吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 平價旅行團, 報旅行團遊重慶$1280包食住行中伏? ...

自由講場今日: 1327|主題: 1370741

收藏本版

回覆發帖

返回列表

跳至頁

查看: 2930 | 回覆: 34

平價旅行團, 報旅行團遊重慶$1280包食住行中伏? [複製鏈接]

FTR603

子爵府

積分: 10052

2025勳章蛇年勳章

1^#

發表於 26-1-22 10:29 |只看該作者 |正序瀏覽 |打印

為省時省心，部分港人旅行會選擇報旅行團，但選擇旅行社一定要慎重！近日，有香港女生在Facebook「中伏旅遊報料區」群組發帖，指日前以1280元加入五天四夜重慶「定制團」的中伏經歷；大呻「原來份合約係『賣你豬仔』去平價團嘅合約」。
樓主早前在網絡見到「定制遊」旅行廣告，「重慶五天四晚深度遊」，旅行團服務包括「全國金牌導遊」帶隊、專車接送、入住高檔酒店、包伙食、遊仙女山、天生三橋等著名景點。樓主被平價周到的廣告吸引，便向對方支付了兩人的團費2842.26元。

然而，真正的旅程開始後樓主才發現「唔對路」，她怒斥「點知被『賣豬仔』俾啲平地平價購物團要逼買嘢，又要坐夠2個鐘先準走，仲要我話離團要賠$2000，食又差住又差，同之前講的住最小4星完全不符，食又安排好似人哋工廠放飯嘅地方，環境惡劣」。

最令樓主感到氣憤的是，她詢問同團的內地團友，發現她們報團的費用僅400元，與自己支付的金額相距甚遠，她呼籲「大家千萬不要跟啲定制團，全部都係呃人，仲要畀份合約你簽，又冇解釋。」她透露，自己在不知情的情況下簽署了旅遊合同「我以為俾咗錢簽收嘅收據」。

而據樓主上載的旅遊合約，其中明確列明第四日行程安排，明確不少於4小時的購物活動，甚至直接列出須購買物品包括「翡翠、絲綢、棉花、四件套」；合約甚至有「聲明」指遊客是「自願」前往購物場所，而非「強迫」。

網民看過帖文後，紛呼籲不要「貪平」，並建議向內地有關部門投訴，「去旅行真係唔好貪平！呢啲永遠都中伏㗎！我寧願貴少少都要我假期玩得開心」、「你可以在內地旅遊局投訴，佢哋跟得好好，只要你證據足夠可以」、「貪平的後果」、「有埋合同就搵市場監督管理局投訴啦」。

還有人教路辨認可靠的旅行社，「散客團/拼客團還是跟大平台吧」、「（報旅行團）聯繫行程負責人問清楚細節，確認有沒有旅行社牌照/保險；要簽合同付款確認！問多啲睇下啲反饋回應多不多好評」、「Facebook賣廣告嘅，多數係呃人，不論行業」。

0 0 0

私人傳訊回覆引用

SandyKL

琥珀宮

積分: 170492

35^#

發表於 26-1-23 10:18 |只看該作者

回覆樓主：

本帖最後由 SandyKL 於 26-1-23 10:21 編輯

樓主，你係FB搵仲衰過小紅書上的旅行社，合約列明哂，你簽咗，好難投訴甲方。

咁我都係舊年去蘇杭旅行，搵咗網上的所謂金牌導遊，見係台灣人推薦，坐7人車小團，讚到個導遊上天，咁我係微信聯絡佢，講明要跟小團，佢列哂行程，5日2晚行程¥1800（自己購買來回重慶與深圳機票），對方將我地應該轉俾旅行社，不是預期的小團，是混其他人，一樣的，落機有車接送到某酒店簽約，這是內地旅遊方式，需要簽約，我是簽電子合約。當時心諗價錢咁平嘅，到了果間酒店大堂簽約，知道我地比其他內地人收得貴，但大家唔同團，我略過了。

就冇購物，但頭3日夾埋東南亞旅客一團，坐大旅遊巴，之後兩日又夾其他內地人一團，我心中不悅，但又好難挑剔，因為約簽了，話中招又不全係，景點去足，不同的導遊都落力，又唔使俾小費。

而前年去重慶，我係自由行架，係Klook搵一日團，呢次真係一架7人車嘞，費用幾百蚊一日，不包中午餐，去武隆天坑、烏江畫廊，呢個唔使簽約嘞。又另外在重慶機場被個司機說服帶我地去當地旅行社跟個市內一日團，百幾人仔，呢個要簽合約，冇購物，但自由加錢食午餐與遊個由防空洞改裝而成的咩太空漫遊，見有人唔報名，如果不另俾錢呢樣就好抵嘞。

綜合哂，我意見係不要在FB上或網上跟果啲，係Klook或KK Day甚至內地的馬窩蜂都好過FB賣廣告果啲團。

私人傳訊回覆引用

333s

象牙宮

積分: 240467

34^#

發表於 26-1-23 08:46 |只看該作者

FTR603 發表於 26-1-22 10:29
為省時省心，部分港人旅行會選擇報旅行團，但選擇旅行社一定要慎重！近日，有香港女生在Facebook「中伏旅遊 ...

山河入梦来

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊回覆引用

Carol999

珍珠宮

積分: 39254

牛年勳章

33^#

發表於 26-1-23 08:40 |只看該作者

小菜豆發表於 26-1-22 12:08
想平靚正搵brother4 join 果啲團ok

真正臥底旅行團

4哥～等你分享

至於我和我家，我們必定事奉耶和華。（書２４：１５）

私人傳訊回覆引用

CathyChan1126

水晶宮

積分: 59896

畀面勳章

32^#

發表於 26-1-23 08:31 |只看該作者

平到咁
唔係諗住有鮑魚食呀

私人傳訊回覆引用

observer

侯爵府

積分: 20145

2024年龍年勳章牛年勳章

31^#

發表於 26-1-23 08:20 |只看該作者

jamesbond007 發表於 26-1-22 21:25
最唔底係人地比Rmb400，事主就比Hkd 1280. 即系比人握咗hkd 880

呢位阿姐都唔識計數 !
究竟佢喺邊度畀人賣豬仔？
喺國內重慶！
即係佢去到國內先畀人賣去國內團，人哋400蚊人仔係喺重慶當地入團。
咁佢係香港，去重慶嗰層交通費?佢唔計呀！

佢肯定係搭飛機過去啦，就算搭高鐵呀，都要錢㗎！同埋一定包埋佢回程嘅飛㗎啦。

總之唔使幾千蚊嘅團，就預咗會轉交內地團嘅。
至於個團有冇迫你去購物？除非呢張合同喺國內先交畀你啦，否則香港已經係手，咁有合約又唔睇，自願中伏怨咩人呢！
仲傻更更去社交媒體自爆。