kicen 發表於 25-11-23 17:02 
最近收到封法庭信, 叫我媽下年要上庭, 睇返信內容係講有人提出告發, 指我個單位起某個日期內無合理解釋無遵守建築物條例去搵檢驗人員驗露台,
之前一直以為只係驗窗就可以, 同埋我媽上左年紀可能睇完D信無理解到一直放左起到.. 之後我先搵返原來上年已經寄左張粉紅信叫我地起某個期限內搵人驗露台, 但到呢刻先見到呢張信.. 然後到前幾日收到法庭信先知大件事.
想請教下,因為有D擔心會唔會好大獲, 之前從未有過類似經驗, 希望有人心人可以指教下應該點樣做? 感激!...
不用太担心, 我娘家住唐樓, 都收過粉紅色信上庭, 你可以:
1. 寫信去屋宇署負責嘅測量師主任解釋 (屋主係老人家, 以為只是驗窗. 唔知道原來要驗露台等; 然后打電話同佢講會馬上著手揾人搞)
2. 馬上揾合資格嘅驗樓人員驗, 通常驗 >>> 有無裂痕, 漏水, 墻身有無缺損, 危險等, 如有...先揾人補好, 再驗.
3. 原告係屋宇署負責你個果主任, 如佢知道你已著手安排驗樓, 上庭前會同你講, 由几時開始罰款, 會安日計, 每日大約罸几錢日, 當年我係三亳子一日, 大約罰咗$2,500.
最好上庭前搞掂, 拎埋驗露台報告出庭.
初犯唔會罰好重, 法官問你認唔䛏, 你答認...去交罰款就o.k.
P.S. 驗露台報告通常$5000左右, 需要修補另計.
【一毫之善，與人方便；一毫之惡，勸君莫作；欺人是禍，饒人是福；不信抬頭看，蒼天饒過誰】
*****請勿將本人网名及言論內容抄襲到任何報紙或雜誌上*****
發表於 
返回列表
