想生BB 今日: 0 | 主題: 109525

積分: 9488

6854^#

發表於 25-8-4 03:23 |只看該作者

Kakaka1988 發表於 25-8-2 14:14
你好！我係瑪麗做IVF抽左6粒卵到day 5/6,每粒grading 都幾好！但植入左3次失敗！我想而家係瑪麗轉胚胎去其 ...

Hello Kakaka1988,
轉移胚胎去其他中心是可行的，但要留意轉移/運輸會有相關費用，當然PGT也有收費。風險總是會有的，雖然很微，但我即管列出來作參考。例如運送過程中有機會有温度偏差而影響質素，而溶出來也是風險，因兩方實驗室未必太熟悉大家雪胚胎所用嘅器皿。胚胎本來是未有做過PGT,所以現做活檢也只是基本風險，之後再雪、再溶番出嚟用亦只是平時都有嘅基本凍溶風險。
希望你一切順利啦！

私人傳訊回覆引用

Kakaka1988

複式洋房

積分: 417

6853^#

發表於 25-8-2 14:14 |只看該作者

本帖最後由 Kakaka1988 於 25-8-2 14:21 編輯

你好！我係瑪麗做IVF抽左6粒卵到day 5/6,每粒grading 都幾好！但植入左3次失敗！我想而家係瑪麗轉胚胎去其他生殖中心做PGT!睇下係咪胚胎問題！如果咁既情況會唔會影響到胚胎質素同埋有咩風險！謝謝

私人傳訊回覆引用

積分: 9488

6852^#

發表於 25-7-28 06:08 |只看該作者

nicole555 發表於 25-7-27 11:50
回覆 cutecutetown 的帖子

感謝你的回覆，可能真係我對油針有心理陰影，我是用人工週期的，我本身有多囊 ...

Dear nicole555,
用人工周期好普遍嘅，而以淨塞藥跟打油針加塞藥比較，淨塞藥嘅一群有輕微較高嘅小產率，所以私家醫生通常都會又俾塞藥又俾油針；當然，如果對油針敏感嘅病人就只有塞藥了。方案係死嘅，人係生嘅，我覺得唔應該爲避打油針而換診所，亦唔好醫生開咗油針但你自己唔打，只要同主診溝通好，他/她可能用其他藥物代替油針。

私人傳訊回覆引用

nicole555

積分: 54

6851^#

發表於 25-7-27 11:50 |只看該作者

回覆 cutecutetown 的帖子

感謝你的回覆，可能真係我對油針有心理陰影，我是用人工週期的，我本身有多囊令月經不準所以我無試過用自然週期

私人傳訊回覆引用

積分: 9488

6850^#

發表於 25-7-27 08:54 |只看該作者

nicole555 發表於 25-7-26 13:43
Dear cutecutetown,
請問會唔會有人係唔適合打黃體酮油針？因為我打完之後發覺個肚會脹，咁岩每次用塞藥 ...

Hello nicole555,
我入行廿幾年了，未見過黃體酮油針會對胚胎著床和保住個胎有壞影響，反而唔打油針就有機會黃體不足而會駝住個胎都有流血/流啡，甚至流產。當然，亦真係有人唔適合打油針嘅，但佢哋都係因為入針處出現嚴重敏感醫生才改回用塞藥。
另一方面，我都明白你對油針有啲陰影；你嗰次黃體酮指數只4，其實真係唔夠黃體酮，打油針只係以一個較肯定俾倒黃體酮你身體嘅方法，你當時指數只有4，其實都只係盡人事希望打針可以將劣勢扭轉，始終胚胎本身是否正常才是關鍵。
雖然油針有佢嘅肯定性，但其實冇活淨用塞藥就一定唔得嘅，你可以同你主診醫生先講吓你嘅憂慮，我相信佢亦未必堅持你一定要用油針。
你是用人工周期放胎的嗎？

私人傳訊回覆引用

nicole555

積分: 54

6849^#

發表於 25-7-26 13:43 |只看該作者

Dear cutecutetown,
請問會唔會有人係唔適合打黃體酮油針？因為我打完之後發覺個肚會脹，咁岩每次用塞藥加黃體油針放胎都係無著床反而我著床過兩次都淨係用塞藥，上次著床後被醫生話我黃體酮指數只有4，太低，打油針後反而翻倍唔理想，最後生化，請問我這樣是不是不適合用油針的人？因我想轉新的生殖中心，以我所知新的生殖中心是用塞藥加黃體油針的，不知轉不轉好……

私人傳訊回覆引用

積分: 9488

6848^#

發表於 25-6-5 04:43 |只看該作者

新手爸爸01 發表於 25-6-4 12:18
Dear cutecutetown,

我之前植入5BC嘅胚胎，但係化學懷孕，醫生嚟緊會幫我植入days 3胚胎，佢話敲一敲粒胚 ...

Dear 新手爸爸01,
我都係第一次聽醫生這樣形容輔助孵化(assisted hatching)呢個程序。每一個卵子都有一個外殼（透明帶）包著的，就算卵子成功受精成為胚胎，最後都要先「脫殼」才能與子宮內膜接觸、繼而著床。輔助孵化就係在這外殼上開一個窿、又或開一道裂縫，過程與雞仔從雞蛋孵化出來近似。
至於有裂縫怎樣形成多胞胎其實係一個理論，文獻有比較過做了輔助孵化和沒做的，發現在有做的一群有較高多胞胎（通常是雙胞胎）比率。估計推論就是胚胎只是一個細胞團，當它從裂縫出來時，細胞團被裂縫擠開，一分為二，然後這兩份各自生長，形成兩個胚胎。

私人傳訊回覆引用

積分: 9488

6847^#

發表於 25-6-5 04:13 |只看該作者

Aforapple123456 發表於 25-6-3 07:11
前兩日（星期日）已經停血了
而家每日返去等排卵
我既週期會突然間有一兩個月可以去到4x日

Dear Aforapple123456,
嚟M會流血就係因為子宮內膜藉着來M更新一次，所以來M多多少少也會見到一些「血塊」，就是子宮內膜在更新，先把舊的脱落，然後重新增厚。這是周期性的，M停了、內膜慢慢會增厚，直到排卵後達到一定厚度讓胚胎著床。如果沒有胚胎著床，隨住身體賀爾蒙變化，內膜又會重新一次更新，亦即是經期來，又流M了。
所以基本上，流完血才會輪到排卵，由停血到排卵要幾耐，視乎周期長短，這長短亦因人而異，亦可以受藥物、壓力等外在因素影響。至於內膜在M後變薄亦是正常現象，隨住周期賀爾蒙改變，內膜自己會生長/增厚的。以你今個周期情況看，M停咗、未排卵，似乎都算正常，看看什麼時間排卵，醫生應該會照一照超聲波看內膜厚度，若ok便可以安排放胎，假如真的不理想也是可以取消、等下一個周期才放。冷藏了的胚胎是可以等的，無需心急。

私人傳訊回覆引用

新手爸爸01

別墅

積分: 656

6846^#

發表於 25-6-4 12:18 |只看該作者

Dear cutecutetown,

我之前植入5BC嘅胚胎，但係化學懷孕，醫生嚟緊會幫我植入days 3胚胎，佢話敲一敲粒胚胎等佢有D裂縫可以等佢容易啲着床，風險就係有機會多胞胎，想問吓呢個係咩原理啊？佢係一粒蛋嚟架咩？另外佢有裂縫點樣形成多胞胎啊？謝謝！

私人傳訊回覆引用

積分: 67

6845^#

發表於 25-6-3 07:11 |只看該作者

本帖最後由 Aforapple123456 於 25-6-3 07:17 編輯

cutecutetown 發表於 25-6-3 05:08
Dear Aforapple123456,
即現在冇血，但又未排卵吧？基本上如果呢幾日捉到排卵日是可以安排放胎的，但既然 ...

前兩日（星期日）已經停血了
而家每日返去等排卵
我既週期會突然間有一兩個月可以去到4x日
尤其你愈想佢黎佢愈唔黎(emoji)(emoji)‍♀️(emoji)(emoji)‍♀️(emoji)(emoji)‍♀️
好似今個月，預計係上星期五排卵，但仲未收到醫生通知話排。唔知關唔關之前食完排卵藥出血事？
我想問下，即係如果排卵前出血，基本上對著床率無太大影響？我見我早幾日有出血塊，會唔會係個子宮內膜薄左好多？

私人傳訊回覆引用

積分: 9488

6844^#

發表於 25-6-3 05:08 |只看該作者

Aforapple123456 發表於 25-6-2 07:16
我停左一個週期架喇
我上次放胎係24/3，唔成功，3/4就黎m，平日週期大概32-36日，抽卵呢個月比較早黎
之後 ...

Dear Aforapple123456,
即現在冇血，但又未排卵吧？基本上如果呢幾日捉到排卵日是可以安排放胎的，但既然感覺不太好，你平時來經又唔係唔準，可以考慮下個月才放胎。始終胚胎已雪起，雪多久都不影響結果的。

私人傳訊回覆引用

積分: 67

6843^#

發表於 25-6-2 07:16 |只看該作者

cutecutetown 發表於 25-6-2 05:11
Dear Aforapple123456,
你上次做IVF抽卵、放鮮胎是否4月時嘅事？上次10/5來經是鮮胎沒成孕後的來經？如果 ...

我停左一個週期架喇
我上次放胎係24/3，唔成功，3/4就黎m，平日週期大概32-36日，抽卵呢個月比較早黎
之後就係10/5-16/5經期，預今個週期放胎，但係21/4 &24/4照排卵，醫生話未見有排卵，就當日24/4開左排卵藥比我，食到第三晚就流啡之後個量就愈黎愈多，流到31/5，岩岩琴日停左。醫生話有機會個排卵藥影響到荷爾蒙，佢幫我檢查話無瘜肉。
而家分泌物多返，可能就排卵。我想問如果排卵前咁出血，排卵後今個cycle放唔放胎好？我上網見話出血某程度都會影響著床率

私人傳訊回覆引用

積分: 9488

6842^#

發表於 25-6-2 05:11 |只看該作者

Aforapple123456 發表於 25-5-31 06:44
多謝樓主
但我諗會唔會因為食左排卵藥，我荷爾蒙突然間變左，所以先出血
（我對上一次月經係10/5）

Dear Aforapple123456,
你上次做IVF抽卵、放鮮胎是否4月時嘅事？上次10/5來經是鮮胎沒成孕後的來經？如果係，那就是藥物影響吧。亦如你醫生說，先看排卵日是何時，到時再決定放胎與否。基本上如果排卵日仍在流血，你可以決定唔放胎的。

私人傳訊回覆引用

積分: 67

6841^#

發表於 25-5-31 06:44 |只看該作者

本帖最後由 Aforapple123456 於 25-5-31 15:35 編輯

cutecutetown 發表於 25-5-31 04:15
Hello Aforapple123456,
有些人食排卵藥都唔會即時阻止倒M來的，所以都可以安心，流血唔會流到放胎日。又 ...

多謝樓主
但我諗會唔會因為食左排卵藥，我荷爾蒙突然間變左，所以先出血
（我對上一次月經係10/5）
醫生話捉左排卵期先，如果到放胎果日仲仲仲出緊血再同佢講
但如果我放胎日前一日停左血，咁樣唔會影響到個成功率架？(emoji)(emoji)

私人傳訊回覆引用

積分: 9488

6840^#

發表於 25-5-31 04:15 |只看該作者

Aforapple123456 發表於 25-5-30 15:06
Hihi 樓主，
想問下我上星期六醫生開左排卵藥比我，食到第三日（27/5）開始出血到今日（30/5）都仲流緊， ...

Hello Aforapple123456,
有些人食排卵藥都唔會即時阻止倒M來的，所以都可以安心，流血唔會流到放胎日。又假如繼續流，其實醫生會作決定取消放胎的。

私人傳訊回覆引用

積分: 67

6839^#

發表於 25-5-30 15:06 |只看該作者

Hihi 樓主，
想問下我上星期六醫生開左排卵藥比我，食到第三日（27/5）開始出血到今日（30/5）都仲流緊，個量同月經第三日差唔多，亦有血塊
今日做超聲波照排卵，卵子開始大，黎緊三日都要繼續抽血捉排卵日
但請問咁樣流血法仲可以放胎嗎？醫生話到時可以睇驗血荷爾蒙指數同子宮膜厚度，咁樣成功率會唔會有影響？
我之前抽卵，得兩個day2,上次放左鮮胎，今個月放雪胎。
因為c6之前做手術抽精，雪左三枝，上次抽卵已經開左一枝，所以有d擔心以我而家既狀況會唔會浪費左呢個雪胎(emoji)(emoji)(emoji)

私人傳訊回覆引用