吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有咩辦法可以令姑9唔入我地房 ?

婆媳關係今日: 0|主題: 27777

收藏本版

發帖

返回列表

跳至頁

查看: 3289 | 回覆: 30

有咩辦法可以令姑9唔入我地房 ? [複製鏈接]

ACTS

別墅

積分: 767

1^#

發表於 11-1-27 17:43 |只看該作者 |正序瀏覽 |打印

間屋唔大得我倆公婆住...所以冇整房門 , 睇落個感覺好似大啲 ~而我姑9每次黎親我地屋企 , 點都會入下我地間房, 佢每次都好似去左參觀示範單位咁 ! 有一次我唔 C 服入左房抖下 , 我老公就入黎睇我陪我傾左幾句 , 點知...我老公同我講幾耐 , 我姑9就入黎巢袋巢幾耐 ( 當時佢個手袋0係我房書枱 , 但佢個手袋只係大過一張 A4 紙少少 , 我老公同我傾左 5分鐘 , 佢就背住我地巢袋巢左5分鐘 !! ( 我差 D 就忍唔住開口想鬧

, 問佢駛唔駛幫佢手一齊巢 !!

)
岩岩呢次仲過份 , 佢0係我著緊衫嘅時候行入黎囉 !!!

, 我今次真係定左格望住佢 , 問佢有咩野可以幫到佢 ?! 點知佢真係若無其事想同我講野 , 嚇到我老公即刻開口同佢家姐講, 天氣凍呀 , 等人地著完衫先講啦 !!!! ( 佢個腦係咪有問題架 )

所以每次佢嘅出現 , 都令到我好唔鍾意 , 但又唔知點開口話佢 , 我又唔想叫我老公同佢講 ( 因為我明知我老公唔會開口話佢 , 費事佢夾0係中間 , 攪到我老公唔開心令佢更為難 )

妳地有冇 D 咁頂引嘅姑9 呀 ? 大家可唔可以幫下我呀 ? 希望可以0係度搵到個解決方法啦 ! HELP HELP HELP

0 0 0

私人傳訊

ACTS

別墅

積分: 767

31^#

發表於 11-1-30 23:10 |只看該作者

原帖由 alicemic 於 11-1-29 01:47 發表
係咁架啦！好多男人都唔當覺佢屋企人既行為有問題，因為佢由細到大都係咁，同佢講只會覺得你係少題大做，萬一講講下扯火，仲會話你好話佢屋企人tim！ ...

首先多謝妳嘅祝我好運

但我諗我都係唔會同我 C6 講架啦 , 因為條導火線唔止係入我地房咁簡單 , 如果要講...就要講到我地兩個拍拖無幾耐嘅時候開始講起 !! 因為太多導火線 , 我決定開個版新嘅討論講 ! 總之我唔會因為佢地係家姐而要就哂佢地買佢地怕 , 因為細佬同家姐都係同一輩分 , 我覺得我只需要對佢地有禮貌 , 做任何事都唔會影響到佢地就可以 !

私人傳訊

ACTS

別墅

積分: 767

30^#

發表於 11-1-30 21:55 |只看該作者

原帖由 BBTWIN 於 11-1-28 18:50 發表
我都係甘話, 因為真係唔知人地會點諗. 你以為同佢好親, 但其實佢唔係甘諗, 無謂啦. 大家客客氣氣咪好羅 ...

姑奶係我老公家姐, 我分得好清楚, 根本冇感情可言. 不過我果隻野(姑奶)都好唔識睇人眉頭眼額, 我有左時成日自動請英話上黎le !! <-----

100000 X 認同 ~ 其實我而家都係有左 BB , 仲要差唔多生得 !
上一次食做冬飯時 , 我細姑9講左 D 野令我好不滿 , 佢話 : 哎...你地知唔知我家姐 ( 我大姑9 ) 幾偉大呀 , 佢話今年新年專登邊度都唔去 , 日日上黎妳度照顧妳煮野比妳食 ~ ( 我當時第一時間對住佢地所有人講 , 唔駛架啦...妳去旅行玩啦 ! 而我個心就不停罵 , 唔好反啦...我知妳關心我 , 但妳有個咁偉大嘅決定 , 係咪點都要同我呢個當時人商討下先呢 ? 妳係咪當左我係孤兒呢 ? 可唔可以問下我 , 我屋企果邊有冇人幫我手先呢 ? 妳又唔會留意人地鍾意食 D 乜 ? 次次去佢屋企食飯 , 佢都只係會煮佢果家人鍾意食嘅野 , 5個人食飯都只係炒半斤菜 , 我曾經叫過我大姑9 煮番多 D 菜 , 但佢個答案係 : 我地唔係太鍾意食菜 !! 但我想講...妳個女自己一個都食左七兩菜啦

mouth: 妳要我地黎食飯 , 而妳又唔會預多我地 D 餸, 咁妳成日叫我地黎妳度食咩飯呢 ? 我次次都要扮到食得好滿足都扮到厭喇 ! 妳仲講到咁難為自己 , 專登唔去旅行上黎我度陪我坐月煮野我食...真係咪攪呀 , 我唔想有產後抑鬱症呀 !!! )

私人傳訊

fattymama

伯爵府

積分: 16331

29^#

發表於 11-1-30 09:13 |只看該作者

原帖由 BBTWIN 於 11-1-28 18:50 發表

我都係甘話, 因為真係唔知人地會點諗. 你以為同佢好親, 但其實佢唔係甘諗, 無謂啦. 大家客客氣氣咪好羅. 我都有頭家, 我都唔想比自己認為唔係親既人上黎打攪. 姑奶係我老公家姐, 唔係我親家姐(事實我都冇家姐). 我 ...

你姑9污糟?講吓我老公嗰個家姐嘅生活方式你知,等你比較吓:
幾個月先沖一次涼,連底褲都唔會換

去完廁所唔洗手
d衫着幾個月先洗一次(包括底褲)
洗完d碗d杯就仲"chee"住d飯呀漬呀
間屋唔執唔抹,佢間房一陣臭味
但去街就一定化裝架噃:;pppp:
難為佢仲若無其事咁,連我老公都話未見過咁污"where"嘅女人,懶到咁,連羞恥心都冇理.

[ 本帖最後由 fattymama 於 11-1-30 09:16 編輯 ]

私人傳訊

alicemic

翡翠宮

積分: 92572

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

28^#

發表於 11-1-29 01:47 |只看該作者

原帖由 ACTS 於 11-1-28 18:33 發表

我好開心妳咁明白我嘅感受 ! thx thx thx
曾經有個朋友都係咁教我 , 但我每次都搵唔到機會開口 , 因為0係大家心情好嘅時候 , 如果講 d 咁嘅野 , 只會破壞大家心情 !
平時傾開屋企事 , 我又 ...

係咁架啦！好多男人都唔當覺佢屋企人既行為有問題，因為佢由細到大都係咁，同佢講只會覺得你係少題大做，萬一講講下扯火，仲會話你好話佢屋企人tim！

好似當年結婚入伙，C6話要比條key佢阿媽，我就緊係唔想啦！佢最初都反對，因為會令到99唔開心，我就好直接同佢講，我一個人時鍾意坦蕩蕩通屋走，你開門見到就話正啫，萬一係99開門點算？佢聽完諗咗陣就話都要比99，呢個係尊重，但如果只要有一次99突然開門既話我哋就換鎖，好彩99好識做，從來無自出自入，同埋嚟之前都先打個電話。

一開始同C6拍拖時佢都知我個人好直，同埋有乜唔開心都會同C6講，所以C6好明白我既性格，好似你個情況我會係你果次換衫事件後，等姑9佢哋下次走晒後同佢講，如果你係未知會C6既情況下掛"請非勿進"，可能會有反效果，為咗D小事2公婆嘈交就無謂啦！好傷感情架麻！

祝你好運啦！

私人傳訊

BBTWIN

大宅

積分: 4226

27^#

發表於 11-1-28 18:50 |只看該作者

原帖由 fattymama 於 11-1-28 08:25 發表

我同你一樣,弟婦同阿嫂我當普通朋友咁咋,從來唔會"懶"係乜嘢一家人呀,自已人咁.因為唔知人地點諗.我阿媽有時都會"99上身架",我同家姐都會叫佢唔好乜都以為佢係99就大哂,咁好乞人憎呀. ...

我都係甘話, 因為真係唔知人地會點諗. 你以為同佢好親, 但其實佢唔係甘諗, 無謂啦. 大家客客氣氣咪好羅. 我都有頭家, 我都唔想比自己認為唔係親既人上黎打攪. 姑奶係我老公家姐, 唔係我親家姐(事實我都冇家姐). 我分得好清楚, 根本冇感情可言. 不過我果隻野(姑奶)都好唔識睇人眉頭眼額, 我有左時成日自動請英話上黎le, 上黎路, 又話要做我陪月. 其實我好怕佢, 上過佢屋企, 又見過佢點樣幫人湊b, 真係會講一句:What a mess! 我又點會搵個污糟的女人返黎幫手o丫. 我情願比錢請陪月黎幫手. 果隻野都唔like我唔搵佢, 後來咪死爭我對b返黎湊羅. 我對b要o係佢又細又污糟既爛屋住兩年, 果兩年係我最黑暗既日子呀

私人傳訊

ACTS

別墅

積分: 767

26^#

發表於 11-1-28 18:33 |只看該作者

原帖由 alicemic 於 11-1-28 17:35 發表
唉~你C6都唔明點解你唔鍾意比姑9上嚟，不如你直接同佢講原因，因為你C6由細到大已經習慣咗，唔覺有咩問題，你用婉轉既方式講佢又誤會，所以不妨坦白同佢講唔係唔歡迎佢哋，而係唔鍾意佢哋問都唔問入主人房，正如你C6換緊褲或者隨手 ...

我好開心妳咁明白我嘅感受 ! thx thx thx
曾經有個朋友都係咁教我 , 但我每次都搵唔到機會開口 , 因為0係大家心情好嘅時候 , 如果講 d 咁嘅野 , 只會破壞大家心情 !
平時傾開屋企事 , 我又唔會提起佢家姐 , 唔通無端端0係度咆哮同我老公講 , 我頂唔順你 d 家姐 !! 我諗佢會以為我痴左線 !

私人傳訊

ACTS

別墅

積分: 767

25^#

發表於 11-1-28 18:14 |只看該作者

原帖由 babykenny 於 11-1-28 12:59 發表

祝你成功...

Thx thx thx ~

私人傳訊

ACTS

別墅

積分: 767

24^#

發表於 11-1-28 18:14 |只看該作者

原帖由 mi1660 於 11-1-28 12:55 發表
咁咪掛你老公果D出黎囉~
又或者將你姑奶D野掛晒係房門口.佢黎到咪同佢講,你D野我幫你掛晒出黎,等你唔使下下都要入黎我房搵得咁辛苦

哈哈 ~ 但佢有可能亞 Q 上身同我講 , 唔緊要我唔辛苦架 ! 你由我摷啦 !!!

私人傳訊

alicemic

翡翠宮

積分: 92572

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

23^#

發表於 11-1-28 17:35 |只看該作者

唉~你C6都唔明點解你唔鍾意比姑9上嚟，不如你直接同佢講原因，因為你C6由細到大已經習慣咗，唔覺有咩問題，你用婉轉既方式講佢又誤會，所以不妨坦白同佢講唔係唔歡迎佢哋，而係唔鍾意佢哋問都唔問入主人房，正如你C6換緊褲或者隨手放咗張糧單係床度，外父行入嚟八八掛掛周圍睇得唔得呀？就算你得我都唔得架！你要坦白講出感受，好似傾計咁傾先得架，千祈唔好嘈交，嘈交就有理說不清架！

當然，呢番說話要你父母都無隨便行入房先得，如果唔係佢實話返你！

私人傳訊

babykenny

大宅

積分: 3801

畀面勳章

22^#

發表於 11-1-28 12:59 |只看該作者

原帖由 ACTS 於 11-1-28 12:53 發表

唉...其實我自己都諗過好多方法 , 但大多數都行唔通 , 上黎講下發洩下已經令我自己開心左好多 , 真係好多謝大家
但我都會試下用妳個方法 ~ ...

祝你成功...

私人傳訊

mi1660

大宅

積分: 3035

有「營」勳章好媽媽勳章

21^#

發表於 11-1-28 12:55 |只看該作者

回復 1# ACTS 的帖子

咁咪掛你老公果D出黎囉~

又或者將你姑奶D野掛晒係房門口.佢黎到咪同佢講,你D野我幫你掛晒出黎,等你唔使下下都要入黎我房搵得咁辛苦

私人傳訊

ACTS

別墅

積分: 767

20^#

發表於 11-1-28 12:53 |只看該作者

原帖由 babykenny 於 11-1-28 12:48 發表

搵唔到都要搵啦....自制D嘢出嚟掛住都要啦...你姑9咁唔識做....

唉...其實我自己都諗過好多方法 , 但大多數都行唔通 , 上黎講下發洩下已經令我自己開心左好多 , 真係好多謝大家

但我都會試下用妳個方法 ~

私人傳訊

ACTS

別墅

積分: 767

19^#

發表於 11-1-28 12:48 |只看該作者

原帖由 mi1660 於 11-1-28 12:34 發表
等佢上親黎就掛D濕濕地既胸圍底橫係房門口.
就算問你做咩毛端端掛呢D野係門口,係咪話以為乾左,收入黎,點知仲有少少未乾,又懶得掛返出去~咪掛住係度先囉~
最好掛到岩岩好係眼面前上少少. ...

唔可以啦 ~ 因為佢地 d 老公都會上黎 , 掛D胸圍底橫出黎想比我老公

咩 ~

私人傳訊

babykenny

大宅

積分: 3801

畀面勳章

18^#

發表於 11-1-28 12:48 |只看該作者

原帖由 ACTS 於 11-1-28 12:32 發表

妳個辦法超正 , 我勁鍾意 !! " 要開到聲叫人唔好入,就大家無引啦 "
但我搵唔到一個位可以比我吊個"如非主人,非請勿進" 牌上去呢 ~

搵唔到都要搵啦....自制D嘢出嚟掛住都要啦...你姑9咁唔識做....

私人傳訊

ACTS

別墅

積分: 767

17^#

發表於 11-1-28 12:44 |只看該作者

原帖由 alice44 於 11-1-28 12:34 發表
以後佢D家姐上嚟, 你就話約咗人, 出咗街就無眼睇啦! 唔見咪無事囉!

我媽咪講笑都係咁講 , 但佢有一句仲絕嘅係 , 個老公係妳自己揀嘅 , 妳嫁得比佢就要接受埋佢嘅親人 ~ 無得怨

私人傳訊

mi1660

大宅

積分: 3035

有「營」勳章好媽媽勳章

16^#

發表於 11-1-28 12:34 |只看該作者

等佢上親黎就掛D濕濕地既胸圍底橫係房門口.

就算問你做咩毛端端掛呢D野係門口,係咪話以為乾左,收入黎,點知仲有少少未乾,又懶得掛返出去~咪掛住係度先囉~
最好掛到岩岩好係眼面前上少少.

[ 本帖最後由 mi1660 於 11-1-28 12:38 編輯 ]

私人傳訊

alice44

男爵府

積分: 7623

15^#

發表於 11-1-28 12:34 |只看該作者

以後佢D家姐上嚟, 你就話約咗人, 出咗街就無眼睇啦! 唔見咪無事囉!

私人傳訊

ACTS

別墅

積分: 767

14^#

發表於 11-1-28 12:32 |只看該作者

原帖由 babykenny 於 11-1-28 12:04 發表
不如試吓好似有D商場舖頭仔咁,你姑9一嚟,你就掛條鍊再吊住個牌在房門口,寫住"如非主人,非請勿進"
如果佢下一次上嚟,問你點解有個咁既牌,你咪話,有時有D朋友嚟到,以為我地無裝房門就喺度自出自入,話晒咁私人既地方都 ...

妳個辦法超正 , 我勁鍾意 !! " 要開到聲叫人唔好入,就大家無引啦 "

但我搵唔到一個位可以比我吊個"如非主人,非請勿進" 牌上去呢 ~

[ 本帖最後由 ACTS 於 11-1-28 12:34 編輯 ]

私人傳訊

ACTS

別墅

積分: 767

13^#

發表於 11-1-28 12:24 |只看該作者

首先我想多謝咁多位靚靚撐我 ~
但我想0係度再講多少少 , 上面所講果個係我個大姑 9 , 而我仲有一個細姑 9 , 兩個都結左婚有小朋友 , 兩個都係咁難頂 !
我老公細個係由我細姑 9 湊大 , 所以細姑 9 & 大姑 9 做 D 咩離譜野 , 我老公都唔覺得係有問題 & 冇家教 !!

好開心...大家都贊成我唔比佢地上黎 , 但大家有冇諗過 , 呢個可能性仲難過中六合彩 ?! 我試過同我老公講過 , 屋企地方細 , 冇乜地方坐 , 佢地+我兩公婆都成八九人一齊逼0係個廳仔度咁辛苦大家 , 不如叫你 D 家姐唔好上黎啦 , 約去第二度見面咪仲好 ! 我老公聽完已經對我開戰啦 , 佢會話:妳做乜咁唔鍾意我 D 家姐0者 , 成日唔比人上黎 , 佢地都係想黎探下妳0者 , 妳唔好咁過份啦 , 妳爸媽上黎又唔見妳咁講 ! ( 佢講親呢 D 說話 , 我就會好自然收聲 , 因為我知道如果繼續逐一咁數佢 D 家姐 , 佢都只係會為左佢 D 家姐同我反駁 , 再講落去完全係對牛彈琴 )

re jesuslovesyou ~ 點解會比佢擺個袋入房 ? 因為個廳已經逼到坐都冇位 , 我冇可能睇住 d 袋霸哂 d 位攪到佢地冇位坐咁唔識做 , 所以咪放佢地 d 袋入房囉 , 但我點都估唔到佢咁冇家教嘛 !!

re alicemic ~ 佢唔需要任何借口 , 佢次次都係問都唔問咁就行左入房 , 我又提唔起勇氣去問佢入去做咩 , 因為我怕比其他親戚聽到只會覺得我冇禮貌 , 咁樣同個姑 9 講野 !

re 我愛Corina ~ 點解第一次唔開口話佢 ? 當時我只係同我老公岩岩拍拖三個月 , 點敢開口話佢喎 ~

mouth:mouth:" />

re bosch ~ 曾經係有摺門架 , 但我地結左婚之後 , 因為得我地兩個住 , 所以覺得可以唔駛要度摺門