自由講場今日: 1645|主題: 1360444

收藏本版

回覆發帖

返回列表

跳至頁

查看: 1761 | 回覆: 18

翁靜晶爆娛圈性侵事件黃樹棠怒打TVB「高層淫魔」救雪梨 ... [複製鏈接]

elbar

公爵府

積分: 27015

1^#

發表於昨天 18:49 |只看該作者 |正序瀏覽 |打印

▲ 翁靜晶邀邀老友雪梨《危險人物2.0》任嘉賓，憶當年娛圈「#metoo」事件。

翁靜晶在前晚（2月25日）於自己YouTube頻道

《危險人物2.0》邀老友雪梨任嘉賓，兩人「那些年」的少女齊揭娛圈「#metoo」事件。

二人都是約14歲便闖入娛樂圈，因為同期出道年齡相約故此份外投緣，當年TVB花旦黃曼凝也是二人並同好姊妹，翁靜晶在節目稱，當年很多女藝人都想成為成龍的女朋友，偏偏曾當《A計劃》女主角黃曼凝卻不渴望，故翁靜晶半開玩笑指，因此黃曼凝只當過一次成龍電影女主角而已。

黃曼凝反抗到底

雪梨也曾在成龍《龍少爺》當女主角，翁靜晶突然問︰「佢有冇搞過你？」雪梨不直接回應，即說︰「關你咩事！」然後霸氣表示︰「話有嘅出嚟同我對證。」不過翁靜晶也補充說，如果大家後生、開心、有感情、你情我願，其實發生關係都冇問題，但如果強逼就絕對不能接受，雪梨同意稱：「如果你講逼，我都唔逼得，真係死梗！」

翁靜晶指黃曼凝離開娛圈後，有人介紹她去北京見老闆傾生意，翁靜晶說︰「佢喺公司遇上一啲暴力……有個老細喺北京，發生咗相當唔好嘅嘢……即係男人同女人嗰啲啦，最後黃曼凝要反抗到底，門都踢爛都要反抗到底。」

黃樹棠出手相救

雪梨亦回憶稱，當年她在TVB拍完第一齣劇後碰上高層淫魔：「有一晚高層唔知喺邊間夜總會，喺度蒲，我飲大咗，瞓咗喺度，有個人喺度摸嚟摸去，我話『唔好搞我！走開！』」

幸好黃樹棠當時剛入來，她續稱：「啱啱黃樹棠行入嚟，一嘢捉起佢，佢話『你𡃁妹都搞？』係咁揼佢，高層嚟㗎，係TVB第一把交椅，我迷迷糊糊睇住佢，心諗『打得好！打得好！』我都想打，但係我起唔到身。」

怒打色狼反抗

另外，翁靜晶也自揭十多歲時，與泰迪羅賓等到酒吧飲酒，因她要先行離去，於是泰迪羅賓建議由一位個字不高，後來成為導演的人送回家。

翁靜晶回想道：「嗰個係壞人，佢車咗我去佢屋企，話架車喺對面車房整緊就嚟整好。結果郁手郁腳。」該名心懷不軌的男子想「霸王硬上弓」，更拿手槍想迫她就範。

而一向勇敢的她絕不就範，更與對方打起來，說：「佢攞支槍出嚟指住我，叫我……我就唔信佢『嘭』我，支槍好似手掌咁細，嚇細路，我打起上嚟喇同佢！」

她續指：「你知我鍾意打架，我哋唔係女仔嚟，打到佢！我學功夫㗎細個，條友好細粒，打完佢之後我同佢講：『我話畀你聽，畀你得手你都死！我第一件事返去話畀我阿媽聽，我未夠年齡，我報警你監都有得坐呀！』嗰個嘢驚到騰騰震，我話而家唔使你送我返屋企，我即刻走返去怡東酒店話畀Teddy哥哥佢哋聽，頭先嗰個嘢係色狼，佢想夾硬嚟！全部人都知佢係邊個，我即刻去報串，佢哋算好啦，冇話報警，所以你話夾硬嚟得唔得？唔得！」

▲ 翁靜晶一向性格剛烈不好惹。

重提《醉拳II》曾志偉恩怨

此外，翁靜晶還重提與曾志偉的恩怨，指當年劉家良為想武師會有會址，跟嘉禾開戲拿到1000萬元製作費，自己片酬只60萬元，其餘撥出買單位作武師會會址。

當一切安頓，翁靜晶表示曾志偉竟聯同其他人踢劉師傅出局，說：「但嗰層樓我哋做擔保，曾志偉攞晒所有控制權，做埋會長，叫佢轉擔保人，但佢一直唔搞，當時我又未讀法律。」

於是她趁《醉拳II》首映活動時，當眾向傳媒公開事件，風波才得已解決，多年後翁靜晶仍意難平，在節目上頗氣憤︰「劉師傅帶你出身㗎，矮仔。」