自由講場今日: 1106|主題: 1370735

收藏本版

回覆發帖

返回列表

跳至頁

查看: 11000 | 回覆: 77

劉小慧談與舊愛郭晉安感情, 親揭當年分手真相

[複製鏈接]

12 3 4

大聲公

珍珠宮

積分: 39457

馬年勳章 2025勳章蛇年勳章 2024年龍年勳章笑得好勳章

1^#

發表於 25-11-21 12:00 |只看該作者 |正序瀏覽 |打印

劉小慧因拍攝TVB劇集《成功路上》與郭晉安相識，半年後到福建拍電影《雙鐲》展開戀情，兩人拍拖4年；郭晉安讚劉小慧有義氣又開朗，當年自己與經理人陷法律糾紛，女方陪過難關，更曾計劃與她結婚。

不過，後來郭晉安曾透露分手原因是由於兩人之間「出現咗第三者囉！」還表示曾經怨過劉小慧和蘇志威。

近日，劉小慧接受好友鍾慧冰YouTube頻道《冰姐的花樣人生》訪問，談及與郭晉安的感情，揭開當年兩人的分手真相，並表示「絕對對得起呢段感情」。

劉小慧坦言郭晉安曾將她擺在無人可替的位置，她亦感恩人生中遇到郭晉安這個男朋友，並直言對得起這段感情：「我哋拍咗拖大約5年，佢擺咗我喺一個好重要嘅位置佢，我比佢任何嘢都好重要，到最後我選擇咗離開，冇同佢一齊走落去，我哋經歷咗好多嘢過嘢，我唔知點解外界作咗咁多嘢喺呢段感情，我係絕對對得住呢段感情。」

劉小慧認為拍拖是一個「試用期」，大家相互了解對方是否合適，如果只有感情而並不合適亦無法走到最後：「如果唔適合，就算再愛都冇辦法。因為有時候生活嘅小習慣，或者任何大嘅嘢模式唔一樣，已經可以斷定呢段婚姻唔會走到最後。因為中間會有太多摩擦，你唔係講緊得閒一個禮拜見一兩次面喎，大佬，你係要長時間喺同一個屋簷下生活！

「如果仲生咗小朋友，你都唔想啲小朋友喺破碎家庭長大？因為原生家庭對每個人嚟講係好重要，父母離異，你啲仔女係會一代一代咁全部承接，我唔想咁樣，所以我想喺嗰一刻搵個最適合，日子耐咗，人會變、人會長大，通過唔同嘅經歷，想法都會改變，大家唔同步，去到某一個位都會停，但起碼喺當下嗰刻揀咗先，揀個最啱畀自己。」

郭晉安曾談及與劉小慧感情時，坦言曾經有計劃與劉小慧結婚，但後來兩人之間出現第三者，「出現咗第三者囉！」問他如何發現有第三者，郭晉安表示：「嗰個感應係唔知點解突然間好唔舒服，有晚打完牌我打電話畀佢，我話感覺好唔舒服，我哋中間係咪出現咗啲問題，開始大家傾，咁就知道了。」

郭晉安還曾坦言剛分手時怨過劉小慧和蘇志威，但之後便不再怨恨，「啱啱分開嘅時候梗係有，但之後就冇了。（你又有冇怨過第三者蘇志威？）會，會！呢個係人性嘅一部份，我唔知點樣令自己釋懷，開頭我同劉小慧講嘅時候都好憤恨，直至大半年之後就冇事了。我之後同蘇志威都拍過劇集，都冇事。而我同劉小慧直至佢生完第一個小朋友，大家再相處返就做返朋友了。」