吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好想你會睇到

婆媳關係今日: 0|主題: 27785

收藏本版

發帖

返回列表

跳至頁

查看: 3979 | 回覆: 36

好想你會睇到 [複製鏈接]

cm918

民房

積分: 39

1^#

發表於 10-12-16 17:49 |只看該作者 |正序瀏覽 |打印

雖然我知道我學歷唔夠你前度新抱高只係讀到中五,但一直我都有工返冇加重我老公你個仔既負擔，你成日將我同我老公既前度比較其實我係好唔開心比較完你就會話講好多令我難堪既說話，每次我都聽完我都會返房哭老公返黎都見到我眼紅晒我都冇投訴過你一次，每一次落雨你去收衫你都唔會收我個d，每次我見到出面d衫收晒入黎只係得返我個d衫滴住水咁掛係出面個一種感覺其實都幾難受,只要我做錯小小野你都會追住我尾鬧我,但一直我都冇駁過你一次咀就算唔係我錯比你鬧我都冇出過聲更加唔會同我老公投訴,你電話懷左我即刻買部新既比你雖然係平野但我已經盡自己既能力，你話我懶但我自問真係已經好勤力,一放假一次洗廁所拖地，嫁左比你個仔之後我冇一晚係冇洗碗，有陣時我覺得自己好慘，同我細個想像自己結左婚之後既畫面一d都唔同,三年前我同你個仔結婚你當面同我講唔會擺酒唔會請親戚黎唔會通知任何人,聽完你講既說話我真係好想哭出來,你知唔知我既感覺真係好委屈,你叫我返屋企同我媽咪講清楚唔好諗住你地會比到d咩我地,其實我冇返去咁樣同我媽咪講,因為真係唔知點講，點解你都係做人媽咪但可以咁樣對人地既女，將心比已你個女咁樣比人對待你會心痛嗎?你令我好累喇....係呢個家我搵唔到一個對我好既人，你個仔其實對我唔係好好架咋,佢出面成日玩女人冇比過錢我用飲完酒會打我,你成日話我黑面黑面，你估我想咁樣嗎?我真係笑唔出，我都想成日笑但咁樣既日子我點樣可以笑住過?

0 0 0

私人傳訊

55645327

大宅

積分: 1721

37^#

發表於 10-12-28 19:11 |只看該作者

直至我出現我老公決心走,前度再一次用大肚理由唔比我老公離婚,但今次我老公好決絕咁走左,
佢出面成日玩女人冇比過錢我用飲完酒會打我

係咪因為你老公為左你而決心同前度離婚又同你搬左出去住, 為左你而放棄所有野, 而好感動, 覺得佢好愛您?
所以佢玩女人同打您, 您都可以忍?

今日你唔走, 有一日佢戴條女返屋企, 咁您走唔走?
到時唔係您走, 而係您老公好決絕咁走左(您睇番前度點解要離婚, 因為有您出現呀)

數年後, 您一定後悔點解早幾年無小朋友既時候自己唔走

自問真係已經好勤力,一放假一次洗廁所拖地，嫁左比你個仔之後我冇一晚係冇洗碗，有陣時我覺得自己好慘，
你成日話我黑面黑面，你估我想咁樣嗎?我真係笑唔出，我都想成日笑但咁樣既日子我點樣可以笑住過?

99對自己唔好, 老公又唔好
既然都覺得自己好慘, 笑唔出, 只有25歲點解唔去為自己將來打算下, 笑住過日子呢?

如果您有80歲, 重有55年要黑口黑面過日子, 您願意嗎?

我相信外家的大門永遠為您而開, 勇敢行出第一步吧

私人傳訊

hinhofion

大宅

積分: 4120

36^#

發表於 10-12-28 17:31 |只看該作者

前路茫茫都要搵條生路比自己行先得架,明知前面係個洞,你都要行埋去?
千其唔好唸住第日有左小朋友,就乜都會改變晒呀,e個想法係好錯架,25歲女,仲有好長條路要行,點解要咁硬頸繼續落去呢?搵個真係會真心愛錫你ga男人la,我唔知你同外家關係點,但係e個時候,相信你同家人傾你e+ ga情況,點都唔會唔理你ga,係咪因為當初嫁e個死佬而同家人反左面呀?

私人傳訊

snoopy333

大宅

積分: 4069

35^#

發表於 10-12-28 17:01 |只看該作者

原帖由 cm918 於 10-12-20 12:20 發表
走我都唔識點走....
只知道走出呢個門口前路茫茫....

好同意 jesuslovesyou 既意見. 你由此至終有冇同你 c6 講出你地既問題. 你 c6 知唔知你已經知道佢出面好多女人同埋你唔想再俾佢打你. 如果佢知道都要咁做就代表佢唔愛你啦!

其實樓主你有好多條路可以行. 好似 d 會考生咁, 以為考唔到中六就係"世界末日", 有d人仲去做傻事. 但其實升唔到都可以做其他野 or 讀其他課程. 你試想下以前你未認識你 c6 時既生活係點過? 你當時冇佢都一樣咁生活.

你父母知唔知你既事? 如果真係不幸地你同c6最後要分開, 你父母會唔會支持你? 唔好怕俾父母知令佢地傷心或者冇面. 父母愛你一定唔想你咁樣生活落去. 你仲忍落去你父母仲傷心.

第一步先提起勇氣同 C6 講出問題 (講唔出口就寫信, 電郵 or sms), 同佢提出如果佢唔改變你就會點 (e.g. 離婚). 如果反應係負面你就要真正想下係米要離開佢. 第二步同父母講你既問題, 希望佢地都支持你.

樓主你而家真係有d似係 "吸毒" 咁. 好痛苦, 好想脫離! 但只要你俾信心自己去面對問題, 你一定可以脫離苦海!

私人傳訊

Siuchoi

珍珠宮

積分: 32052

34^#

發表於 10-12-20 15:16 |只看該作者

回復 32# cm918 的帖子

唔好意思....我想問.....你係米比人打傻左??

私人傳訊

jesuslovesyou

男爵府

積分: 5103

育兒性格勳章

33^#

發表於 10-12-20 14:09 |只看該作者

回復 32# cm918 的帖子

"你個仔其實對我唔係好好架咋,佢出面成日玩女人冇比過錢我用飲完酒會打我,你成日話我黑面黑面，你估我想咁樣嗎?"

樓主..... 你還ok 嗎？
c6 還有沒有打你？
這些是家庭暴力....需要正視。

我估妳真係一個"小女人"....亦對婚姻好單純。

問題不出於你99 (當然, 她有問題)
而是....妳同c6 的關係 --> 一個會出去玩女人的男人，你還留在他身邊？

連對婚姻關係的基本尊重都沒有!! 如此一個男人.....

yup...佢地會蝦你, 因為你"容許" 佢地咁做...

前路雖然茫茫...要離開一個人, 一個"家" 真不容易。

樓主，同意樓上說, 現階段, 千萬不可以有BB!!!

be strong~ prepare 好自己,ready就走.....

不一定離婚, 但起碼, 你要同c6 坐下來, 講清楚大家的關係, 生活，以及大家係咪繼續咁落去...妳的底線在何...

如果你看到面前的陰影，別怕，那是因為你的背後有陽光!

地球是運動的，一個人不會永遠處在倒楣的位置。

人不能太方，也不能太圓，一個是會傷人一個是會讓人遠離你，因此人要橢圓!

別再用0.5的思維管理這個2.0的世界了!

[強國]搞笑+發人深省的句子
http://forum5.hkgolden.com/view.aspx?type=EP&message=2706370&highlight_id=0&page=1

私人傳訊

cm918

民房

積分: 39

32^#

發表於 10-12-20 12:20 |只看該作者

走我都唔識點走....
只知道走出呢個門口前路茫茫....

私人傳訊

snoopy333

大宅

積分: 4069

31^#

發表於 10-12-18 13:03 |只看該作者

我雖然只係結婚兩年, 但我已經明白呢個道理 "唔好諗住自己一定可以改變男人". 我在結婚前都知 c6有咩缺點, 以為可以改, 但其實到而家先知要自己改變自己去接受呢d缺點.

如果你 c6 及 99 有一日真係被你感動而改變咁當然最好啦! 但以你個 case, 但 9成都唔會改變 (除非到佢地年紀好大 or 有困難要依靠你果時). 我估佢地會在一段長時間內都唔會改變, 會改既機會同中六合彩差唔多).

假設你 c6 及 99 唔會改變. 樓主其實你可唔可以問下自己以下幾條問題:

1) 你係米好愛你老公, 愛佢愛到可以忍受所有野 (99 針對你及 c6 對你不忠). 而且忍到唔好同人呻, 因為當所有人都勸過你而你自己又唔肯聽既時候, 你既問題係自招的而唔係你 99及c6度.

2) 如果你將來真係有左 bb, 而你係米忍心因為你個人對 "婚姻既堅持" 及你 "對c6 既愛" 而要小朋友在一個爸爸/媽媽相處唔開心既環境長大呢. 最後要小朋友陪你受罪.

唔好信電視劇裡面既女人受苦但最後都可以大團員結局既情形會在現實中經常發生. 我朋友(女性)就有以下經歷.

我朋友二十幾歲就嫁左個大佢十幾廿年既男人. 個男人都係再婚, 不過就唔係因為我朋友先分開. 我朋友都係自己有份工養到自己. 不過佢 99 都係唔 like 我個朋友. 佢 c6 都大男人性格, 都算係半個粗人, 勁聽佢阿媽話. 開頭佢 c6 都對我朋友仲幾好. 後來幾年內佢地生左兩個小朋友(頭一個係男仔). 一生男孫佢99突然對我朋友好好. 不過只係一段短時間內, 之後又回復以前一樣. 後來佢同 c6 在某d事上面有分歧, 佢既大男人性格終於再發揚光大. 佢 c6 唔開心時仲會對 d 小朋友發脾氣. 但我朋友而家為左保持一個 "完整家庭" 而唔可以同c6離婚 (其實我朋友想離婚). d 小朋友唔開心都冇辦法. 我唔係話自己醒, 但由佢一話結婚我已經覺得呢段關係唔會長久因為表面"唔夾"既因素太明顯啦.

我明白要你決定離開係好困難.但最重要係你 c6 都對你不忠而唔係性格不合之類既原因. 點解你仲要傻到以為佢會改變呢? 希望你真係想到通啦!

私人傳訊

whitecatcat2002

大宅

積分: 3095

30^#

發表於 10-12-18 11:07 |只看該作者

樓主，相信你是一個觀念較為傳統的女性吧！

「執子之手，與子偕老」

不能說你想法錯，只能說你選錯了對象。樓主太委屈了，在丈夫和奶奶面前，全無尊嚴可言，許多事情，並不是「退一步海濶天空」或是「忍讓」就能改善，看你的情形，就是一天比一天惡化。

樓主，快樂和幸福不是從天而降，是要自己爭取，這段日子，你活得這麼辛苦，還不夠嗎？你真的想這樣活一輩子嗎？

不要再逃避了，不要再容忍一個不愛你的丈夫，不要再討好一個討厭你的奶奶，這不止是浪費時間，簡直是自虐呢！

好好為自己打算吧！路是人行出來的，明知行錯路就應及早回頭，不要再固執了。

私人傳訊

5geng

複式洋房

積分: 413

29^#

發表於 10-12-18 10:45 |只看該作者

依嫁有得走都唔走, 第2時一個唔覺意有左bb就想走都好難.

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

28^#

發表於 10-12-18 01:36 |只看該作者

OMG....真係睇到我

婚姻唔係一個人單方面既付出+努力就可以維持到,一隻手掌都拍唔響啦....你真係天真得好交關

mouth:
更何況你唔止要應付你老公,你仲要大想頭到想討好你99直到佢對你改觀?你唔係以為一隻手掌可以拍得響另外兩隻掛?
家暴係一個非常嚴重既問題,個老公又去滾又打你都仲可以堅持留係度+仲想佢會改變?
你不如望中六合彩好過啦......

如果你真係要咁堅持我地都冇辦法,我只想同你講最重要既一句.就係千其唔好生小朋友!!
你要害你自己一世唔緊要,小朋友係最無辜,你唔好生佢出黎害左佢!!!

私人傳訊

AndyRain

男爵府

積分: 8001

醒目開學勳章

27^#

發表於 10-12-17 16:50 |只看該作者

無細路走都走唔切啦, 個老既又難頂, 個老公更不知所胃. 路係自己行出黎的, 無理由明知行錯左都要繼續錯落去的.

你老公仲打你tim, 你小心, 佢越老打你會越打得過份呀, 真係你唔理你自己都諗下你既父母呀!!

私人傳訊

熹曈媽咪

大宅

積分: 3021

26^#

發表於 10-12-17 16:44 |只看該作者

你好似我媽咪, 所有野都自己收埋係個心度,
怕話比人聽自己個老公次次飲醉酒就發酒din,
次次都話要攞刀斬死佢, 30年前真係斬左落門匡度,
而家仲要話係唔開心斬落門度發洩,
唔係斬我阿媽, 但係一星期有3日會飲完酒發難渣,
有時會打爛晒d碗碟, 枱椅, 有時會食食下飯,
掃晒d送落地, 同佢出街食都會發難渣,
成間餐館既人望住佢勁閙我地.........

樓主, 唔好再嚐試去改變佢勒, 只會自己無隱,
改變你自己重好啦, 個世界咁大,
去追求你自己細個夢想中既婚姻生活啦!!
第時你生左小朋友, 你老公飲完酒打你再打你bb,
咁你報唔報警好呀? 報左警呢世都面左左,
唔報警呢世都要比佢打你同bb, 人, 係唔會變架,
只可以遷就, 但係愛可以分咩??

喜樂的心，便是良藥;
優傷的靈，使骨乾枯. (箴 17:22)

私人傳訊

peanutspig

複式洋房

積分: 324

25^#

發表於 10-12-17 16:03 |只看該作者

嘩, 你咪傻啦, 一生一世既承諾....係, 你講得冇錯, 但係要睇下對住咩人啦, 你老公對你唔好, 又會打你, 俾我走左千年, 仲要你有工返, 有搵錢能力, 做咩要咁折磨自己呀? 你99咁PK, 個老公又唔幫你, 成屋企冇人LIKE你你都忍到? 你係咪覺得俾人咁對你你會好過D? 25歲大把時間搵過個對你好既男人啦, 最好架喇, 你地又冇細路, 唔使理咁多, 一簽左張野就重生架喇, 你咁落去遲早抑鬱呀!!!快D下定決心離開呢頭不知所謂既家啦!!!

私人傳訊

joey_waiwai1027

禁止訪問

積分: 2636

畀面勳章

24^#

發表於 10-12-17 15:00 |只看該作者

提示: 作者被禁止或刪除內容自動屏蔽

私人傳訊

kapomama

翡翠宮

積分: 90118

23^#

發表於 10-12-17 14:39 |只看該作者

你25歲咋~~快d離開佢地搵過個啦~

又唔係要佢養~~
唉~
打老婆既男人係絕對唔要得架

私人傳訊

cloudwingwing

珍珠宮

積分: 48036

開心吸收勳章

22^#

發表於 10-12-17 14:17 |只看該作者

你老公都對你唔好
更何況係你99

女人要自強

私人傳訊

八婆仔@

水晶宮

積分: 53079

最關心BB問題熱投勳章環保接龍勳章大廚勳章 BK Milk勳章

21^#

發表於 10-12-17 14:08 |只看該作者

"由細到大我都覺得婚姻係一種一生一世既承諾"

但婚姻關係亦都係靠2個人去維繫架,你認為係一生一世承諾,但你老公呢? 你對你老公好,但佢對你呢?

樓主.讀完你貼文,我都為你感到難過,你只係25歲咋,又無小朋友,你又可以賺錢養活自己,盡快為自己作出一個幸福決定喇!

祝福你!

私人傳訊

MRS@WONG

複式洋房

積分: 265

20^#

發表於 10-12-17 13:57 |只看該作者

版主咪傻啦~婚姻的確係一生一世，但要雙方都係咁諗至有用架！而家唔係大家生活習慣或性格衝突咁簡單呀！婚姻既意義係一男一女終身只有對方為伴侶，佢最基本既一點都做唔到，難聽D講句，佢有冇當你係老婆呀？！SORRY~唔係想你難受，但想你清醒一下！！！
P.S︰我亞媽自小教育︰唔好諗住改變一個男人，佢係唔會因你而改變。最後改變者︰係自己。因為你已經接受左佢！！

私人傳訊