少年成長今日: 4|主題: 16130

收藏本版

回覆發帖

返回列表

跳至頁

查看: 13768 | 回覆: 0

敢於選擇與負責 [複製鏈接]

csir3290

子爵府

積分: 12776

1^#

發表於 26-5-3 11:39 |只看該作者 |正序瀏覽 |打印

之前去參加阿仔學校舉辦嘅中三選科講座，講嘅內容大致都係同我之前講嘅差唔多，即係選科要由三個方面去諗：興趣，能力同埋出路，但係聽到最後我覺得最入心嘅反而係老師講嘅兩句說話，第一就係到最後都要由學生自己去負責，同埋第二就係要讓學生敢於選擇。
首先，選科最後都要由學生自己負責，老師係想提醒家長其實到最後選乜嘢科同埋去讀嘅都係個仔女自己，千祁唔好因為家長自己嘅興趣或者家長自己認為好就強迫細路仔去跟住自己嘅選擇，即係例如家長心目中就好想細路仔讀醫，咁自自然然就好希望細路仔會揀生物同化學，但係明明個細路仔對呢兩科都冇乜興趣或者能力唔高，但係因為家長嘅意願同埋覺得出路理想就係要細路仔揀呢兩科。但係通常咁樣嘅選擇除非個細路仔自己都有興趣，如果唔係到最後都係冇乜好結果，所以老師就提醒選科最終都應該係由細路仔作最後決定，而且亦都避免將來細路仔會將責任歸咎於父母。始終要面對三年嘅課程同埋讀得開唔開心都係個細路仔自己要去面對嘅。

另外就係要畀細路仔學會選擇，呢個我更加認同，因為好多細路仔自細就係由父母決定一切，佢哋唔係唔想選擇，而係當想選擇嘅時候，好多時都畀父母以呢樣那樣各種理由去否決，最簡單最簡單嘅原因就係父母覺得係為佢哋好，所以就要佢哋跟住父母嘅決定去選擇。由細都係父母決定一切嘅細路仔根本就冇學習選擇嘅機會，咁細路仔又點會懂得選擇又點會勇於同父母講自己嘅選擇呢！所以要讓細路仔學懂選擇同埋勇於選擇，家長就應該自細開始畀機會細路仔自己去選擇，而且作為家長亦都要學會尊重細路仔自己嘅選擇，雖然有陣時我哋會覺得佢嘅選擇未必係最好，但係只要我哋從旁協助從旁同支持，細路仔亦都會學懂為自己嘅選擇負責任。況且乜嘢係對細路仔最好，好多時都係父母自己諗嘅，又有冇真正考慮到細路仔嘅意願呢！我唔係話乜嘢都要畀細路仔自己揀，但係起碼我哋要畀足夠多嘅機會細路仔自己去選擇，更加唔好見到細路仔選擇錯咗嘅時候就喺身邊落井下石，反而我哋應該要畀細路仔學習同埋知道選擇錯咗唔緊要，最緊要係學懂負責任同埋改過，呢個時候如果家長懂得發揮支持嘅作用，咁細路仔學習選擇嘅成果就會事半功倍。如果細路仔喺小事上面都唔識或者唔敢去選擇，去到選科咁大件事又點會懂得去選擇乜嘢係對自己最合適嘅選擇呢！

所以無論選科又好，甚至乎生活上嘅其他細節都好，懂得讓細路仔學會負責同埋勇於選擇，都係家長教細路仔其中一個非常重要嘅課題！

0 0 0

私人傳訊回覆引用

跳至頁

返回列表

回覆

發帖

熱門搜尋：

少年成長 今日: 4|主題: 16130

瀏覽過的版塊

少年成長今日: 4|主題: 16130