吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 如果咁樣，你會唔會覺得你老公出賣你？ ...

婆媳關係今日: 0|主題: 27785

收藏本版

發帖

返回列表

跳至頁

查看: 3694 | 回覆: 24

如果咁樣，你會唔會覺得你老公出賣你？ [複製鏈接]

紫雅

大宅

積分: 1017

1^#

發表於 09-7-9 16:16 |只看該作者 |正序瀏覽 |打印

有日我同我姑拉嘈交，佢講咗一啲我好私人既事同我老公嗌交既事出嚟，想用我老公講既說話至我於死地，重話我老公想同我離婚，叫我去死，又話我老公都好想我死，叫我唔好係老公司等佢收工等，話我迫我老公結婚，迫佢攪婚禮。我聽完後，真係好嬲，佢不斷誣衊我，我之後都好嬲我老公！
我老公就咁解釋：我同你有一段時間好唔開心，所以我想揾個人講吓，我無咩朋友，就揾咗佢，好對唔住我唔知佢個人係咁衰，會講啲咁既野嚟中傷你！
我會更愛你，更錫你，唔再揾呢個人，你比多次機會我！
之後，我老公有打番電話去鬧佢家姐，話佢影響我哋感情，又講咗好多擺咗係心到好耐既說話，重話以後大家唔好再揾！
事隔一年喇，老公真係無再揾佢，到今日佢都話好唔想見呢個人！因為佢家姐好個人好自私，亦傷得佢好深，加上呢件事，所以心淡心碎！
但我到今時今日，個心都有條刺，有時為呢件事好唔開心！

0 0 0

私人傳訊

紫雅

大宅

積分: 1017

25^#

發表於 09-7-13 15:07 |只看該作者

我很明白親情可貴，這點我絶對認同，也是無容置疑的！何況我老公是一個孤兒，只有佢家姐一個親人。就是這樣，我感受更深！
佢家姐十多歲就出嚟玩，群埋一啲自以為好威，好勁既人。當佢做夜場時媽媽生時，佢帶個當未懂事既細佬上去玩(果時我未識我老公); 之後跟個放數佬，就叫個細佬跟佢揾食，當時我已同我老公一齊，我老公講，唔好浪費咗自己‧我老公個人好馴品，好有上進心，所以佢都無跟埋佢一堆。佢家姐，日日都係夜場，唔係落d就去劈酒，無咩學識，剩係做過啤酒妹，一心只係想揾個照顧到佢生活既人(唔會理果個人既背景)，所以我對佢既印象好差，關係亦一般。可能佢自身條件唔好，所以佢好保護自己，好怕人哋睇唔起佢；佢放晒啲事間去蒲，無係咩出嚟做過嘢，所以咩都唔識，價值觀亦相當有問題，思想好負面。老公同佢細個都好可憐，係灰姑娘故事，老豆死咗比個後母蝦，蝦到死果隻。但我老公就知道自己背景唔好，好上進，好努力，今日我哋生活都唔錯喇，佢係有好多好同事。佢家姐，都終於揾到個照顧到佢既人，靠賭外圍波為生既。但因為佢家姐群果啲層次既人太多，太耐，近墨者黑，佢對老公既傷害唔只一次，佢曾向老公追數(之前借咗佢錢)，係我哋婚禮上全場黑面(因為佢大住個肚嫁，只係係屋企樓下間酒樓擺咗兩圍。而我同老公想留個美好回憶，所以都攪得好好，好感人好浪漫，可能佢妒忌，所以果日比咗好多說話我哋聽，又黑面，結婚前一日佢重同我老公鬧交，我老公已叫佢唔好嚟，但我見男家一個人都無，所以最後係我叫佢嚟，真係好後悔！)之後老公要做生意，又好儍咁問佢借錢(因為之前問佢借錢，佢家姐語帶侮辱下追佢還)，佢家姐話佢有啲錢剩，都想投資吓，叫我老公預埋佢，但老公心知佢好食懶做，又唔識做人(因為有partner)，所以就話其實只係小股東，只係學習，唔係可以賺好多錢，咁佢即時話，無錢借！我老公聽完後好失望咁收線，失望唔係借唔到錢，而係佢既態度！其實我老公要話做生意時，我家人早就借咗十多萬比佢，好支持佢，重鼓勵佢，但唔知點解佢重要問佢家姐借多二萬蚊？到最後我借咗比老公！我老公已經話以後都唔會揾呢個人，老公話： ‘人長大啦！一切都改變咗喇，已經唔係細個一齊瞓碌架床既日子！”
令人好傷感既一番話！我很想世上有多一個人能愛我老公；很想這世上有多一個人能在他軟弱時扶持佢，開解佢；更渴望有一個好榜樣能令沒有爸媽的老公學習！我也曾希望過這是佢家姐擔當的角色。而事實，只能贈自己一句：算我想法太幼稚了！
在今次我同佢家姐爭吵中，其實可以解決好多問題，我都有曾經勁幼稚咁諗，佢之前所做既嘢係有苦衷，對老公講既話係無心，但可惜，不斷聽到既都只有大話，更反轉話係我老公唔ARM。係整個對話過程中我無講過半句老公之前講比我聽佢既事(例如佢做媽媽生，佢叫個細佬去放數…)只係講咗好多老公既遭遇，同佢無盡責既事，而佢就不斷用籍口，用大話去掩飾。用盡我老公對佢訴苦既說話去傷害我，攻擊我，如果佢講既野係事實我都想聽吓，等我可以諗吓老公既真正感受，可惜全部都只係誣衊，就好似啲八卦雜誌咁，將某一句放大，將內容修改加插，十多歲時我曾為家庭及學業壓力自殺過，原來我老公都有同佢講呢件事。佢同我講： ‘我細佬同我講佢好想同你離婚呀，你自殺威脅佢唔比佢離婚嘛，你自殺我細佬其實好想你死嫁，你快啲去死啦！我細佬咩都同我講嫁，佢係你面前扮嘢氹你咋，白痴，你係咩人我好清楚！”
一啲大欖都扯唔埋既事，佢可以講到咁。而且自殺呢件事，係我好私隱既事，我唔明白點解老公當時要話比一個唔鍾意我既人聽，所以我好愕然亦好嬲我老公！今日我可以係到講我呢件事，因為我已經面對咗我呢個弱點，我係儍過，但經一事長一智，我已經成長咗！
如果呢個人係愛錫自己親人，只係生活上既小事吵鬧，當然不至於深仇大恨到以後唔揾，但如果家人只顧自己感受及利益，至家人感受不顧，那是否應作個別論呢？
我也有家人，我也是當別人的家姐，而且我自己是動物義工，對一隻流浪貓流浪狗，我也有惻隱之心，難道會這樣對老公的親人嗎？

原帖由 kittych 於 09-7-12 13:46 發表
人心肉造,都一年無見啦,算啦!!!!始終都係家姐.........

[ 本帖最後由紫雅於 09-7-13 15:22 編輯 ]

私人傳訊

kary0124

大宅

積分: 2321

24^#

發表於 09-7-13 11:24 |只看該作者

我好贊成佢講法,人更有軟弱的時侯,佢之不過揾錯對象黎講(就好似我地買咗d多餘嘢返屋企擺)而且人不滿時就更係乜到講得出口...透過第三者(即姑9)應會加咗調味添!!!
你唔好唔開心啦...要對丈夫有d信心,佢以經得到教訓了

原帖由 boobecky 於 09-7-10 22:53 發表
唔好喊啦樓主
唔好再嬲你c6啦
你應該同情佢,信錯咗人, 無咩朋友
既然呢一年佢連親家姐都唔聯絡,佢都係想証明佢愛你
加油樓主

私人傳訊

kittych

洋房

積分: 399

23^#

發表於 09-7-12 13:46 |只看該作者

人心肉造,都一年無見啦,算啦!!!!始終都係家姐.........

私人傳訊

onon1022

子爵府

積分: 12600

好媽媽勳章

22^#

發表於 09-7-12 11:39 |只看該作者

其實好多時候...有唔開心就會想搵人傾偈...你老公只係搵錯對象...其實件事已經過左咁耐...唔好擺係心到...有d野你越介懷...只會令你唔開心...

[url=http://lilypie.com][img]

私人傳訊

siufung

子爵府

積分: 13005

21^#

發表於 09-7-11 11:21 |只看該作者

一世人兩姊弟, 係緣份黎....
鬧起交上黎大家都有唔0岩....
又未至於咁大仇口要絕交.....

我c6幾年前同個妹因小事鬧交, 各不相讓, 互不見面....
隔左成年其實大家都已冇野, 仲0係屋企人口中問對方點....
但面子問題始終冇人踏出第一步....
唔見下唔見下年幾兩年.... 嬲都嬲完好耐....
到再見時, 已兩年幾後.....
地點0係殮房.... 已血肉模糊不可辨認.....
佢車禍去左....

因為小事錯失相處時光, 成為c6一世0既遺憾...
珍惜眼前人, 尤其係家人至親...
要嬲嬲一陣好喇....又唔係十寃九仇
除非真係真係好過份永不可原諒啦.....

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

boobecky

伯爵府

積分: 17328

畀面勳章

20^#

發表於 09-7-10 22:53 |只看該作者

唔好喊啦樓主
唔好再嬲你c6啦
你應該同情佢,信錯咗人, 無咩朋友
既然呢一年佢連親家姐都唔聯絡,佢都係想証明佢愛你
加油樓主

私人傳訊

紫雅

大宅

積分: 1017

19^#

發表於 09-7-10 18:04 |只看該作者

好多謝你哋既意見呀！我一路睇一路喊，我辛苦咗好耐啦！我都知我唔應該嬲老公，佢真係對我好好。thank you very much, 各位！

私人傳訊

FM94.8

禁止訪問

積分: 3310

18^#

發表於 09-7-10 14:46 |只看該作者

提示: 作者被禁止或刪除內容自動屏蔽

私人傳訊

pomanlife

彩鑽殿

積分: 611536

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

17^#

發表於 09-7-10 11:58 |只看該作者

原帖由紫雅於 09-7-9 16:16 發表
有日我同我姑拉嘈交，佢講咗一啲我好私人既事同我老公嗌交既事出嚟，想用我老公講既說話至我於死地，重話我老公想同我離婚，叫我去死，又話我老公都好想我死，叫我唔好係老公司等佢收工等，話我迫我老公結婚，迫佢攪婚禮。我聽完後，真 ...

我唔覺得你老公出賣你, 我只係覺得你個賤格姑9想離間你地兩公婆既感情, 想你地離婚咋!!!

咁衰既人少見為妙, 加上你老公為左你, 為左嗰個家, 佢一年都唔搵個家姐啦, 佢咁鍚你, 我覺得你應該放低以前既事, 如果見到姑9, 要係佢面前表現到你地兩公婆更加恩愛, 最好同佢講, 唔係因為你(姑9)我地都唔會咁恩愛添.

佢離間唔到你地, 反而令你地更加恩愛, 我諗佢以後唔敢再搞你地囉!!!

私人傳訊

boobecky

伯爵府

積分: 17328

畀面勳章

16^#

發表於 09-7-10 11:36 |只看該作者

其實,男人好少會講出心底裏的說話,可能好似佢咁講,佢本身無咩朋友,以為親人信得過,發洩咗就算,無諗過你姑9心腸咁毒,攞佢的說話來攻擊你傷害你, 我做你c6發夢都估唔到自己家姐會咁對佢, 但呢一次佢學精咗, 都好既
你唔好嬲你c6啦,係都嬲你個cheap姑9啦
不過都不相往來就算啦

私人傳訊

boobecky

伯爵府

積分: 17328

畀面勳章

15^#

發表於 09-7-10 11:36 |只看該作者

(我記得你呢個case)
其實,男人好少會講出心底裏的說話,可能好似佢咁講,佢本身無咩朋友,以為親人信得過,發洩咗就算,無諗過你姑9心腸咁毒,攞佢的說話來攻擊你傷害你, 我做你c6發夢都估唔到自己家姐會咁對佢, 但呢一次佢學精咗, 都好既
你唔好嬲你c6啦,係都嬲你個cheap姑9啦
不過都不相往來就算啦

私人傳訊

Ericmo

子爵府

積分: 14663

開心吸收勳章

14^#

發表於 09-7-9 21:44 |只看該作者

我想勸你放開d，將件事放低佢，都一年啦!
如果唔係，會影響你兩夫婦嘅感情!

私人傳訊

Ericmo

子爵府

積分: 14663

開心吸收勳章

13^#

發表於 09-7-9 21:39 |只看該作者

原帖由紫雅於 09-7-9 16:16 發表
有日我同我姑拉嘈交，佢講咗一啲我好私人既事同我老公嗌交既事出嚟，想用我老公講既說話至我於死地，重話我老公想同我離婚，叫我去死，又話我老公都好想我死，叫我唔好係老公司等佢收工等，話我迫我老公結婚，迫佢攪婚禮。我聽完後，真 ...

其實又唔怪得晒你姑奶，原因:
1) 正如浩天靚媽所講: 相嗌唔好口，嗌交時咩說話都會講得特別難聽，目的係想HURT到對方「體無完膚」......想想當日嗌交時你會唔會一樣講咗d好hurt姑奶嘅說話呢?
2) 你c6都認有講過，咁即係姑奶唔係亂作啦!(雖然好可能誇大咗)
既然你可以原諒真正講呢d說話嘅人(你c6)，咁係唔係可以原諒重複說話嘅人(你姑奶)呢? 畢竟係你c6嘅親人....