吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 買樓定租樓? 月入4萬港男寧租唔供直言供樓失去人生 ...

自由講場今日: 131|主題: 1370761

收藏本版

回覆發帖

返回列表

跳至頁

查看: 4391 | 回覆: 95

買樓定租樓? 月入4萬港男寧租唔供直言供樓失去人生

[複製鏈接]

12 3 4 5

FTR603

子爵府

積分: 10052

2025勳章蛇年勳章

1^#

發表於 3 天前 |只看該作者 |正序瀏覽 |打印

香港樓價高企，「買樓定租樓」一直是港人熱門話題。近日有港男在討論區發文，表示自己與一班月入3.5萬至6萬元的朋友均認為，買樓已非人生必需，寧願將資金用作投資及旅遊，認為租樓更具彈性，更直言「供樓失去人生」。帖文引起大量網民討論，支持與反對聲音各半，有人認為「租始終無家既感覺」，亦有網民指出「個個都努力儲錢離開，仲買樓困住自己做乜」。

近日連登討論區上，一名港男以「好多年輕人都已經唔會將買樓，放入人生清單入面」為題發文，表示早前與一班朋友聊天，眾人月入約3.5萬至6萬元，但一致認為買樓已不是人生必須目標。

他認為，租樓毋須承擔長年供款壓力，亦可因應工作或生活需要隨時搬遷，把積蓄用於投資、旅遊及增廣見聞，生活更具彈性，更直言「供樓失去人生」。

樓主其後在留言補充，自己月薪約4萬元，目前與家人同住，每月可儲蓄約2.5萬元，估計3年可儲得約90萬元，已足夠支付不少住宅單位首期。不過，他坦言即使有能力上車，亦不打算置業，認為租樓彈性較高，而供樓則容易限制人生規劃，因此沒有把買樓列入人生目標。

不少網民認同樓主看法，認為現時樓市投資價值已大不如前，直言「買香港樓正傻仔，高價接火棒」、「買樓十年跌足十年，你就後悔點解買」、「支持租一世樓」。
亦有網民指出，若父母已留有物業，或本身沒有生育計劃，未必有置業需要，租樓反而可保留流動性，更方便日後移居外地或到大灣區、東南亞及日本等地生活，直言「個個都努力儲錢離開，仲買樓困住自己做乜」。另有留言認為，在AI發展、外勞增加及就業環境變化，保留現金比背負長期按揭更重要。

不過，亦有不少網民持相反意見，認為買樓未必只是投資，更重要是建立屬於自己的居所及資產，紛紛留言「租始終無家既感覺」、「租返十年，比人加租十年，你就後悔唔早啲鎖定住樓支出」、「租樓啲錢肯定蝕晒，租金多數一定升」。
亦有人認為，供樓總有完成的一天，但租樓卻可能要支付一輩子租金，加上年老後未必容易租屋，言「老左邊個租比你」，因此自住物業仍具有保障作用，亦方便日後將資產留給下一代。

0 0 0

私人傳訊回覆引用

FTR603

子爵府

積分: 10052

2025勳章蛇年勳章

96^#

發表於昨天 11:19 |只看該作者

薯圈發表於 26-7-29 02:30
以前就係, 而家d 樓咁貴, 按揭分分鐘做30年, 當你30歲買, 點保證收入好到60歲? 而家買樓辛苦太多了.
...

真係, 加上經濟差過以前好多, 仲要同外勞AI爭

私人傳訊回覆引用

薯圈

珍珠宮

積分: 42651

95^#

發表於前天 02:30 |只看該作者

熊熊老婆發表於 26-7-28 09:50
其實，供咼樓嘅人都知，最辛苦係頭嗰七、八年，之後其實好輕鬆，唔好成日話一世做樓奴
...

以前就係, 而家d 樓咁貴, 按揭分分鐘做30年, 當你30歲買, 點保證收入好到60歲? 而家買樓辛苦太多了.

私人傳訊回覆引用

sisilee321

伯爵府

積分: 17101

94^#

發表於 3 天前 |只看該作者

FTR603 發表於 26-7-28 09:03
香港樓價高企，「買樓定租樓」一直是港人熱門話題。近日有港男在討論區發文，表示自己與一班月入3.5萬至6萬 ...

年年都講同一樣野，唔買就幫業主供樓，無衝突，老左去老人院或返大陸住，想買的就買，唔想買就租，其實都唔駛年年都講

私人傳訊回覆引用

天天天藍

男爵府

積分: 9967

93^#

發表於 3 天前 |只看該作者

yuyueng 發表於 26-7-28 17:48
認同！買樓係假設層樓會升值先值得買，好多人覺得租金放起自己層樓度好過，但大家忽略咗要比息銀行，2010 ...

有個長者親戚，租樓好多年，其實夠錢全款買間兩房，但一路都糾結中，因為筆錢擺响銀行做定期，利息已經夠俾租，而且租樓較彈性，第二時留返啲錢俾仔女，手續都簡單好多，唔怕麻煩仲可以不時換下新樓住。唯一擔心係年紀大，好多業主唔想租。

私人傳訊回覆引用

mizuho

珍珠宮

積分: 45256

92^#

發表於 3 天前 |只看該作者

買樓係投資
租樓係生活需求
兩者冇衝突，有自己物業都唔代表需要自住
唔買樓唔代表唔做財務規劃，如果唔睇好物業升值能力或有更善長嘅投資渠道，何須一定要投資物業？

私人傳訊回覆引用

Skytree1000

珍珠宮

積分: 32981

91^#

發表於 3 天前 |只看該作者

FTR603 發表於 26-7-28 09:23
如果租吾出或者過到衰租客都幾麻煩, 仲有維修問題呢

X 2

私人傳訊回覆引用

yuyueng

水晶宮

積分: 69742

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 15週年勳章親子王國15週年勳章畀面勳章 BK Milk勳章開心吸收勳章

90^#

發表於 3 天前 |只看該作者

babytt2 發表於 26-7-28 10:23
樓價唔升，租抵過買，管理費，差餉好貴

認同！買樓係假設層樓會升值先值得買，好多人覺得租金放起自己層樓度好過，但大家忽略咗要比息銀行，2010 年或之前買樓仲有一倍兩倍升幅，而家動輒800萬起，當你問銀行借600萬，如果比息夠租樓不如租樓好過，租樓唔使比2球首期，呢2球買收息股仲有額外收入，租樓唔使比管理費差餉呢度又起碼差4千一個月，一年5萬係攞唔返。