自由講場今日: 2285|主題: 1370607

收藏本版

回覆發帖

返回列表

跳至頁

查看: 676 | 回覆: 7

觀塘「借錢黨」騙術再升級！稱朋友受傷倒地唔郁得索錢睇. [複製鏈接]

elbar

公爵府

積分: 28708

1^#

發表於 26-3-21 12:55 |只看該作者 |正序瀏覽 |打印

觀塘「借錢黨」騙術再升級！近日，有女生在Threads發帖「警世」，稱她放工途經觀塘時，見到有人向她求助，指朋友受傷倒地不能動，要到急症室看醫生，故向她借錢。

事主熱心回應可以幫忙「call白車」卻被回絕，對方表示只要錢，令她警覺打算拿手機拍攝情況，更險些被搶去手機……而後事主表明「身份」將其成功擊退……

稱朋友受傷倒地唔郁得　索錢睇醫生

樓主以「警世！各位香港人注意！」為題發帖，指日前行經觀塘管理小學下面斜坡時，被1名操普通話女子截停並詢問她是否本地人，樓主以為對方要問路，便回答「係」，而後對方表明「佢朋友整親定唔知乜，講到好嚴重咁話喺地下唔郁得，之後問我有冇錢，唔知話要去急症室定係睇醫生」。

熱心的樓主讓女生帶她前往朋友處，並表示可以幫忙「call白車」，惟對方表示無需「call白車，淨係要錢」此刻樓主便猜測對方大概率要「呃錢」，便表示「我係診所護士啱啱放工，可以幫到佢，事實上牛頭角診所真係喺隔離」女子聞言又突然改口，稱不用麻煩她，問她要錢買麵包。

稱自己與男友是醫生及護士　可提供幫助

樓主想要拿出手機錄音，便「加碼」謊稱「男朋友係醫生可以即刻嚟幫手」，惟舉起手機時對方「一見即搶」；樓主奪回手機後，女子「又係咁望住我手機撳啲乜嘢」，並表示「要粒糖就得」，樓主再表示「男朋友係醫生」，女子聞言立刻轉頭離開。

樓主舉手機追上前錄影，一再表示能夠幫到她和朋友，惟對方微笑並快步行走，表示「沒關係沒關係，我們不好意思」，最後衝紅燈過馬路離開。

網民提醒騙徒疑是慣犯

帖文及影片引起熱議，網民稱讚樓主「做得好」，還有人認出女子疑是「慣犯」，曾於多區出沒「呃錢」，「又係呢個女人，之前油麻地撞過佢話自己無錢食飯叫我畀錢佢，我有friend喺隔籬開餐廳話帶佢去食，佢即刻走」、「尖沙咀、油麻地、旺角、沙田都見過呢條友」。