自由講場今日: 1671|主題: 1370935

收藏本版

回覆發帖

返回列表

跳至頁

查看: 1738 | 回覆: 7

消費災難嘅「KOL」 [複製鏈接]

七桃

民房

積分: 22

1^#

發表於 25-12-25 18:30 |只看該作者 |正序瀏覽 |打印

有啲嘢真係不吐不快!!!

大埔宏福苑五級火全港震撼，過百人死傷，唔少家庭一夜之間冇咗至親同屋企，全城都陷入哀傷。本來社會慢慢復常，應該係療傷、重建嘅時候，但偏偏就有人揀呢個時候抽水，喺災民傷口上灑鹽。

講緊既就係所謂嘅「KOL」冼國林，佢喺社交平台出文，公開抹黑消防處嘅救火決定，借災難嚟刷存在感、博流量。呢啲言論唔單止幫唔到檢討，反而製造撕裂，睇見令人火滾。

冼國林話自己係「為死者發聲」、「檢討消防工作」，但實情就係「事後孔明」，講就天下無敵。佢批評消防處處長楊恩健喺火災當日嘅判斷，包括點解唔用直升機投水彈、無人機、高雲梯，又話錯判形勢、拒絕深圳消防嚟幫手，甚至指控消防處事後卸責。

但問題係，火場情況瞬息萬變，現場指揮官要即時判斷，唔係坐喺度慢慢諗。消防處其實已經逐點解釋過：
– 直升機投水彈？強風隨時令火勢擴散得更快；
– 用無人機救火？載水量少，對當日嗰場大火幫助有限；
– 100 米高雲梯？冼國林仲話要鏟樹、拆欄杆先用到，我想問，火燒得咁急，邊有時間同人手做呢啲嘢？

至於話點解唔用深圳消防幫手，裝備唔同、通訊頻道唔同、語言都可能有問題，臨急臨忙要協調，分分鐘拖慢救援。與其係咁，不如集中精力救火救人。

諷刺嘅係，冼國林根本唔係消防專業人士，亦冇任何救火經驗，竟然只憑一個「唔知邊個朋友」嘅 WhatsApp 訊息，就大大聲扮專家。呢啲評論唔單止唔專業，仲令人懷疑真假。救火係靠科學同經驗，唔係靠鍵盤吹水。事後睇返梗係乜都識講，但呢啲只係隔岸觀火嘅廉價批評。

更加離譜嘅係，冼國林自己本身就爭議多多，講誠信真係冇乜說服力。金融圈入面佢已經多次出事，2025 年因為欠債 1430 萬唔還，被高等法院頒令破產；證監會亦裁定佢喺第一信用金融集團做主席期間，涉及虛假披露，違反董事責任。

過往佢亦多次被揭發散播不實言論，靠社交平台吸粉，博政治同財經光環。咁樣嘅人，依家忽然扮成「公眾守護者」，去批評消防專業決定，真係得啖笑。

講到尾，佢唔係關心死者，而係再次利用社會傷口嚟幫自己搭舞台。

對家屬嚟講，呢啲言論係二次傷害；
對消防人員嚟講，係不尊重、係侮辱；
對社會嚟講，係製造對立、破壞信任；
對政府嚟講，就係惡意挑釁。

呢啲所謂「專家」，唯一嘅作用就係提醒我哋：唔好再畀佢呃。講白啲，冼國林只係一個消費災難嘅「KOL」。