吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 網民狠批學校和父母不教理財社會卻「默認你一定識」留 ...

自由講場今日: 2003|主題: 1365769

收藏本版

回覆發帖

返回列表

跳至頁

查看: 3020 | 回覆: 48

網民狠批學校和父母不教理財社會卻「默認你一定識」留...

[複製鏈接]

12 3

elbar

公爵府

積分: 28205

1^#

發表於 25-11-19 10:54 |只看該作者 |正序瀏覽 |打印

本帖最後由 elbar 於 25-11-19 10:56 編輯

本地知名討論區近日有網民樓主以「點解學校讀書唔教人理財？」為題發帖，控訴香港教育制度在理財知識傳授上有所缺陷：「偏偏唔教點樣面對現實世界最實際、最殘酷嘅嘢：『錢』」。

帖文引發大量網民熱議。但其實社交媒體一直充斥類似爭議，因為香港理財教育的嚴重匱乏令不少上班族、尤其職場新人為之煩惱；在相關題目上，網民甚至經常大吵一番。

「學校從來無人教過報稅」

社交平台上，有樓主發帖批評香港學校和父母從來不教基本理財知識、甚至普通常識，令現代人普遍完全沒有絲毫金融概念與生活技能、卻被迫負上成年人的責任，是害人不淺：「翻（返）學從來無人教過報稅，強積金，股票，銀行定期，兩老一個呢世人都無翻過工一個長年失蹤，」

"無教過我成為一個成年人，擔當好恐怖，未來都好恐怖"

樓主又舉例繼續痛斥：「好耐以前第一次翻PT（兼職）老細攞住張強積金紙問我填，然後就反口問翻我你唔識既咩？做乜tick到咁？我真係啞曬」、「所有所謂生活常識都係網友教的，甚至曾經連必利痛可以消炎都唔知」。

「好似默認你一定識咁樣」

「出咗社會之後根本其實發現好多嘢都冇人教過，但係人哋默認你一定識咁樣」、「大把野冇教」、「終於有人明，大人係點做嘅?」此帖吸引逾140個留言、逾4,300個讚好，可見群情洶湧。

不少網民對樓主的抱怨深表共鳴：「我都係靠問朋友問同事問google打熱線電話問」、「you are not alone」、「好耐以前我已開始同朋友講，香港教育連咩係『貨幣』都無教，但日日用」...

有人甚至非常害怕這種教育現象，認為足以摧毀下一代的人生：

"其實呢單嘢係真係好恐怖
較低機率用到/現實可以以用科技取代嘅嘢例如數學歷史就迫學生死讀爛

讀交稅交乜費物費基礎生活常識完全係蜻蜓點水（甚至完全冇）"

"真，好多人生必經野明明無教但預左你識，明明好似無乜用嘅野教一大堆。特別係做人父母，明明無乜點教，突然間要對一條生命負責"

"仲有啲香港好普通嘅法例合約條款要自學
有時睇少一行就係咁先
依家算好好有AI
以前真係喺圖書館逐頁睇 "

"好可能大家既父母都冇教過，呢堆野都係當年我自己學"

"教育制度係政府定，政府只關心你畢業後產生幾多GDP, 你過成點佢都無關心過"

"要襯2字頭時，用天真樣呃d大你少少嘅人教你
3字頭都唔識真係會無人理會，只能自學"

"應該要教急救、滅火、殯儀、股票、強積金、金融、稅務、開有限/無限公司、勞工法例、而唔係方程式/ cos sin tan"

「那呢個情況中學讀BAFS就可以解決到90%嘅問題啦」、「因為你冇揀econ bafs」亦有一些留言澄清說，學校其實在某些稀有情況下提供少量理財教育，但要看選什麼科、有沒有機會遇上好老師：「其實中三數學科係有教過點計稅」、「讀finance and taxation? 」、「大學讀會計，學校有一科係hong kong tax。冇呢科，真係唔識計稅」、「我讀書時期好採有恩師教我玩股票佢話依啲野一定要識」、「資本社會最後既善良係數學課教左你複利息」。

部份人安慰︰世界容錯率好高

「唔洗驚，人越大越發現呢個世界容錯率好高」有留言安慰樓主，表示就算沒有學校和父母的教導，人類在社會也有生還機會：「我連打簿、報稅、搞公司都係Google學番黎，家人既作用就係屋企多個人」

出乎意料，都有不少網民派心靈雞湯，覺得樓主不妨輕鬆一點處理財務問題：

"我第一次返PT填MPF都係慢慢摸索咁填，不過大部分屋企人都唔會無啦啦教填MPF form嘅"

"只要記住一樣野
錯咗係唔會死嘅
跟住錯多幾次自然就會識"

"所以咪有『社會大學』，做到老活到老"

"唔洗咁驚喎，我兩老正常係度
都無教過我你講嘅呢堆野
甚至好刻意唔教買賣股票呢啲
都係自己慢慢摸返黎
錯左咪交form改返/申報返"

網民鼓勵樓主自學成才

「網上咁多資料自學啦」、「其實大家都係咁，主動啲自己學⋯⋯」、「呢個世界冇人老奉要對你負責任對你做任何嘅嘢唔好諗咁多有手有腳唯有靠自己啦」更加令人意外的是，反對樓主的聲音原來也不少，但大部份也是善良出發，鼓勵他善用網上資源，自學相關知識：「因為好多野都係自己處理過先真係學識」、「盡力學習。網上已經好多資訊。最緊要識問」、「靠自己！自學學得識會好有成功感」

"第一次填MPF我係問同事點填
報稅可以上稅局網站睇範例
反觀諗下佢地都可能都無人教佢哋點做，自己摸索
係會怯，但自己第一次，唔識好正常"

"唔識好正常，大把人都係撞板撞到為止，
但你唔識的話可以問下人先，人地唔教就自己google下再試下"

建議善用科技

「而家的年代已經好好，網上乜都查到，無互聯網年代更慘」、「網上大把懶人包，自學」、「依家可以用GPT 了」...

亦有人認為現今世代已比過去上一代幸福，因為有互聯網、搜尋器和人工智能（AI）輔助，搜集和整理和歸納資料和知識的速度比以前快，效率亦更高：「你一個成年人唔識Google search架？」、「你大個咗可以學㗎嘛，咩都要人教玩邊科？上網Youtube search肯定有教程，你search咗未？唔好話返學老師冇教過你點搜尋資料」

「而家已經算好～起碼好多野都可以google幫到你，又有好多youtube片教。」這名網民續稱：

"以前我地真係自己摸返黎。其實好多野學校都無教架～例如點樣同人相處、點樣處理職場上嘅人。社會會教識你。

我之前有個同事，30歲都唔識填報稅表，都係我教佢（都唔係第一份工）。所以我都唔明佢之前點填。有個朋友仲係咁多年都係阿爸幫佢填報稅表，直至阿爸走左佢就真係要自己學返填。"

"呢個年代好好，有google有AI，問一問就有答案。 20年前成為大人嘅，都係用錯誤黎學識點做嘢。
咁錯左好多年之後都係會學識嘅～唔好怕錯，慢慢學。
未來唔係咁可怕既啫，人生意義好寛嘅～不斷學習新事物都係好嘅事。"

"學校唔教/父母唔教，你自己唔識自學？追女仔搵老婆同異性相處會有人教？成年人自己用下腦，呢啲都驚，其他大事點攪呀，呢代已經好好啦，可以問AI"

"2025年啦師兄，有咩唔識咪上Google咯，你講都呢d野千禧年之前的所有學校都唔係必修，以前d人唔識咪又係慢慢從無知同錯誤中學習，係咪學校唔教就唔識自己學？如果係咁我建議你直接去坐監逃避現實社會好過啦"

"唔使驚
有得上網就會搵到解決方法
如果你畀得起錢，直頭搵人搞都得
最緊要搵多啲錢"

另類觀點：變得太快，教都無用

「主要原因係呢啲野太易變」一名相信年紀較大的網民解釋，中小學教育未必跟得上時代演變，也許是理財教育落後的一些因素：

"想像下90年代尾教你寫報稅表，嗰時強積金仲未實行，然後00年代出黎做野要交強積金，之後出現網上報稅，可以即時知道要交幾多稅。

中間呢十幾廿年多咗唔同種類嘅免稅額，今年教嘅出年可能唔啱用"

"學校教嘅嘢出嚟社會基本上唔會用到！你俾社會浸多兩浸咩都會識"

"每間公司用嘅系統/工具都唔同
每返一份新工就係重新變成白紙再學過新公司啲野"

一些網民抱持更加偏門看法，有人覺得只要完全脫離社會和經濟體系，這些知識有沒有亦無分別：

"並不是所有成年人都需要識呢啲
唔做嘢就唔洗報稅強積金
冇錢就冇股票定期
而且上述事物隨時會變或消失冇乜好學定先"

另一人認為，也許傳統學校教育「輕理財」是有其社會因素，資本主義始終要有人打工：

"返學教理財，大學叫有嘅
再講，個個走去炒股票社會何來Output"

0 0 0

私人傳訊回覆引用

天貓

水晶宮

積分: 60028

馬年勳章 2025勳章蛇年勳章

49^#

發表於 25-11-20 10:35 |只看該作者

唔好樣樣嘢都同仔女做晒，等佢哋自己嚟，其實已經係一個方法…

我試過突然問返佢幾年之前啲錢點洗，但佢又答到我，佢自己唔知邊度學返嚟啲Debit Credit , 佢有記錄返曬自己啲使費，逐樣逐樣答我，我完全冇教過佢account啲concept, 網上面其實乜都學到，佢習慣咗我會突然問佢之前啲嘢，呢啲就係我教佢嘅方式….

家長要捨得放手，俾佢自己慢慢摸索，年紀細唔會有人怪佢，但如果乜都同佢做晒，到佢大咗都唔識，啲人就會話佢咁大個都唔識，授人以魚不如授人以漁

私人傳訊回覆引用

lemontea520

珍珠宮

積分: 32116

2025勳章蛇年勳章貓狗褓姆 BK Milk勳章

48^#

發表於 25-11-20 10:09 |只看該作者

elbar 發表於 25-11-19 10:54
本地知名討論區近日有網民樓主以「點解學校讀書唔教人理財？」為題發帖，控訴香港教育制度在理財知識傳授 ...

樣樣都要手把手教咩？資料放哂係度，自己睇囉！上網揾女優資料又識？

沒有暴政只有暴徒
香港媽媽不代表我

私人傳訊回覆引用

vincat

子爵府

積分: 14754

47^#

發表於 25-11-20 09:41 |只看該作者

當然, 由細有人講錢既概念俾佢聽, 再加自己摸索會事半功倍

私人傳訊回覆引用

KILW

子爵府

積分: 11636

46^#

發表於 25-11-20 09:17 |只看該作者

回覆樓主：

本帖最後由 KILW 於 25-11-20 09:17 編輯

學校上堂時間有限，教嘅主要學術同思維邏輯基礎，學校教咗語言、數理、科學社會等基本知識同技巧，人就應識自己喺生活同工作中去研究、解難、成長，下下要人餵到埋口先識嘅係現今常見嘅伸手黨，一係自身能力極低，一係懶，投訴前自己檢討一下。
仲有，父母都唔係咩都旨意學校教，理財觀念、生活持家應父母身教，所以點解宜家成日聽到講父母要考牌，投訴學校前望下父母喺你成長過程中做過咩。

私人傳訊回覆引用

Jasmine-4711

翡翠宮

積分: 93757

2025勳章蛇年勳章 2024年龍年勳章牛年勳章

45^#

發表於 25-11-19 22:59 |只看該作者

回覆樓主:

父母輩的學校時代也冇教過理財,
我當年中學連電腦同普通話都冇得學,
靠自己執生、自己學

現在, 我想教仔理財, 但他太忙打機, 唔想學.
我只可講下騙案俾佢聽,
不會裸聊或被騙到KK園去.

其他,
等他撞了板, 來問我先教lor

現在金融產品多, 連父母自己都未必識晒（靠google）又多騙子,
在中學教就最好啦

私人傳訊回覆引用

whyyou

水晶宮

積分: 63757

44^#

發表於 25-11-19 22:58 |只看該作者

elbar 發表於 25-11-19 10:54
本地知名討論區近日有網民樓主以「點解學校讀書唔教人理財？」為題發帖，控訴香港教育制度在理財知識傳授 ...

乜學校唔係跟教育局嘅課程教書咩？學校都冇教你食飯要夾餸，點解你又識呢？

私人傳訊回覆引用

naicha

公爵府

積分: 26989

43^#

發表於 25-11-19 22:48 |只看該作者

學校冇教家長冇教, 你又識講粗口? 有心肯定學得識啦, 咩都怨人, 廢

私人傳訊回覆引用

小平媽媽

侯爵府

積分: 22562

Poo得好勳章美好大世界2017勳章認識瑞士牛牛第二回

42^#

發表於 25-11-19 22:38 |只看該作者

回覆樓主:

金錢概念真係好睇父母自學，而家呢代，好命嘅父母都做野，真係比好多錢仔女，比錢真係唔駛睇價錢，日日放學係巴士度鬥身上新買嘅野

想認識多啲屯門友

私人傳訊回覆引用

PandaVV

子爵府

積分: 11862

41^#

發表於 25-11-19 20:09 |只看該作者

本帖最後由 PandaVV 於 25-11-19 20:10 編輯

elbar 發表於 25-11-19 10:54
本地知名討論區近日有網民樓主以「點解學校讀書唔教人理財？」為題發帖，控訴香港教育制度在理財知識傳授 ...

我個人認為....唔係每位家長（父母）都懂得理财及投資.

我自己在投資方面不是高手, 但我會教授屋企的孩子, 在18歲後, 他們一定有機會接觸的理財知識. 例如：信用卡, 定期和活期利率, 簡單嘅股票知識.

甚至將來有人sell佢哋保險, 健身, 美容, 信用卡, 捐款等等的情況時, 要注意啲乜嘢.尤其是一定不可以隨便承諾做擔保人和不可以隨意借錢给別人.