自由講場今日: 1401|主題: 1370584

收藏本版

回覆發帖

返回列表

跳至頁

查看: 454 | 回覆: 0

40歲FIRE族棄財富自由、寧及時行樂擬祼辭兩年「重置人生」. [複製鏈接]

elbar

公爵府

積分: 28708

1^#

發表於 26-3-13 15:44 |只看該作者 |正序瀏覽 |打印

本帖最後由 elbar 於 26-3-13 15:45 編輯

▲ 40歲FIRE族棄財富自由、寧及時行樂　擬祼辭兩年「重置人生」　留言大唱反調：金錢仍是人生目標

財富自由、提早退休是很多上班族的夢想。近十年在世界各地興起的FIRE（Financial Independence, Retire Early）潮流，目標是儲下大部份的人工，並節衣縮食、戒絕消費且，務求在30至40多歲的青壯歲月辭職嘆世界，此後靠積蓄和投資產生的被動收入生活，擺脫勞動生涯的枷鎖。

但能夠堅持這種嚴苛的「超級儲蓄」模式的人又有多少？半途而廢者恐怕不在少數。一名網民語重心長的分享由青年到中年，從FIRE財務自由的追求者，去到現在生活隨偶而安，裸辭去及時行樂並重建目標的感受。

40歲FIRE族覺今是而昨非
擬中年祼辭重置人生

"由天道酬勤，到FIRE movement，再到及時行樂die with zero"

「以上係小弟由20歲、30歲、到宜家40歲嘅心路歷程」一名網民在本地知名網上論壇表示，年輕時曾自覺無限可能，於是努力證明自己、力求上位，然而耗盡精力也無法換取心目中的成果，「夢想都變成遙不可及、甚至覺得去實現佢地係浪費時間金錢」；

"再然後就不斷死慳死抵去儲錢，希望將來唔使做野都生活到，不斷壓榨自己對生活嘅嚮往...

明明自己先係自己人生遊戲嘅主角，結果硬生生將自己變成NPC"

NPC全稱非玩家角色（Non-Player Character），是指電子遊戲內的不受玩家操控，由電腦AI或劇本控制的陪襯人物。其存在目的多為推進劇情，通常提供任務服務或純屬路人，行為和對白往往可預測、簡單且重複，換言之：行屍走肉，沒有靈魂。

前輩突然去世　覺悟生存不需大富大貴

「祝各位早日離苦得樂。」樓主不甘受主流灌輸之金錢觀掣肘，續稱早已認同《別把你的錢留到死》（Die with Zero）一書的論述，且又受到今年某些經歷所啟發、「好多思緒撈埋一齊」、「結果就引爆咗我呢個想法」。他在留言透露真正的契機是：

"一個我幾admire、現實生活幾『成功』嘅前輩，新年前仲有食過飯，放完假收到消息話佢走咗…

咁啱我新年去咗東南亞旅遊，發覺我其實唔需要香港個種高端生活模式。"

他主要認清︰生存其實不需要大富大貴，而生活更不用建築於金錢上。

「短時間去咗幾次比香港落後嘅地方旅行，我食平野行地踎檔鳩坐海邊我都覺得好快樂」、「簡單計過數，身家夠support我幾年唔做野」樓主透露，已籌備緊祼辭，給自己兩年時間來「reset人生」，尋找追求財富方面的答案：「喊住咁鋸和牛，唔會比同愛嘅人拖住手食魚蛋燒賣好味。」

部份網民有共鳴︰以「減法」達到財自

也無從得知樓主分享的是否真人經驗，但該帖文竟收到逾600個讚好，壓倒了20多個倒彩，也有不少深入討論的留言，在香港討論區實屬罕見。一人表示認同樓主：

"只要生活係諗點樣做減法，其實好快就財自到，尤其收入有返咁上下嘅人。"

而另有網民關心樓主祼辭後的生活打算：「收入洗費個part如何？」獲回應指「使費不大」。樓主稱未來兩年最主要任務是讓個人的心境靜下來，細心傾聽自己想如何過上剩餘的人生：「就算之後要做返社畜，有手有腳唔會餓死嘅」、「仲諗緊（落腳地），但已知一定會辭職放空個人先」、「最有可能係遊走東南亞大灣區呢啲低消費地方先」。

立志及時行樂，全因「衝破心魔」

有人譏諷樓主：「Ching試下銀行戶口啲錢俾晒我個心會再靜啲。好認真，樂施於人快樂之本」；也有人抬槓問道：「簡單啲，講左資產先」，不過樓主輕描淡寫：「一講資產，基本就係陷入慾望漩渦；」

"計FIRE條數係基於你期望生活水平，唔搞清你想過咩生活先就走去計資產，係本末倒置。"

「啫係靠saving？以為你有passive income」亦有人查詢，樓主透露「都叫做有嘅，小弟財務知識都唔太弱」：「重點係我以前想『儲夠』先開波享受人生，我宜家就衝破心魔，唔使一定要好穩陣先去馬。」

時勢做英雄，強求沒幸福

「同你差唔多，35歲，不過我一路都係可省則省、要用則用，低物欲與高物欲並存心態。」一名網民大致讚成樓主的人生重置，認真長篇留言，認同個人心態決定了看待金錢的境界：「平時三餸飯做日常，心血來潮於食個幾千蚊」、「唔會無啦啦買衫，但啲衫舊到霉或爛就換」。

"投資有機會就買，無心水就做下定期。唔強求。所以野平常心。機會黎到就試下把握。把握唔到就放手。

相信現實生活係時勢做英雄。唔強求但唔會放棄。因為好多時人生真正既機會未必係好後生可以到達。"

網民續指，財富同知識都是積累過程，平凡人要靠長跑先有可能追貼天才，「唔係要贏人，只係想追貼人同贏自己、盡可能發揮可能性。」

「好多人覺得人生好苦，係因為佢地要玩一隻自己唔鍾意玩嘅game」、「但你諗返細個打機卡關，唔會覺得苦，反而不斷諗方法去贏，關鍵分別就係心態。」因此，樓主也表示大致認同該留言的概念：「我目標就係要reset自己對世界嘅心態。」

部份網民唱反調：財自仍是人生目標

"巴打我buy你，根本條數個個唔同，講嚟有乜為。我話一千萬，又有人會話太少，唔通真係個個都三億一世無憂咩。"

雖然類似以上的打氣說話不少，但一講到錢，很多網民還是火氣十足，多少有點質疑樓主人到中年放一個這樣的悠長假期，在財務上究竟有幾可行；亦有人認為，只要在社會生存，財富仍然是人生價值追度的重點目標，不同意淡薄名利。例如一人斬釘截鐵唱反調：「我都4張，依然覺得財自先應該係人生目標。」

"「財自係手段，唔會係目標喎師兄…」樓主雖然如此回覆，但對方不甘示弱：「概念問題，即係財自咗先有好多目標可以實驗。」樓主再解釋：

財自係基於幾個variables去計算，而呢啲variables係不斷根據你目標而變，所以底層邏輯財自唔會係目標。

當然財雄勢大一定多啲選擇，我就係想用兩年時間諗清楚自己想點。"

其他網民也力抒己見：

"我財自既定義係：有永續既金錢去支持我想要和未來可能想要既生活，而無須係有生之年再工作。

基本係數學問題，平均死亡年齡加多1至2個標準差，睇下自己幾時死。幾多錢先夠生活，如果個市波動，要多幾倍資產。要唔要養埋身邊最親近既人。

成件事變左天文數字。當變左天文數字就無壓力，得唔得變左成就解鎖，而唔係硬性通關。"

"其實係目標，手段係達成目標過程中所使用嘅。而目標又分階段嘅，例如達成財自先開啟到其他階段目標。"

Reset重要　但「躺平」也許不是出路

「唔係認同個遊戲，但遊戲規則就係咁。所以用最高效率過關先打下一關唔得？」一人似是提醒樓主不能渾噩：「如果你都唔知人生要做咩，下一關要打邊個大佬又唔知，Reset完可能只係變左躺平。」

「結果係點無人知，可以擔心嘅野亦太多，但我相信兩年只係用咗人生好短時間，值得我投資去疏理過往嘅思緒」樓主捍拒自己立場稱，但對方言辭犀利：「同意可以用啲時間諗下，但唔好跌左入覺得錢唔重要，低物慾就唔洗用錢呢個旋渦，咁唔係及時行樂。」

"諗清楚自己要咩，錢可以好重要亦都可以唔重要，視乎你人生想得到咩。

錢係手段，如果你真心想要既野都係要用到錢嘅；

咁冇辦法你一定要繼續呢個遊戲，而唔係相反我玩唔贏呢個遊戲就躺平。"

「無講過錢唔重要，無錢嘅話根本support唔到生存，」鑑於話題已陷入雞同鴨講的死局，樓主只能話：「重點係要認清自己想點，唔排除我reset完可能更加想紫醉金迷，who knows」

0 0 0

私人傳訊回覆引用

跳至頁

返回列表

回覆

發帖

熱門搜尋：

自由講場 今日: 1401|主題: 1370584

瀏覽過的版塊

自由講場今日: 1401|主題: 1370584