少年成長今日: 0|主題: 16130

收藏本版

回覆發帖

返回列表

跳至頁

查看: 22068 | 回覆: 0

被讚賞的媽媽 [複製鏈接]

csir3290

子爵府

積分: 12778

1^#

發表於 25-10-5 11:40 |只看該作者 |正序瀏覽 |打印

上個禮拜講咗一個媽媽因為一隻掛飾公仔嘅真假問題就喺個家長群組入面另外一篇我覺得更加特別，因為好少有一個中學生嘅女仔喺社交平台度打咗篇文章讚自己個媽媽。想其他人都知道自己個媽媽對自己有幾好。篇文章係咁嘅，話說個女仔讀緊中學已經拍緊拖，本來平時都好守規矩，但係有一日喺學校同個男朋友仔玩得開心得滯，一時大意拖咗手，但咁啱就畀老師見到，仲交咗畀訓導老師。訓導老師自然就要見家長，喺見家長嘅時候個女仔好緊張，因為唔知道佢媽媽會有乜嘢反應。當訓導老師同媽媽講問佢知唔知個女拍拖嘅時候，好多家長去到呢個時間可能都會答唔知自己嘅仔女拍拖，連個訓導老師可能都預咗個家長答唔知。點知呢位媽媽就搭個老師知道，可能個訓導老師對媽媽嘅反應都打咗個突，因為呢位媽媽嘅反應即係知道亦都准許個女拍拖，所以個瞓到老師即刻轉咗方向，就話佢個女喺學校咁樣做法，如果畀其他同學睇到會影響咗其他同學，亦都會產生觀感上嘅問題，老師亦都同媽媽講話拍拖驚會影響咗個女嘅成績，所以就要個媽媽勸個女唔好拍拖。點知個媽媽嘅反應就令到個女更吃驚，因為佢以為媽媽一定會喺老師面前鬧佢，點知媽媽竟然喺個老師面前嘅反應係問老師知唔知佢個女嘅成績係點，因為佢個女嘅成績一向都好好，就算拍咗拖之後個女嘅成績都係一路keep住咁好，而且個媽媽亦同老師講，反問個老師話佢個女每一日喺學校見老師嘅時間仲多個佢自己，因為個媽媽每一日都要返工，朝頭早起身個女就差唔多已經返學，到夜晚放工返到嚟先至有時間見到個女，都冇幾多個鐘頭時間，但係老師日日喺學校起碼有八個鐘都見住佢個女，佢反問連老師都勸唔到自己個女唔好拍拖，咁佢自己有點可以逼到個女唔拍拖呢！不過喺呢個時候，個阿媽都有擰返轉頭話自己個女，但係個阿媽只係提醒個女唔好喺學校咁高調，點樣都係著住校服，點樣都係喺學校入面，唔應該玩到咁癲，畀其他人睇到都唔好睇！個女話佢即刻知道自己做錯乜嘢，佢亦都亦即刻有同老師道歉，就此呢個家長面見嘅時間亦都完結。個女返到屋企急不及待就要將呢件事擺咗上社交平台，佢話由佢最初知道見家長一路擔心會畀媽媽鬧嘅時間，到見到媽媽見家長嘅反應，佢先至放下心頭大石，佢終於明白自己嘅媽媽係一個明白事理嘅人，亦都唔會逼自己做一啲自己唔鍾意嘅事，佢話佢媽媽咁樣嘅處理方法，反而令到自己更加理性去分析問題。
如果你問我，我都會覺得呢個媽媽嘅反應好好，同個女嘅相處亦都一定係有商有量互相尊重，不過當然你問我有關態度問題，我就會覺得佢同老師傾嘅時候似乎就唔係咁禮貌，亦都可能反應激烈咗少少。俗語講比較「串」咗一啲，但係除此之外，其實我都同意呢個媽媽嘅諗法，正如我都講過，如果仔女已經開始拍拖其實要逼亦都逼唔到，反而你冷靜啲分析睇下情況嘅發展，亦都冇做過啲乜嘢其他越界嘅嘢，正正反而就利用呢個機會，就可以同個女傾番就算拍拖，但係喺呢個年紀都要知道邊啲嘢唔應該做。我相信個女由見家長嘅時間知道媽媽對成件事嘅態度同睇法，佢一定會更加願意同自己嘅媽媽開心見誠咁佢傾成件事，亦都會更願意接受媽媽嘅啲意見。正如我講過我哋唔係麻木去接受仔女嘅一切，而係究竟我哋用啲乜嘢嘅態度去面對仔女嘅發展，我哋嘅態度先至係影響同仔女關係發展嘅最主要因素。唔係事事順從樣樣都由得佢，但原來自己嘅心中根本就唔情願咁先至叫做啱，反而係家長應該點樣調節自己嘅心態，點樣去分析去面對，點樣互相尊重咁先至可以保持一個良好嘅互動良好嘅關係。正如上面嗰個女仔講話經過呢件事後，佢更體會到媽媽對自己嘅尊重，亦都更清楚更會反省自己做錯嘅地方，亦都更明白男女相處嘅界線，所以佢開心到要將媽媽嘅呢件事放上網表揚媽媽所做嘅一切！

呢兩個禮拜都分別講咗兩個媽媽對仔女事件嘅處理方法，家長亦都可以從中深思一下點樣同仔女相處嘅方法比較好。

0 0 0

私人傳訊回覆引用

跳至頁

返回列表

回覆

發帖

熱門搜尋：

少年成長 今日: 0|主題: 16130

瀏覽過的版塊

少年成長今日: 0|主題: 16130