少年成長今日: 0|主題: 16132

收藏本版

回覆發帖

返回列表

跳至頁

查看: 21479 | 回覆: 0

高中選科策略 [複製鏈接]

csir3290

子爵府

積分: 12793

1^#

發表於 26-1-25 11:43 |只看該作者 |正序瀏覽 |打印

細佬啱啱考完試，即係又代表細佬中三升中四選科嘅過程即將開始。呢個時候，通常問親啲細路仔中三升中四選科有啲乜嘢心水，十個有九個都係會話冇乜方向冇乜目標或者唔知道。記得兩年前家姐選科嘅時候，一開頭家姐都係冇乜方向，所以一開始嘅時候都係搵下資料然之後同佢一齊傾吓。但係有咗家姐嘅經驗之後，今年我覺得同細佬選科嘅時候，應該方向同傾嘅方法都應該會清晰一啲。
首先，我自己覺得選科不外乎三個方向，就係個人能力、興趣同埋將來嘅出路，好多人都會覺得興趣行先重要啲，但係我自己就覺得香港始終都係考試主導，即係話就算你幾有興趣都好，但你將來都要面對文憑試，過到關之後先至可以上大學。所以你幾有興趣都好，如果你想選讀嗰科嘅能力唔高，咁反而會減低咗入大學嘅機會，所以我自己就覺得能力應該係行先，跟住先至係興趣，最後就係出路，呢一個擺位純粹係就住香港考試主導，如果要上大學首先就要過到文憑試過關去設定。

所以今年我決定同細佬傾選科嘅時候，首先會參考學校期中考試嘅成績，然之後叫細佬將唔同嘅選科先列一個表，我哋可以叫呢一個表做「選科策略表」，即係分別列出每一科嘅能力興趣同埋出路，例如化學科其中試成績合格而又有興趣嘅話，就喺呢兩格度剔咗佢，如此類推咁你就會得出每一科係咪有能力同係咪有興趣，如果再細分啲，仲可以將能力同興趣用1 2 3 4咁去排位，咁個表就會再仔細啲。但係家長亦都要留心能力除咗係其中是成績呢一個客觀因素之外，其實都要考慮下自己細路仔佢主觀嘅感受，因為細路仔喺中三嘅時候雖然好多選科都會有讀過，但係始終都係比較表面，未係去到深入，所以除咗睇成績呢個最客觀之外，都要問下細路仔其實讀得辛唔辛苦，然之後再去請教下讀個呢科嘅師兄或朋友，或者其他有經驗嘅人，例如老師，去了解下去到高中嘅時候選科嘅深淺情況，咁得出嚟嘅結果先至會比較全面。

有咗呢個「選科策略表」之後，我就覺得相對比較容易去定出選科嘅方向，咁好明顯如果個科係能力又高又有興趣嘅話，咁自然就揀個科囉！好似細佬咁要揀三個選科，如果喺個表入面就已經可以見到三科都係能力好而又有興趣嘅咁就最容易喇，就揀嗰三科！相反另一個極端，如果成個中三期中試考試成績都唔好，即係能力全部都係唔係好得嘅話，咁亦都相對容易揀，因為既然橫掂科科都能力唔高，咁就用全部興趣行先就可以了，因為就算能力唔高但係起碼個科都叫做自己有興趣，讀起上嚟可能會冇咁辛苦，甚或至乎因為有興趣，所以肯放多啲心機落去克服困難。

今次我哋講咗利用「選科策略表」最易揀科嘅情況，下次先至再繼續講其他情況嘅選擇方法。

0 0 0

私人傳訊回覆引用

跳至頁

返回列表

回覆

發帖

熱門搜尋：

少年成長 今日: 0|主題: 16132

瀏覽過的版塊

少年成長今日: 0|主題: 16132