吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想離婚 (長文慎入)

夫婦情感今日: 1|主題: 42805

收藏本版

回覆發帖

返回列表

跳至頁

查看: 95942 | 回覆: 322

想離婚 (長文慎入)

[複製鏈接]

12 3 4 5...17

mowingkee

複式洋房

積分: 264

1^#

發表於 25-9-25 13:50 |只看該作者 |正序瀏覽 |打印

本帖最後由 mowingkee 於 26-2-5 11:46 編輯

是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日覺得我唔識感恩，對佢唔好，但當然同時我都覺得佢有好多嘢做得唔好，試吓同大家分享吓，俾啲意見我

講返背景先，我算係有一份穩定嘅工作，月入80,000 ，太太冇做嘢，但其實係好唔夠用：
月入+$80000
租樓$28000
供養母$15000
小朋友讀書 $12000 (一個幼稚園 $6000, 一個直資小學再搭校車 $6000)
生活費 $15000 (正常可能少啲, 不過好多開支又真係會突然多返)
水電媒$3000
工人$5000
車 $6000
保險$4000
MPF $4000
都係大約計支出 $92000 , 未計交稅

點解會演變到咁大開支，都係有循序漸進嘅原因嘅，以前係買咗一層一房，有一個小朋友勉強夠住，咁有小朋友出入有車方便啲, 之後小朋友入學, 佢要接送小朋友就拎左駕車來渣, 之後我覺得返工要來回三個鐘太耐就要埋第二架車, 根住阿爸走左, 得返阿媽, 就要養佢, 之後有第二個小朋友，一定要搬，之前負擔冇咁大，就租咗新界三房連工人房，請埋個工人，之後個仔出左去市區讀, 就搬埋出市區了，之前仲有機會選擇一間平啲嘅直資或者一間要搭校車遠啲嘅名校，但係為咗名氣，我哋揀遠啲要搭校車, 另一個細既又要入學, 就咁了.

仍然夠用的原因是因為之前賣左阿媽層樓所以有啲儲蓄，大部份放左她的戶口，自己留啲慢慢滅，所以我都對媽媽有份內疚。

不好意思要大家聽咁耐，因為我自己深信錢的重要性，有錢，係唔會有呢啲問題嘅，只可惜我唔係，我地都只係係一個普通嘅家庭出生，我自己個人其實唔覺得有需要咁多物欲，小朋友讀資助學校也可以，住新界大西北也沒有大問題，不過，太太就鍾意追求高啲，死不入大西北, 有得揀就直資，小朋友要讀私立幼稚園，券校不考慮，資助學校不考慮，兩房單位不考慮，搭地鐵搭巴士很危險，搭的士司機次次兜路又有煙味；其實早年夠用，雖然我覺得無必要, 我都唔係好介意，享樂永遠都係開心, 係人都鍾意, 不過自從第二個小朋友出世，一切就轉變了，而家好明顯開支係大過收入，我試過好心平氣和咁同佢講要轉變了，小朋友仲細搬去兩房，或者搬去唔使揸兩架車嘅地方: 去大西北(窮人村), 美孚新村(老人村), 黃埔(太舊)，或者養少架車(巴士很危險)，通通講完都係必需品，冇得改，冇得變，佢叫我阿媽住公屋(佢行動不便要工人, 公屋一人單位我覺得唔夠佢住), 佢叫我唔好做外快，唔好咁大壓力，我就諗極都諗唔通點樣可以做到？

要靠我自己一個人搵兩份才能勉強生活，所以我其實工作量好大，而且好多時放工返到屋企都仲要做，星期六日特登六點起身都係繼續做，每日返屋企其實都係得三個鐘陪吓對小朋友，跟住好攰都會直接去瞓,生活唔係頂唔住嘅，少少辛苦。

而調返轉睇我太太呢，就係我夢寐以求嘅生活，全職湊兩個小朋友，有車出入，有工人照顧，佢對自己好有要求嘅，要親自煮飯俾小朋友帶飯會親自教功課，送幼稚園返學放學，送小學搭校車放校車，高興時就揸埋車去接小學放學, 佢都覺得自己好辛苦。佢成日都會覺得，生兩個小朋友出嚟係為我做了最多的事，我應該要報答佢，感恩佢，然後就搬返大家網友講嘅全職媽媽好辛苦嘅道理出嚟啦，就話我好唔體諒佢了。

好明顯矛盾位就係呢度，我覺得日日返工好辛苦，我就覺得佢好舒服，但其實經濟好有壓力，我真係會為開多陣冷氣，用多張紙巾而覺得好浪費（我承認可能係病態，不過我真係覺得冇需要，喺屋企樓下汗，對小朋友好正常，唔需要二十四小時開住部冷氣機）

其實睇完背景，就知道我哋日嘈夜嘈了，今早兩日打風就為打風嘈了一交, 佢就為佢在屋企窗戶貼了交叉膠紙而覺得做左好多野, 想我多謝佢, 我就覺得好無聊, 浪費, 搵左啲網評話貼窗無用, 冷戰又開始, whatsapp 對話如下:

女:
無聊，小氣，執著，貼完又點安心就貼囉，咁小事都要發脾氣，點夠你玩，一時又咁一時又咁，只有你講，無人講，咁少事都鬧，真係好無聊，好執着，你覺得自己岩又如何有獎金？😅
貼左又點？新聞向全港公開叫人貼😹 你永遠係地球有自己獨特見解，咁又係，一個男人連生仔都唔明點解要多謝老婆付出咁大件事，其實都唔會有任何事懂得要感恩。咁小事都可以嬲，勁😮‍💨👍🏻咁你嬲曬全港人，大把人排曬隊貼窗，嬲埋消防處囉，就= 你同意林超英，問下有冇香港人覺得佢正常？？只是不停比人笑佢on 9 😹 ，放鬆啲啦香港人，甘少事，仔細想想邊個難頂
唔好咁無聊搞到家嘈屋閉啦，咁少事！放鬆啲啦香港人🤦🏻‍♀️ 我唔會再妄想你會多謝我對依個屋企付出任何野，只想你唔好成個地雷咁，唔知邊一句無聊野唔岩你聽就爆，叫你去圖書館都可以嬲到唔返屋企😅 唔該你，為左啲小朋友無辦法，認命自己揀錯人，認命前世互相欠左對方，今世要還債。唔錯都錯左，咪開心輕鬆湊大小朋友，盡量比一個開心童年佢地佢地囉，唔會好耐，痴父母只有十年時間就無架啦，我非常珍惜，請你都珍惜下小朋友，唔好為左啲無無胃胃的事係度爆炸，唔該曬🙏🏻
相安無事又一日，時間好快過，其實你現在行緊你老豆條路，你細心唸下你老豆錯，定你媽錯？
我完全無意同你鬧交，只希望相安無事又一日，一日一日地過去，好快就老，懇請你不要再在屋來大吵大鬧，感謝你的幫忙🙏🏻🙏🏻🙏🏻🙏🏻🙏🏻🙏🏻

男：
我都唔想行我阿爸舊路，但我同阿媽傾計時，永遠感受一份關心，佢次次識同我講知我辛苦好大壓力，佢果時同我阿爸係一齊過屋企限難既日子，我地負資產，佢真係日日返工，煮飯，照顧我，一齊由大屋搬去舊樓住，我就感受不到這份同行，我只感到，如果我們積蓄散盡，前路茫茫
而你在最基礎上既要求，只有告訴我：女人不應該工作，三房工人房，出入要用車，要工人，24小時要冷氣，2個小朋友要私幼直資，我收入係唔夠，卻連我想用少張濕紙巾，開少陣冷氣，買野格下價都多餘
生活經濟係壓力你唔理，咁講對我有無返基本尊重？或者比我做啲我想做既野？何來愛？
睇你上一段對話你應該要知日常你講野係點；
我想同個仔玩 Lego 電腦版，你在30分鐘內鬧左不知幾多次壞眼、唔應該玩；我鍾意陪養個仔去圖書館既習慣，你當住個仔面前話去書局咪得囉，跟本就唔一樣；我想要書枱，又無；
在你最崩潰既日子，要讀私小，我無話可說，頂囉，買過花，買過演唱會，忍；到你有offer. 何曾想過我要甚麼？我唔係想要禮物，我最想要少啲壓力既日子；在你有壓力時，眼中沒有我，在你無壓力時我又沒有特別好的對代，請問我的愛是從何來？
貼窗我覺得是無聊，你要我多謝你，你日日無憂無慮享用工人，已進化到搭地鐵，的士，都不正常了，我日日在壓力中你有無多謝我？你覺得只有我對你好，而你只需對小朋友好是理所當然嗎？
我每日做的是滿足你，是你的需要而不是孩子的需要啊，孩子不會一出世就要工人，要用濕紙巾抆屎，不會每日要開冷氣的，不會只喜歡去日本旅行的, 我每日就在滿足你，而留下的原因是因為不想小朋友沒有爸爸，你究竟睇唔睇到問題在邊？
你每日對小朋友無限好，而爸爸的付出是應份的，你究竟分唔分到邊個先應該係陪你到最後的人？不過講真，我真係好倦

女:
三日唔埋兩日少少事就又爆一大堆不滿出來🤦🏻‍♀️，又冷戰，你真係好鐘意冷戰🤣好無聊，你鐘意啦，冷戰達人👍🏻😌 唔知日日係度鬥氣有咩意思，成熟啲啦45歲啦，冷戰到小朋友30 歲囉笨，講到你屋企好似齊上齊落咁樣🤣最後咪又係成家散晒收皮啦你
你行緊舊路意思係，到老左我仔同個女會帶我走，你就繼承你個家族得「孤獨終老」！因為個問題係你度！超少事都可以離家出走同冷戰，送禮又唔滿意，唔送又話從來無買過野比你，其實無論點都唔滿意架你，極度難頂我就未聽過人話我難頂
無論我做咩你都唔滿意架，因為你睇我唔順眼囉，唔係我問題，係你變左啫，對你啲小朋友好有咩問題？？？
是旦啦，我係極度衰格因為對小朋友太好搞到你咁憎我，你中意啦，反正我都過左像單親日子好耐，我發生過咩事你都唔知，唔係淨係你無人關心，我每日都無無人問津不閒不問🤷🏻‍♀️病你都淨係問幾錢同問我死得未，唔覺有關心過我任何野，大家咁話啦
我只是一個無糧出得保母

總結, 生活既問題未解決, 要我可以返返去感恩我做唔到, 我覺得我付出不少了, 我係好想為小朋友留係屋企既, 但係屋企都係太令人窒息了, 離婚我係好瀟灑, 不過小朋友都好慘, 我都好鍾意小朋友, 不過要我為小朋友忍受佢我又做唔到.

0 0 0

私人傳訊回覆引用

albeefu

複式洋房

積分: 375

323^#

發表於 26-6-3 17:59 |只看該作者

都唔係既我見樓主話佢15000比佢媽媽係5000供樓 5000工人（佢媽媽行動不便） 5000係洗費

私人傳訊回覆引用

Edwardcase

複式洋房

積分: 173

322^#

發表於 26-6-3 13:42 |只看該作者

建議樓主叫你老婆落黎討論
我地又想同佢傾下了解下點解會咁

私人傳訊回覆引用

等风

禁止訪問

積分: 52

321^#

發表於 26-6-2 21:26 |只看該作者

提示: 作者被禁止或刪除內容自動屏蔽

私人傳訊回覆引用

Edwardcase

複式洋房

積分: 173

320^#

發表於 26-6-1 19:12 |只看該作者

你好識諗樓主老婆肯咁諗野法應該無咁多嘈吵

私人傳訊回覆引用

orezo

侯爵府

積分: 20958

319^#

發表於 26-5-26 09:57 |只看該作者

回覆樓主:

有緣我睇左呢個post, 樓主老婆似係NPD自戀人格障礙，簡單來講是極度自私，高生活質素都係為面子比人睇同埋自己點為頭家付出的完美好媽媽人設，樓主得閒睇下資料。樓主應該是有D性格上的特質比呢種人食住，重點呢種人性格係唔會改變，點傾都無用。希望我睇錯，good luck

私人傳訊回覆引用

Doracy2009

大宅

積分: 3219

318^#

發表於 26-5-23 22:30 |只看該作者

你已經係一個好負責任嘅老公，阿仔，爸爸！我也是一個好負責任嘅老婆，阿女，媽媽，新抱！
可惜我哋另一部都係好有問題！呢個世界係吾會有perfect match !

私人傳訊回覆引用

小菜豆

公爵府

積分: 29631

馬年勳章 2025勳章蛇年勳章 2024年龍年勳章

317^#

發表於 26-5-21 09:45 |只看該作者

本帖最後由小菜豆於 26-5-21 09:46 編輯

我都間中黎update支持你呀，為了小朋友將來得到保障，唔可以縱容對方揮霍無度。

你日後挨到健康出問題，小朋友食風？
今日情緒勒索你，將來就情緒勒索兩個小朋友，一定話媽咪將最好嘅比佢哋，叫兩個小朋友長大要供養返佢。小朋友就冇咗自己人生，你就變成助長佢嘅幫兇。

一個冇收入，又唔打算工作撫養子女嘅女人，憑咩爭撫養權？

。大環境唔好，身心健康又受創，你都難保份工做到永遠，供養佢哋優質生活。

私人傳訊回覆引用

檸檬檸檬

公爵府

積分: 29057

316^#

發表於 26-5-21 09:02 |只看該作者

另一半唔工作就cut工人

供養家人15000太多，佢連埋政府生果金，一個長者點洗到咁多錢

租咁貴不如買樓自己供好過幫人供

私人傳訊回覆引用

ShumLokYee

複式洋房

積分: 467

315^#

發表於 26-5-14 16:14 |只看該作者

能夠感受到你各方面嘅壓力，就算離婚都好，好似所有問題都冇得到解決。你哋仲有小朋友，其實可以搵個更好嘅解決辦法㗎

私人傳訊回覆引用

lemonma0921

大宅

積分: 1914

314^#

發表於 26-5-13 06:42 |只看該作者

睇左你全部回覆。希望你地呢段時間和平相處。珍惜同小朋友既時間，作為一個都係7歲小朋友既媽媽，我明白會想將最好既小朋友，但都要明白現實生活。老實講我小你一個小朋友，我仔都係讀私幼，但小學都係去番津小。因為負擔太大，慳番既錢俾小朋友學野。生活上相對壓力小d. 明白去到呢度，大家都唔想。希望將來做唔成夫妻，都可以和平相處，對小朋友。大人都好，，加油

私人傳訊回覆引用

bananaGi

珍珠宮

積分: 31728

313^#

發表於 26-5-8 16:31 |只看該作者

真係想問下, 你老婆好優質? 天仙咁? 當初點迷暈左你咁洗錢法!!!
你老婆有學識?

私人傳訊回覆引用

bananaGi

珍珠宮

積分: 31728

312^#

發表於 26-5-8 16:04 |只看該作者

我想講, 好多人判左都比, 然後都無符.

唔係想教你不負責.

不過我覺得唔洗死頂. 公平D.

私人傳訊回覆引用

My-jade

侯爵府

積分: 21829

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章想生BB熱投

311^#

發表於 26-5-8 14:42 |只看該作者

那麼婚姻輔導嗰度啲人點樣講？

私人傳訊回覆引用

ARabbit

珍珠宮

積分: 32786

310^#

發表於 26-5-7 19:45 |只看該作者

我仍然在關注啊！
現在好好珍惜同小朋友相處的時間吧
希望你爭取撫養權成功！

私人傳訊回覆引用

chuchuchu1314

大宅

積分: 1244

309^#

發表於 26-5-5 23:28 |只看該作者

自從小朋友上學後，我幾乎都不來Baby Kingdom了，但看了你的故事後，我每個星期都會登入入嚟看看樓主你有沒有update，偶爾還會腦海有些畫面，可能你描述得太詳盡了，哈哈！一直看你的故事，希望你能得到公平的對待，就如期待故事大團圓結局一様、但結果似乎仍不盡如意。當然，我想的「團圓結局」是希望你老婆終於覺悟，有所改變，或者是他最終不肯改變，而得到應有懲罰，小朋友歸你，不用再跟著這樣的媽媽

我在想、這個世界真係有如此女人，完全沒有同理心的嗎。會唔會係樓主站在對自己有益的觀點出發，令事情描述岀來個女人像吸人血饅頭地索取？

看到你會與Ai 聯天，跟朋友傾訴，可見你仍未完全死心、你似乎想去找一個答案，或者合理化她的行為，不過在我看來，你應該沒有愛了

希望你能爭取到小朋友的撫養權，而她會否成長，覺醒，都不關你的事了

私人傳訊回覆引用

namnamnamlolo

珍珠宮

積分: 44892

308^#

發表於 26-5-5 09:42 |只看該作者

等法庭判決啦
你盡力啦
辛苦哂你

私人傳訊回覆引用

mowingkee

複式洋房

積分: 264

307^#

發表於 26-5-5 08:18 |只看該作者

不知我的故事還有多少人在關注呢, 離開了三個月，無限次反思自己做過對這段感情的事，也無限次反思她傷害過我的地方，不停和AI傾計，不停和身邊的朋友傾訴。最後終於明白, 走到這裡，原來已經不是我付出了90%給她，而是她嫌我沒有把最後的10%給她；或者就算我給了100%，她仍然會覺得我是死窮鬼, 原來有些人就是沒有共情的能力，無論你為她做任何事，她都不會被滿足。

她只願意維持完美媽媽的人設，為了告訴身邊所有陌生人她是好媽媽，她選擇掏空我。而我這年來生活的壓力、需要的情緒價值，她卻不願意給我，反過來我要承擔她所有的情緒和生活。我們一起了16年，我一直相信我的愛可以感動她（我明白她受過很多創傷，以往我很希望保護她），可惜我提升的速度追不上她升級的速度。而我還要對小朋友、自己媽媽負責任，不可能只滿足她一個人去犧牲所有人的將來。

原來為了身邊的人，我需要保護自己，要守護自己的錢財，要爭取撫養權。她對小朋友的愛，是透過控制小朋友、打壓自己的丈夫來實現的, 但香港的法律偏幫媽媽近乎是盲目的，無論我怎樣告訴律師她的行為，都只得到機會不高的回覆。這幾個月來，我連見小朋友的機會都沒有, 年初一想見小朋友被拒絕，小朋友考試想跟小朋友打氣也被拒絕。我真的很掛住他們，所以我選擇回去了，想在離婚之前盡力去愛這對小朋友。小朋友夾在中間也很辛苦，但我會繼續為他們搏盡全力。

我已經回去了，為了更多陪伴小朋友的機會，離婚程序繼續中。我們曾經去婚姻輔導，我聲淚俱下告訴她我已經盡了全力貢獻這個家，換來的是一句「你講大話」，說我在別人面前扮晒嘢。討論離婚方案，她告訴我要給她100%收入作為生活費、100%資產。原來就是有些人不講理。說到這裡，我們都不知道將來會怎樣，很快就要上法庭了, 就等事情繼續發展下去吧。

私人傳訊回覆引用

KK-Leung

洋房

積分: 97

306^#

發表於 26-4-28 11:49 |只看該作者

回覆 mowingkee 的帖子

睇完長文，真心覺得窒息，長此以往，樓主要小心情緒病。我亦明白呢種感覺，可能兩個人已經不再相愛，但我哋必須承認婚姻是兩個人經營的，
輕易離婚首先對小朋友成長是不利的，
嘗試接受婚姻輔導睇情況會唔會好啲，
如果冇，再諗離婚的事，計掂條數再決定。
離開一定是最容易的，但無解決到問題解決咗個太太，其實係不負責任。
以及離婚之後雖然輕鬆咗，但都未必容易搵到另一半。
所以，樓主要三思而後行。