裝修公司負責人李先生，身型高大，表面對客人恭恭敬敬， 成日自誇老牌港姐朱XX家姐、 某某銀行主席媽媽陳老太係佢嘅客人，吹噓自己裝修經驗豐富， 可以用經濟嘅價錢做出豪宅質素，我本身唔係貪佢什麼豪宅質素，只係因為朋友介紹， 我哋工作太忙又唔可以花太多時間跟進，所以希望俾多少少錢可以有個人幫忙打點整個裝修工程。之後先知道原來佢主要係做開防水工程(不過我知道佢啲客戶間屋仲係不停咁漏水)，其他方面佢都冇經驗，唔明個朋友點解要介紹。
原本合约寫明工程期大約3個半月， 但沒有寫明確實完工日期。工程期間開過幾次會，每次我哋都寫低有啲乜嘢嘅要求。 傾完幾個鐘， 李先生最緊要嘅就係問攞支票，而且唔係跟合約嘅條款去俾，每次都話合約搞錯咗。宜家冇錢出糧同買材料，要求俾多一啲$。由於係朋友介紹，我哋唔知嗰陣點解會相信佢又俾$佢，仲要提前兼俾多咗好多錢。之後先諗返其實開完會大家傾咗嘅嘢， 佢完全冇同師傅溝通過，次次問佢都話安排緊。
結果到2個半月嘅時候，我提佢仲有一個月就要搬返去住，佢都話冇問題可控，但係我哋覺得好唔妥，因為連傢俬圖、櫥櫃圖都完全冇見過，之前講過做傢俬都起碼3星期。其他工程項目又成日揾唔到師傅開工，有時一星期師傅嚟得兩日， 我哋就白白响外面繼續租地方住。
期間仲發生過好多事情，師傅無端端又會鑿爛幾次水喉，跟住又要整返，佢哋嘅過失，原來要問返我哋攞錢去維修。仲有好多奇怪嘅項目無得到我哋同意同報價就去做咗，有啲項目明明合約係包埋嘅，突然間又問我哋攞錢。成日講話當我哋係朋友，結果開出嚟個數字真係嚇死人。
宜家工程已經超過半年啦，剛剛先收到傢俬，佢又揾唔到師傅來安裝，結果我要自己另外請師傅安裝，但每一件傢俬都係做錯嘅! 櫥櫃大門都完全失曬蹤，仲要同我哋講佢無遲交貨，但仲不斷問我哋攞錢。當然我哋唔會再繼續俾錢佢啦! 其實當中好多項目我哋無辦法下都要自己搵其他師傅搞咗。佢做咗嘅項目，仲樣樣貨不對辦，質素差劣。
剛剛決定餘下嘅項目唔再交俾佢做喇，真係唔想無了期嘅等等等。宜家睇到間屋真係好唔開心，原先佢答應幫我哋做嘅，好多項目都冇做到。呢位李先生根本無裝修經驗，問親佢問題都要問師傅，有問題時又將責任推俾師傅，自己部份又安排得唔好，完全沒有好好監管整個工程。呢半年真係好影響我哋嘅生活。
呻完! 多謝收看!
白毛毛 發表於 25-10-15 19:30
我身邊的朋友親戚都用過唔同的裝修公司，有啲係介紹而來，有啲自己搵，暫時聽到的都係手工不似預期咁好， ...
）。
發表於 
返回列表
