吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 8週5無心跳

懷孕前後今日: 5|主題: 330552

收藏本版

回覆發帖

返回列表

跳至頁

查看: 18084 | 回覆: 32

8週5無心跳 [複製鏈接]

puiki12

複式洋房

積分: 402

1^#

發表於 26-1-2 13:50 |只看該作者 |正序瀏覽 |打印

8週5無心跳(emoji)
Size有8週6
由知道懷孕開始一直有流啡
開頭有入院休息下就無流
今日醫生話小產
一星期後再檢查
2個醫生話小產先確定小產
佢話唔想比希望我
下星期有心跳機會不大
唔知會不會有奇蹟呢

0 0 0

私人傳訊回覆引用

CY91

民房

積分: 6

33^#

發表於前天 07:20 |只看該作者

回覆 puiki12 的帖子

我有時激氣，D血都會突然多少少，但肚無痛就無理佢。

私人傳訊回覆引用

puiki12

複式洋房

積分: 402

32^#

發表於前天 07:00 |只看該作者

CY91 發表於 26-1-27 06:56
好好坐個小月。我都係坐緊小月，買左丸丸手作的湯水和炒米茶，自己煲，都補到身，體力恢復得幾好。 ...

加油我都買左盧xx 的坐小月餐炒米茶(emoji)食左未夠半個月身體已經恢復得7788 。不過啲惡露真係2星期後先無，但呢幾日又突然有小小啡有時有啲唔知咩又5係一舊舊，係一pat/ 一達啡分泌。我見已變啡血，量小，就無打電話去醫院問。我都唔知應該點先算正常返黎m …

私人傳訊回覆引用

CY91

民房

積分: 6

31^#

發表於前天 06:56 |只看該作者

好好坐個小月。我都係坐緊小月，買左丸丸手作的湯水和炒米茶，自己煲，都補到身，體力恢復得幾好。

私人傳訊回覆引用

puiki12

複式洋房

積分: 402

30^#

發表於 26-1-17 09:51 |只看該作者

sonycat327 發表於 26-1-16 22:18
真，長痛不如短痛，所以媽媽你好果斷，衣家控制到成個過程又減少左d不確定性，咁樣先可以專心照顧到你自己 ...

對(emoji)
謝謝您❤️

私人傳訊回覆引用

sonycat327

洋房

積分: 94

29^#

發表於 26-1-16 22:18 |只看該作者

puiki12 發表於 26-1-16 00:22
其實政府醫生都有叫我可以諗清楚啲先
我好知道自己等唔到心跳就要盡快做決定。
因為如果要經歷陣痛排 ...

真，長痛不如短痛，所以媽媽你好果斷，衣家控制到成個過程又減少左d不確定性，咁樣先可以專心照顧到你自己同成個屋企，。。。小朋友就係好好既力量！

多謝媽媽你比我既鼓勵。希望大家早日平復心靈。

私人傳訊回覆引用

puiki12

複式洋房

積分: 402

28^#

發表於 26-1-16 00:22 |只看該作者

sonycat327 發表於 26-1-15 23:58
樓主，我聽完你經歷都好為你心痛，醫生講無心跳果刻真係會個腦空白左一片，同埋都好想抱住希望個胎過多幾 ...

其實政府醫生都有叫我可以諗清楚啲先
我好知道自己等唔到心跳就要盡快做決定。
因為如果要經歷陣痛排胎怕要好長時間，我無咁多時間去比我痛，我仲有幾個小朋友如果我日日痛日日傷心等排胎，有狀況又要入院，到時候又又要搵人幫手照顧我先安心入院，所以長痛不如短痛。
我話唔洗諗了，做手術吧。

私人傳訊回覆引用

puiki12

複式洋房

積分: 402

27^#

發表於 26-1-16 00:19 |只看該作者

sonycat327 發表於 26-1-15 23:58
樓主，我聽完你經歷都好為你心痛，醫生講無心跳果刻真係會個腦空白左一片，同埋都好想抱住希望個胎過多幾 ...

：（藥流應該冇做手術咁傷，不過希望你排清
然後好好休息，調理好身體，照顧好自己，有健康身體先可以再繼續計劃懷孕:)
謝謝您的安慰同支持❤️

私人傳訊回覆引用

sonycat327

洋房

積分: 94

26^#

發表於 26-1-15 23:58 |只看該作者

puiki12 發表於 26-1-14 23:53
我一直都在公立政府檢查
由剛知道懷孕開始，有流血流啡，肚痛開始，去左急症，留院觀察，照左一次，有胎lo ...

樓主，我聽完你經歷都好為你心痛，醫生講無心跳果刻真係會個腦空白左一片，同埋都好想抱住希望個胎過多幾日就會聽到佢既心跳，而且都唔無流啡流血係好難接受原來個胎已經走左了，我去私家照果陣都係講無再發育，明明上星期仲有心跳，之後就突然間無左了，但我個私家醫生只係叫我等睇下會唔會自然排出到，無動靜就先再返去搵去睇下係塞藥定做手術，我知道無左個胎第二個就去左睇中醫，醫師開左d中藥比我，我飲完兩三個鐘就黎料開始陣痛甘痛，之後去廁所時就排左出來了。
衣家係擔心排唔清又要返去做手術，我都見到話手術6個鐘前唔食得野
多謝樓主分享你既經歷我知，等我有啲心理準備去面對做手術係大概點樣。

甘直接做手術係最快捷同對你係最合適了，你仲要照顧小朋友。身心都疲累了。係唔會甘快放得底嫁，等時間慢慢沖淡。我衣家念起都會流眼淚，大家加油！媽媽加油！

私人傳訊回覆引用

puiki12

複式洋房

積分: 402

25^#

發表於 26-1-14 23:53 |只看該作者

本帖最後由 puiki12 於 26-1-15 06:00 編輯

sonycat327 發表於 26-1-14 22:06
唔好意思呀我想請教下樓主，因為上星期都小產左，第二日食完中醫就已經排左個胎組織出來，衣家等緊佢排， ...

我一直都在公立政府檢查
由剛知道懷孕開始，有流血流啡，肚痛開始，去左急症，留院觀察，照左一次，有胎long，未有心跳，就安排左個期比我8週幾照閃閃，不過從來無見過佢有無心跳，就同我講無左心跳了。
我以為仲細，未睇到，
（同埋第一次經歷呢件事，發現有bb果陣已經諗定左遲啲會做nifty pro 所以問私家診所職員，我依家應該點做好，佢加個位比我第2日去見醫生。當時一照都係話無心跳。比左建議我，可開藥比我/做手術/等公立醫院安排。佢仲問我呢幾日有無流血流啡，我話無。之後問我有無野想問，我腦袋空白，無野問，唔該醫生流住眼淚就比錢走了。等待既呢一個星期都無流過血/啡。）
公立果邊就等一個星期，再檢查。真的無心跳，而且無再發育。我果日即時決定做清宮手術，不過等到夜晚8點幾先有位比我做（佢哋俾我排成間醫院嘅緊急手術隊，死人冧樓佢哋先最壞打算係第二日先有得安排做手術，而且做手術之前六個鐘唔可以食嘢，所以我餓咗好多個鐘。佢又俾我揀半身麻醉定係全身。我都猶豫不定，半身就要背脊打麻醉針，我諗起之前生第一胎好痛，所以決定全身麻醉，聞藥，同埋唔知係咪都有喺嗰個鹽水豆嗰度落藥，不過佢有講話會再有另一支管放喺我個口入邊唔記得咗係咪拎嚟呼吸嘅，不過呢個係麻醉之後先會做嘅步驟，好快就麻醉咗冇知覺。唔使一個鐘我就醒返了。不過好頭暈，同埋感到自己流咗好多血。瞓醒第二日見我行得走得，冇乜嘢中午都已經可以出院。
出院之前都有抽過支血。話我血色素低要開鐵丸俾我食。開咗一個月。）

醫生講俾我聽，冇咗心跳之後嘅處理係點樣
佢講咗幾個方案
我決定唔食會令子宮頸軟化嘅藥（佢話因為我以前生過小朋友所以冇問題）
所以揀直接等做手術。好想自己快啲復原。
因為我仲有幾個小朋友要照顧
我真係唔可以再拖落去。

仲有係唔想再經歷嗰種陣痛，（而且唔係生一個正常嘅BB，如果係生產一個正常嘅BB我願意承受呢種陣痛，起碼痛完之後我係會開心）同埋唔想見到自然流出嚟嘅胎，我唔捨得，我都好驚自己親眼見到我會更加唔捨得。。

呢幾日過得不長不短，其實我仲未放得低。