 25-9-20 15:12 |只看該作者

Anpanmama 發表於 25-9-19 20:20
佢雖然曾經係一個加害者，但其實佢都真係其中一個受害者，我有睇Netflix邪教嗰個特輯，我唔知係咪Miss咗一 ...

我同你諗法一樣。我仲覺得佢好勇敢，其實佢可以返香港避開就算，佢企出來用真面目對住鏡頭指正個pk佬。佢入邪教時好細過，從細被邪教洗腦。邪教識得用心理去控制人。邪教當時教主勢力好大，又受身邊信任的人慫恿，身在韓國在大環境下變成加害者，如不從可能後果嚴重...毒打、殘廢、死亡
我睇netflix受害者已經原諒佢. 佢又已經受到教訓及改過，應該比次機會，可能佢老公系方生會有人覺得唔配