wannabe118 發表於 26-4-14 20:15 
工傷係好難扮 耐左公司都會搵人甚至私家偵探去查啦
工傷要睇下係咩工傷，有係扭親筋骨嗰啲，難講﹗
我見識都幾單，都係扮工傷，朝朝都見佢落街食早餐，行得走得﹗但有時，又見到攞住手杖黎行，之後，啲街坊話佢同啲街坊講，係扮野呃保險。
又一個，係我多次去醫院咁識既﹗醫管局啲阿姐黎，話有工傷一排，跟住返工，但佢話有筋骨勞損，唔再做得粗重野，又唔可以勞動太多，於是，病房就俾張椅佢坐住，只係望住啲病人啫，佢咩都唔做既。
咁我同啲護士熟，問下嗰個阿姐做咩咁歎既，護士笑笑口，話呢啲人，等退休架喇，無人敢叫佢做野，一做佢又詐死，又病假架喇。
護士話，個阿姐一放工，就精神晒架喇。幾唔服都好，阿姐識攞醫生証明。
當年我公司有位員工，佢都想呃我工傷，不過我暗知佢打兩份工既，我疑問佢點受傷，同埋，佢無通知我而打另一份工，有損我公司利益，會唔會係唔夠精神之下受傷呀？
最後，另一員工講俾我知，原來佢係夜晚做另一份工，需要搬運既，而整傷﹗好彩，否則，又入我公司數﹗
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
