吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇人本身係I人，但想培養小朋友成E人？ ...

自由講場今日: 120|主題: 1350429

收藏本版

回覆發帖

返回列表

跳至頁

查看: 5259 | 回覆: 80

12 3 4 5

積分: 8857

1^#

發表於 25-9-30 14:24 |只看該作者 |正序瀏覽 |打印

如果個個星期六日，出去同唔同小朋友聚會，不停參加活動，其實小朋友係咪可以成為E人？定係性格改唔到？

出席一些公開活動，一堆十個小朋友（小學），主持人問問題，我見7，8個係唔出聲唔肯舉手，但有1,2個係咩都舉咩都話叫我吖，問我吖。見到這些小朋友好羨慕。

我同我老公本身都係I人，小朋友細個時都試過成日約唔同人/小朋友活動，但其實我覺得好攰，慢慢我放棄了，星期六日多數只係一家人去玩。
慢慢地，小朋友出去玩都淨係想同家人一齊。
而家已高小，叫佢多啲出席聚會，佢表明唔想。
問佢原因，佢話唔鍾意同咁多人一齊，就算係親戚。

有冇方法可以改變？

0 0 0

私人傳訊回覆引用

LoloBBMa

禁止訪問

積分: 212

81^#

發表於 25-10-2 17:43 |只看該作者

提示: 作者被禁止或刪除內容自動屏蔽

私人傳訊回覆引用

hippoo

珍珠宮

積分: 33260

80^#

發表於 25-10-2 16:37 |只看該作者

覺得e人好煩，有啲淨係掛住表現自己

私人傳訊回覆引用

Gooblovebb

大宅

積分: 4570

79^#

發表於 25-10-2 15:02 |只看該作者

我覺得冇絕對I或E嘅人，只係傾向而已。細個時我羨慕D人好E，但人大咗就覺得各有各好，I人都可以好開心好自在。我一家四口都偏l，但唔會話冇朋友、冇活動，只係進行嘅方式唔同啫。我自己身為I人絕對明白I人嘅感受，所以唔會迫細路去改變，反而係因著佢哋嘅長處去鼓勵佢哋。

私人傳訊回覆引用

MC媽

伯爵府

積分: 15190

78^#

發表於 25-10-2 14:36 |只看該作者

moma1023 發表於 25-10-2 14:27
你講得啱喎，我媽媽係連一般E人都覺得佢太E嘅人。我本身係I，同佢真係夾唔到。細個為免俾佢話我個人獨家 ...

你同我一樣，獨處對我嚟講只會感到快樂而唔會覺得孤獨，家人朋友甚至伴侶嘅陪伴我都唔會太執著，有就開心，冇就冇乜所謂，約會行街睇戲食飯，人哋約咪去囉，如突然取消，我竟然會有種開心自在嘅感覺

。平時更加唔會特登約人。

我嘅心就係我最好嘅朋友，獨處係快樂嘅泉源。

私人傳訊回覆引用

MC媽

伯爵府

積分: 15190

77^#

發表於 25-10-2 14:31 |只看該作者

bubu7 發表於 25-10-2 13:48
其實點解咁執著e/i 或其他類？甚麼覺得e 型叻d受歡迎d⋯⋯下刪一千字，只係你覺得姐。叻唔叻同邊類型性格， ...

我都覺得唔使太執著e同i,
因為真係各有各好，各有各嘅缺點。太 ! 同太E都唔係幾好

私人傳訊回覆引用

小manman

翡翠宮

積分: 85484

76^#

發表於 25-10-2 14:29 |只看該作者

MC媽發表於 25-10-2 14:26
係呀！ i型父母性格上做唔到嘅嘢，就希望仔女做到，所以久而久之，對佢哋嘅教育就會變成令子女變成E人。
...

原來如此......長知識了

私人傳訊回覆引用

moma1023

公爵府

積分: 28036

75^#

發表於 25-10-2 14:27 |只看該作者

MC媽發表於 25-10-2 13:45
咁即係話你應該本質係i人，我估你可能父母其中一方係勁E，所以由細到大都要扮下E 。唔係好enj ...

你講得啱喎，我媽媽係連一般E人都覺得佢太E嘅人。我本身係I，同佢真係夾唔到。細個為免俾佢話我個人獨家村，我真係要扮自己係E，同佢出去見親戚朋友嘅時候努力表現自己活潑外向嘅一面…… 但老實講係一啲都唔enjoy，好唔鍾意，我唔明點解做人要咁show off。
到大個咗，梗係避得就避啦

但都有好處嘅，我大個咗喺工作上有需要比較E嘅時候，我係做到嘅。不過就如你所講，一大班人熱鬧過後，我需要一個安靜嘅時間。所以以前我同啲朋友完咗聚會，我會特登自己行兩個地鐵站，吹吓風，比自己休息一下然後先返屋企。因為返到屋企見到媽媽我又要e過。

私人傳訊回覆引用

MC媽

伯爵府

積分: 15190

74^#

發表於 25-10-2 14:26 |只看該作者

小manman 發表於 25-10-2 13:52
唔怪得喇！！

我一路睇你寫的野，一路諗番，又係喎，你又講得好啱喎！！

係呀！ i型父母性格上做唔到嘅嘢，就希望仔女做到，所以久而久之，對佢哋嘅教育就會變成令子女變成E人。
相反，如果你父母其中一方係極E人，極端E人有時候性格會比較自我，好需要身邊人提供情緒價值，成日開心唔開心第一時間要同屋企人分享，但如果家人冇辦法第一時間提供情緒價值，佢哋會好容易失落及有D小脾氣。但當佢哋一接收到家人嘅關懷就會好開心，係容易感動又容易發脾氣嘅人，心情會好似錯過山車咁，做佢哋嘅仔女，久而久之會變得好識睇父母眉頭眼壓，做咗父母情緒洞察器，就會變得越嚟越 i . 喺屋企都會小心翼翼，避免太觸動到父母嘅神經。

所以其實唔使特別培養，父母自己咩性格，仔女通常會相反。

私人傳訊回覆引用

小manman

翡翠宮

積分: 85484

73^#

發表於 25-10-2 13:52 |只看該作者

MC媽發表於 25-10-2 13:32
係正常㗎！我同我老公都係i，對仔女係勁E
因為i人通常唔需要人哋提供情緒價值, 甚至有啲社恐， ...

唔怪得喇！！

我一路睇你寫的野，一路諗番，又係喎，你又講得好啱喎！！

我又真係的確由細就比佢好多表達自己的機會，例如：好多時撞到d街坊／親戚d聚會之類，我發覺通常大人去問小朋友野，好多家長會急不及待咁幫小朋友待答，但我唔會，我會同我女講姨姨問你讀幾年班呀？？咁我女就會自己答，久而久之，我女係唔怕大人，唔會迴避大人的眼神／提問，同埋會好主動打招呼，而呢種打招呼唔係好刻意好formal好拘謹個種，而係好自然輕鬆，因為自細我就唔會好刻意咁叫佢要叫人叫姨姨喇，我只會叫佢同人hello／微笑／點下頭都可以......

咁即係話雖然我無刻意去改變／訓練佢d乜，但其實我係從呢個方向去教育佢

私人傳訊回覆引用

bubu7

伯爵府

積分: 19001

72^#

發表於 25-10-2 13:48 |只看該作者

其實點解咁執著e/i 或其他類？甚麼覺得e 型叻d受歡迎d⋯⋯下刪一千字，只係你覺得姐。叻唔叻同邊類型性格，外向否有乜關係？

私人傳訊回覆引用

MC媽

伯爵府

積分: 15190

71^#

發表於 25-10-2 13:45 |只看該作者

本帖最後由 MC媽於 25-10-2 14:53 編輯

moma1023 發表於 25-9-30 19:24
我覺得小朋友本身係I人，佢只會喺你嘅培養之下識得扮E，但佢內裏依然係I。
我覺得我係一個人版，由細到大 ...

咁即係話你應該本質係i人，我估你可能父母其中一方係勁E，所以由細到大都要扮下E

。唔係好enjoy但係唔會拒絕。

我之前睇好多16型人格嘅書，父母同仔女大部分都會係相反人格，我父母一個勁i，一個勁e， e到係控制狂嗰隻，同父母出街成日都要留意阿爸會唔會同人哋有衝突，少少嘢會令到佢唔開心，例如排隊排得耐或者畀人打尖，行街比人hi hi碰碰佢都會表達唔開心，但偏偏因為我爸係e人，一放假就要我哋全部人相親相愛咁一齊出街，所以基本上我係喺家庭裏面係冇得放鬆，無論喺街定喺屋企，我要時刻觀察父母嘅情緒。

所以我13-20歲個嗰陣時識扮E， 20歲後好多好多朋友，但其實唔鍾意同朋友食飯，但人哋一約我就去，又會好識搞氣氛好多嘢講，但一食完飯我就要即刻返屋企要自己一個，搭車嘅時候啲friend成日同我一齊走我通常都會拒絕，因為熱鬧完之後我要立刻需要獨處嘅時間，所以啲friend成日話我有距離咁，到人到中年我知心友，係得一個，都係i人。

私人傳訊回覆引用

MC媽

伯爵府

積分: 15190

70^#

發表於 25-10-2 13:32 |只看該作者

本帖最後由 MC媽於 25-10-2 13:35 編輯

小manman 發表於 25-10-2 11:22
我同老公都係i人，但我女係e人

我從來無諗過要訓練／改變佢，因為佢好細個（應該講緊歲幾2歲左右）我就日 ...

係正常㗎！我同我老公都係i，對仔女係勁E

因為i人通常唔需要人哋提供情緒價值, 甚至有啲社恐，人哋睇 i 人就會覺得有啲疏離感，有時候會畀人哋覺得唔合群，但我哋 i 人知道自己嘅社交缺點，所以教育仔女嗰陣時，係勁鼓勵佢去表達自己，希望培養佢成為一個合群嘅人， i型父母通常會做仔女嘅性格推手，所以不知不覺，仔女哋會變咗E人

私人傳訊回覆引用

MC媽

伯爵府

積分: 15190

69^#

發表於 25-10-2 13:26 |只看該作者

回覆樓主:

我同老公都係i人，我對仔女係E人，仲係勁E .
我記得16型人格講, 如 i型父母通常會培養出e型人格嘅仔女, E型人格嘅父母仔女通常好 i .

私人傳訊回覆引用

fukuoka_saga

男爵府

積分: 8857

68^#

發表於 25-10-2 13:22 |只看該作者

newcomer550 發表於 25-10-2 08:57
一般I人唔怕悶, 兩個I人一齊, 大家都好自在, 同埋當兩個I人單獨相處時, 係會冇咁I. (因為平時怕羞, 當兩個 ...

兩個i人一齊冇問題，但如果兩夫婦1個i1個e，問題會多啲。
我弟都係i人，鍾意靜自己一個，星期六日留家享受，我弟婦勁e，即係呢見到個人可以離勁遠已大大聲叫好掛住你呀，好耐冇見呀。唔可以留係屋企既程度係生完兩星期末坐完月己周圍去見朋友又話要上大陸玩，我細佬直頭話頂佢唔順,我媽話佢地遲早離婚

私人傳訊回覆引用

小manman

翡翠宮

積分: 85484

67^#

發表於 25-10-2 11:22 |只看該作者

回覆樓主：

本帖最後由小manman 於 25-10-2 11:23 編輯

我同老公都係i人，但我女係e人

我從來無諗過要訓練／改變佢，因為佢好細個（應該講緊歲幾2歲左右）我就日日帶佢去公園玩成個下午，除左打風落雨之外，酷熱天氣警告3x度又好，寒冷天氣警告得幾度都好，我都會帶佢去公園

令我可以堅持帶到佢大個，無咁熱衷，原因只因為佢每日都好期待去公園玩，我只有佢1個女，所以佢係屋企好悶，我見到佢係公園同d小朋友玩得勁開心

一開始我只係因為知道如果要佢好似我咁成日係屋企唔健康，知道要帶佢出街曬下太陽，同其他小朋友玩下，幫助佢社交，如是者見佢咁期待，所以令我堅持到日日都帶佢去

老實講，問心我係唔enjoy的，夏天熱到痴肺，冬天又吹到凍僵左，同埋我大部份時間都係自閉，自己坐埋一二邊玩手機，唔會同其他家長social，因為我好慢熱，係之後因為我女同其他小朋友玩左幾年，熟絡左，有家長開始提議去釣魚、bbq、踩單車......我因為我女的緣固先join，慢慢同其他家長都熟絡左，我就會享受多d