吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 阿爸與阿仔的恩怨—-沙田乙明邨父子學貸案反思 ...

自由講場今日: 1120|主題: 1370653

收藏本版

回覆發帖

返回列表

跳至頁

查看: 3291 | 回覆: 30

阿爸與阿仔的恩怨—-沙田乙明邨父子學貸案反思 [複製鏈接]

蝦米豬

子爵府

積分: 13079

1^#

發表於 26-5-23 16:52 |只看該作者 |正序瀏覽 |打印

本帖最後由蝦米豬於 26-5-24 16:38 編輯

沙田乙明邨阿爸墮樓案，不知那位兒子是否副學士升大學要學貸？政府資助學位和自資課程的學費會差很遠。如是讀碩士，尤其是靠上課的那種，學費會更貴，不知是甚麼攪到阿爸和阿仔都咁激動？可能把口唔收，例如：你無鬼用，你好癈，正垃圾，生舊叉燒好過生你，點解隔離xxx個仔咁好你唔係？人有阿爸（阿仔）我有阿爸（阿仔）點解我嗰個會咁，點解你生我出嚟…… 之類，如果想破壞家庭關係，講多D呢D，包有用有效，報紙傳媒報多幾單。

這件事也使我想起當年與多名三大同學的對話。

大家都是寒窗苦讀，很多住公屋，住居屋私樓是少數（可能我圈子的問題？），當年大家都有申請政府學貸，20年前我忘了是否有不用審查的學貸，大家的申請都要面對家中阿爸，

有位同學同我講，即使他入到三大（廿年前更難入？），佢阿爸為了達到五十歲退休的計劃，要佢出嚟做嘢，唔好讀。後來佢阿爺知道，同個孫講，你阿爸正衰仔，你阿爸唔供你，我供你。最後呢個同學申請學貸grant loan完成學業（沒有靠阿爺），要‘蟻’阿爸簽名，阿爸很不情願簽，因為要資產審查，如不簽自己也不願拿幾萬一年供仔讀書。同學的零用錢靠幫人補習賺番嚟，一蚊都無拿過屋企（他住宿舍），畢業後五年還晒學貸。

到大學畢業一齊影畢業相，我見到佢一大班親戚來，包括佢阿爺，唯獨無佢阿爸，後來我問點解佢爸唔嚟影畢業相（畢業禮當然都無參加），佢話家人認為佢爸唔抵得個仔咁叻，個仔係佢家族第一位正式大學生，讀書從來無叫屋企人擔心過。

呢個同學EQ很強，加上學業勁，後來畢業入到大行做management trainee,現已成為企業高層，年薪7-8位數，唔知佢阿爸有無繼續眼紅佢，和是否完成五十歲靠仔提早退休的大業？

0 0 0

私人傳訊回覆引用

Fishqqma

琥珀宮

積分: 150017

2025勳章蛇年勳章 2024年龍年勳章虎到金來勳章

31^#

發表於 26-5-24 11:12 |只看該作者

萍pig 發表於 26-5-23 17:40
愈窮的父母愈早退休。
窮人思維：你辛苦是你的事，最緊要我舒服。生你出嚟，就係比福我享。這就是生育目的 ...

窮又點退休

私人傳訊回覆引用

蝦米豬

子爵府

積分: 13079

30^#

發表於 26-5-24 11:05 |只看該作者

本帖最後由蝦米豬於 26-5-24 12:59 編輯

onlam2005 發表於 26-5-24 10:14
就呢單case講
明報寫佢哋係攞緊綜緩
父62，母52

如果昰綜緩人士，申請政府資助大學學位學貸grant loan很大機會是grant, 即唔使還嗰隻，但要資產審查。

如果只是中學或副學士畢業，出嚟做到乜？文員仔和保安員現在都有不少大學生做，除非做飲食業。如果做維修和看護，都係要讀D書，學徒跟師愽，考牌。
阿仔出嚟做嘢，會否攪到收入超出限額拿不到綜緩，又係累咗阿仔。我有個基層朋友正是這情況，兩母子一直靠綜緩生活，阿仔讀唔成書，肯出嚟做嘢，但一做就cut一大筆綜援，甚至拿不到綜緩，阿媽D醫療開支就問佢攞，他自己唔會儲到錢，苦惱中

私人傳訊回覆引用

萍pig

子爵府

積分: 13166

29^#

發表於 26-5-24 11:05 |只看該作者

Anpanmama 發表於 26-5-23 16:55
咁多年，我相信佢老竇反而想同佢和解因為有老又冇錢，可能真係要靠個仔！
如果係我，我會和解，但不會原諒 ...

呢個世界，只有一班做了父母的，要迫仔女無條件地孝順。

私人傳訊回覆引用

onlam2005

公爵府

積分: 26089

馬年勳章 2025勳章蛇年勳章環保接龍勳章

28^#

發表於 26-5-24 10:14 |只看該作者

回覆樓主:

就呢單case講
明報寫佢哋係攞緊綜緩
父62，母52
除非殘疾
否則嗰仔咁大都無人工作
緊係有d問題

私人傳訊回覆引用

breadcheung

伯爵府

積分: 17819

27^#

發表於 26-5-24 10:12 |只看該作者

amazing 發表於 26-5-24 09:20
其實真係要睇情況，我有個同事佢阿哥賣樓供個中四仔去外國讀書，個仔本身喺香港都成績唔好，當然佢哋對佢 ...

佢係賣自住樓定係出租樓啊？如果係前者犧牲極大

私人傳訊回覆引用

天貓

水晶宮

積分: 62946

馬年勳章 2025勳章蛇年勳章

26^#

發表於 26-5-24 09:27 |只看該作者

amazing 發表於 26-5-24 09:20
其實真係要睇情況，我有個同事佢阿哥賣樓供個中四仔去外國讀書，個仔本身喺香港都成績唔好，當然佢哋對佢 ...

其實讀到嘅，去到外國唔會讀唔到，香港讀唔到，去到外國都唔會好….

私人傳訊回覆引用

amazing

伯爵府

積分: 17880

25^#

發表於 26-5-24 09:20 |只看該作者

redhot 發表於 26-5-23 23:23
我個人覺得都要視乎情況，唔係個個讀得書，如果唔讀得的話，做工未嘗不是好事。例如讀到30歲都仲話讀就咪搞 ...

其實真係要睇情況，我有個同事佢阿哥賣樓供個中四仔去外國讀書，個仔本身喺香港都成績唔好，當然佢哋對佢有寄望，點知書就讀唔成，返嚟成年自閉乜都唔講，最後要考返政府嗰啲毅進計劃再讀IVE，依家唔知做緊乜。

私人傳訊回覆引用

mandy952

琥珀宮

積分: 192811

馬年勳章

24^#

發表於 26-5-24 08:45 |只看該作者

redhot 發表於 26-5-23 23:23
我個人覺得都要視乎情況，唔係個個讀得書，如果唔讀得的話，做工未嘗不是好事。例如讀到30歲都仲話讀就咪搞 ...

而家好多讀完副學位再上，變相讀5年大學，有幾個剛畢業嘅都係咁，24歲先出黎做野，可能嗰個阿爸見個仔不停咁讀未唔滿意，想佢出黎做野

私人傳訊回覆引用

redhot

水晶宮

積分: 56392

23^#

發表於 26-5-23 23:23 |只看該作者

回覆樓主:

我個人覺得都要視乎情況，唔係個個讀得書，如果唔讀得的話，做工未嘗不是好事。例如讀到30歲都仲話讀就咪搞啦！但新聞中嗰個細路只得21歲，如果不是擺明讀唔到書嗰種，正常情況下應該要比佢讀，我自己認為21歲也屬正常讀書年紀

私人傳訊回覆引用

yuyueng

水晶宮

積分: 69728

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 15週年勳章親子王國15週年勳章畀面勳章 BK Milk勳章開心吸收勳章

22^#

發表於 26-5-23 23:12 |只看該作者

BKFinder 發表於 26-5-23 17:27
唔知内情不好自己作野再批判

咪係囉，作一大堆假設性揣測，對沙田父子唔公平。

私人傳訊回覆引用

金黑街矇

子爵府

積分: 14901

21^#

發表於 26-5-23 22:09 |只看該作者

luck8888 發表於 26-5-23 18:52
你個大學同學同我中學朋友好似，又係好耐之前，佢成績好好，入到大學，但屋企好窮，我朋友每年申請學資處資 ...

我都係九9X入大學及畢業嘅人，我嗰陣大學嘅同房，grant load全部係阿媽攞去攞做家用（已離婚，有個精神病大仔，有個不上進細仔）跟住我同房出嚟做嘢就慢慢還～全家都係女人負責做嘢

私人傳訊回覆引用

SOHOT

伯爵府

積分: 17906

20^#

發表於 26-5-23 22:08 |只看該作者

我好奇點解今時今日嘅香港，竟然有人覺得仔女讀到21-22歲係唔啱，係依賴父母！
正常大學畢業其實係21-22歲，根本就唔存在不停咁讀！更何況呢個case 嘅兒子只係叫父親簽紙核實資產審查
根本就係嗰阿爸短視自私，想個仔早啲出嚟做嘢，幫補家計，養返佢轉頭！
有啲父母其實好自私，生仔女係養兒防老，養到仔女18歲就完成咁，然後期望仔養返父母幾十年，直至終老，當中生仔女不是出於愛，而是為咗自己年老時有人養有人照顧，自私自利！

私人傳訊回覆引用

rebeccalin

珍珠宮

積分: 31280

牛年勳章

19^#

發表於 26-5-23 21:50 |只看該作者

萍pig 發表於 26-5-23 17:40
愈窮的父母愈早退休。
窮人思維：你辛苦是你的事，最緊要我舒服。生你出嚟，就係比福我享。這就是生育目的 ...

我6299幾係咁，後生嗰陣揾到吃喝玩樂賭，到我老公讀到高中時就話冇錢，叫我老公做嘢唔好讀書，結果我老公17歲就要出來做嘢養家。一邊做嘢一邊讀夜校進修。我地兩個真係日捱夜捱揾錢建立自己的家庭，同埋我地住得離佢地比較遠，冇事經常去探佢地，佢地想要咩買遲D俾佢地都話我老公不孝，搞到我忍唔住噴咗99一面屁，叫佢唔好係我面前講折墮，話佢咁樣講好折子孫的福氣，好似佢呢D唔理仔女，冇湊過一日孫，又成日挑撥仔同新抱離間，佢想要咩我老公都儘量滿足佢，孫子孫女又乖又聽話，佢話自己折墮講到D仔新抱孫對佢好差，係折緊我地福，我話以後唔要聽到佢係我面前講話自己折墮兩個字。又經常話我老公不孝搞到我老公唔開心。我直情同我老公講你已經好過好多人，要錢俾錢佢，要物質又滿足佢，仲想點？人地話父慈子孝，父母慈愛，仔女孝順係應該，但你老豆老母自細就係只顧吃喝玩玩樂賭，根本冇為你將來做過任何打算，你讀書交學費的錢佢去咗邊度？係賭檯度輸晒咋。唔好俾佢地洗你個腦啦。有時真係覺得我老公都幾慘，由細到大父母都冇鼓勵過佢，搞到佢從小就很自卑冇自信，大個又道德綁架佢，當人成長睇清楚好多事實之後，真係唔好怪仔女同父母關係疏離，這種疏離都係從小父母對仔女缺乏關愛同理解所造成的。父母之愛子必為之計深遠，係愛仔女就要由佢地出世為仔女計劃好將來條路，而唔係仔女讀到書借政府錢都唔肯簽名俾個字讀書啦。