興趣嗜好今日: 18|主題: 124442

收藏本版

回覆發帖

返回列表

跳至頁

查看: 2298 | 回覆: 0

[寵物] 浪浪在生命之中，獲得最純粹、最真實嘅幸福和快樂。 [複製鏈接]

happyjoylove

大宅

積分: 2963

1^#

發表於 25-10-28 18:09 |只看該作者 |正序瀏覽 |打印

浪浪在生命之中，獲得最純粹、最真實嘅幸福和快樂。

🍬莎莎(糖糖)的故事🍬
一年前的生日願望，開左個盲盒，成真左，又失敗左！🥹🥹
剛剛就喺一年前慶祝生日時，Nic問我有咩想要？佢知我唔係一個對啲物質好有興趣嘅人，佢咁問我都令我認真諗下，我有冇咩想要呢？🤔
第二朝訓醒，我就口窒窒咁同佢講：
👧🏻其實我真係有一個生日願望，你係咪真係會實現俾我先？
👦🏻你想要咩我都會買俾你，但你咁講，我知呢樣嘢肯定唔係買得到架嘅！講啦！
👧🏻其實我…其實我… 一直都好想做暫托家庭🥹🥹🥹你可唔可以實現我呢個心願呀？
👦🏻（開始超級認真mode，坐低）我知你有呢個心好耐，但係我地嘅工作實在太忙，而家已經有三隻化骨龍喺屋企，我哋係咪真係適合去做呢？等以後我哋半退休，到時我哋長期暫托都無問題👍🏻
👧🏻（佢見到我好失望，喊左出嚟）我明白喇… 我都係講出嚟先嗟😣
👦🏻（作了三千字的詳盡分析）
如是者過左大概三個月，有一日一訓醒，我就收到一個緊急需要暫托嘅訊息，嗰一刻，我直頭覺得係受到上天嘅感召！係我喇！我要apply！然後就……..先斬後奏自己填左表🙈🙈🙈
由於我一位學生係浪浪之家嘅義工，對我哋嘅家庭狀況比較熟悉，估唔到快到咩咁就已經批左我個申請🫢9秒9就去左南豐The Roots門口接左個盲盒，成個過程係用左一分鐘，義工放低，Nic拎起，我地望入去，乜野都睇唔到… 突然有對眼，好白😆然後烏sir sir就以全程時速50帶左佢返屋企☺️
由於第一次做暫托，我同屋企三隻野都傾左好耐偈，希望得到佢地支持。而且…我第一次接觸中大型狗狗，真係乜都唔識。返到屋企，打開個盲盒，原來係一隻全黑色嘅唐狗BB，唔知佢幾多個月，唔知佢男定女，唔知佢有幾大隻，因為佢……完全唔肯出黎、唔肯飲水同食野。諗都無諗到係全屋最惡嗰隻蜜蜜仔同佢傾左幾句，佢就開始肯飲水☺️ 然後，好多嘅奇蹟開始發生，拓海仔一直守住喺呢位妹妹嘅欄出面，妹妹第一次去領養日，海仔見到義工抱走左妹妹，佢喺屋企第一次喊…🥹 佢地出奇地相處非常融洽，妹妹好快做左拓海仔條𡃁～跟住佢出出入入😄
佢係一隻超級細膽嘅狗狗，由入屋開始一直搵角落匿埋，就算我哋打開個圍欄，佢都一直匿埋喺圍欄入面角落唔出黎，十分怕人，唔鍾意人摸，對人完全唔信任嘅一隻狗狗。同佢一齊試左好多第一次，第一次落街唔敢行，第一次帶佢坐車出街痾嘔都齊哂（喺車度），第一次痾岩wee落廁板，第一次識sit，第一次夾硬攬住佢俾佢喺兩秒之後拒絕我走左😅
咁多嘅第一次之後，仲係未見過佢第一次笑。每一日都係新一步。轉捩點黎喇！一隻超級i 狗，我諗領養日對佢黎講係好大挑戰，每次去完返返黎都好多狀況，又痾又嘔之類，最後一次去領養日，係我地岩岩舉辦緊學院五年後第一個大型音樂劇，仲有幾個鐘on show之際，我收到佢一落車就走甩左消息….嗰刻我好驚好擔心，但喺演出會場，我乜野都做唔到，我匿埋左喺化妝間喊左出黎…… 上天保佑，義工們好快搵返佢，之後帶左佢返我屋企。由知道佢喺屋企，到到我仲未能夠即刻衝返屋企嗰幾個鐘，我心好似就快爆裂咁，一完左Show，我同Nic九秒九衝返屋企，見到佢好平靜咁坐喺梳化，嗰晚，佢係第一次望住我地笑。佢一路笑，我就一路喊。我同佢講，以後都唔洗再去領養日喇，你有屋企喇。然後我地就幫佢改左名叫「金莎」，對於我地黎講佢比金更珍貴，而佢以後亦都好似金莎咁人見人愛，甜甜蜜蜜幸福快樂。
同一時間，我就同朋友們宣布左，我正式第一次暫托失敗了！！🤪
最後暫托失敗嘅我想分享，喺剛剛做暫托家庭嘅時候，好多朋友都話：你真係好偉大呀，有心有力！佩服你！
但我想講，當我開始認識暫托家庭群組嘅一班托爸托媽、義工們，我感覺到自己前所未有嘅渺小，佢地個個都好有經驗，教左我呢個新手好多好多野，我學左好多新知識，見到浪浪之家創辦人April，更加感到愛嘅無限同無盡。呢一年，我就係喺好多好多愛嘅學習之中成長的，過左難以形容嘅幸福一年。人生有限，愛無盡頭。希望每一個人都得夠在生命之中，獲得最純粹、最真實嘅幸福和快樂。
感謝浪浪之家將莎莎公主帶到我的世界，感謝Nic永遠支持我做每一樣野，將世上最好嘅生日禮物送左俾我，成全我嘅願望；感謝Rissa無條件的愛和付出，感謝我媽媽由驚大狗到到成為莎莎日日跟出跟入的婆婆，感謝Cindy每次的無微照顧和愛心，感謝甜甜、蜜蜜、拓海做左100分嘅家姐哥哥。
莎莎，要你黎到呢個成班細狗嘅家庭，委屈你了。希望你跟住呢班巴渣細狗搵到食啦～ 🤣
永遠愛你，就算你繼續拒絕我錫你同攬你，我都係會一樣咁愛你，同埋繼續嘗試錫你嘅！你走唔甩喇！😘
仲有，各位咁愛錫我的好朋友、學生同家長，今個生日，我真係好快樂，多謝你。🥰
@i_am_black_sa
糖糖主人