吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 咁算唔算產後抑鬱?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 781 | 回覆: 14

[2010年] 咁算唔算產後抑鬱? [複製鏈接]

duceduce

大宅

積分: 2201

1^#

發表於 11-2-11 21:46 |只看該作者 |正序瀏覽 |打印

我11月尾生B, 所有正常..
坐月係奶奶屋企坐 (為阿B要搬屋.. 新屋剛剛搞掂).. 最近已經返番自己屋企..感覺好似"彷如隔世"
呢幾日係屋企, 坐又唔係.. 企又唔係.. 食又食唔落.. 因為要餵人奶, 好努力咁食D野落去.. 琴晚半夜要起身嘔返少少飯出黎.. 我一日食得午,晚兩餐, 中間盡量飲奶.. 做乜都無時間.. 除左餵仔, 就係pump奶黎儲..
加上睇完"從0歲開始"篇文之後話要定時餵奶, 我就成日望住個鐘.. 勁緊張咁..
我個BB唔係好訓覺.. 一個下午2pm - 7pm 可以只係訓兩次半小時既小覺... 但係夜晚都係訓唔好..一晚起幾次身.. 有時會大喊..
我個心好"弊矣"咁... 又唔係無人幫(有工人姐姐).. 但係一日怕呢樣(個仔訓多左, 夜晚唔訓).. 一日怕個樣(個仔食既時間唔定.. 食少少就算)..
我前幾日又感冒發燒... 自己頭暈暈, 手震震.. 都而家都覺得好累... 我就黎返工.. 點算好? 好似樣樣都唔點咁.....

0 0 0

私人傳訊

janda

別墅

積分: 696

15^#

發表於 11-2-14 15:12 |只看該作者

如果你覺得你情緒真係好唔穩定, 打返去你去開個間母嬰健康院到同佢地講, 佢地會幫你約見精神科姑娘做評估, 有需要會轉介你去醫生到幫你.

最緊要覺得有問題就出聲, 我當初就係屈埋屈埋唔敢同人傾計唔想同人講, 最後就差的出事.

有咩要出聲, 屋企人同朋友都幫到你. 再唔係差黎傾下計都好, 唔洗怕.

私人傳訊

duceduce

大宅

積分: 2201

14^#

發表於 11-2-14 14:49 |只看該作者

多謝你既建議! 我會包實B仔訓.. 我今日忍唔住又打去健康院同母乳熱線.. 感覺好好多.. 姑娘話阿B體重已經達標.. 點餵都隨我.. 儲奶順其自然.. 如果日頭留唔夠奶比BB, 叫BB夜晚等我返屋企先補返.. 唔一定要餐餐食足分量wor..

咁我可以做返個懶媽唔駛死pump爛pump.....仲可以訓個晏覺

因為我目標只係全母乳6個月至到食固體食物.. 然後有就餵, 無就算.. 姑娘話換個角度睇, 我已經差唔多完成50%, 快上岸 la wor..... 咁有係.. 都係唔好太執著

原帖由 leekung261105 於 11-2-14 09:42 發表
我亦是11月尾生的, 不過今次是第二胎:)

根據我的經驗, 小B可能安全感不足, 所以一晚醒好幾次, 你可以用毛巾包實佢的手手腳腳, 令佢感覺安全些, 又你亦可同小B一起瞓, 他感覺有人陪, 安睡的情況可能好些

不過我 ...

私人傳訊

leekung261105

男爵府

積分: 9255

BK Milk勳章畀面勳章

13^#

發表於 11-2-14 09:42 |只看該作者

我亦是11月尾生的, 不過今次是第二胎:)

根據我的經驗, 小B可能安全感不足, 所以一晚醒好幾次, 你可以用毛巾包實佢的手手腳腳, 令佢感覺安全些, 又你亦可同小B一起瞓, 他感覺有人陪, 安睡的情況可能好些

不過我發現一樣野, 就是如果小B晚上所睡的地方和日間所睡的不是同一個地方, 那樣他可能會覺得安全感不足

其實你一開始住在 99 家, 之後又搬過家, 這可能令小B安全感不足, 所以你現在要多多抱小B, 温柔的同他說話, 這可以有所幫助

另一方面, 要同 C6 放下小B 出外行行, 第一可以放鬆自己, 第二兩公婆都可以增進感情, 要記住你日後都要返工, 小B既一切都要開始學會放手:D

如有任何問題, 多些上來傾傾, 世上無野是不能解決的

私人傳訊

duceduce

大宅

積分: 2201

12^#

發表於 11-2-14 05:53 |只看該作者

原帖由 lou218 於 11-2-14 00:07 發表
我生過兩次, 第一胎3年前, 同你一樣, 個b好難攪: 食奶懶, 唔肯食奶粉, 唔肯用樽, 次次埋身, 超級細食多餐, 不分早晚平均個幾鐘餵一次, 又易醒又鐘意喊, 尿濕少少嘈到拆天, 攪到我超眼訓, 食野都無胃口. 當時我老公 ...

多謝你嘅message.. 我同你一樣無打俾屋企人…我老公份工又夜放…仲要返到屋企我地日日嘈…關係唔似以前咁…BB係結婚後半年突如其來嘅禮物…我地都無準備…係我老公極恨bb話要keep嘅…

蠟燭包係咪就係醫院時咁裹實佢？
我會學放鬆…同時修補吓關係…我都唔想佢日日一見到我就喊

私人傳訊

lou218

大宅

積分: 1726

11^#

發表於 11-2-14 00:07 |只看該作者

我生過兩次, 第一胎3年前, 同你一樣, 個b好難攪: 食奶懶, 唔肯食奶粉, 唔肯用樽, 次次埋身, 超級細食多餐, 不分早晚平均個幾鐘餵一次, 又易醒又鐘意喊, 尿濕少少嘈到拆天, 攪到我超眼訓, 食野都無胃口. 當時我老公工作唔如意, 經常出街同朋友飲酒解悶, 我無工人, 成日得一個人對住個b, 唔敢打比屋企人, 怕佢地擔心, 頭2個月每日最少喊一次, 係自己控制唔到個種. 好彩無做傻事.

第二胎我一出院又日日喊, 喊左2日我有d驚, 今次即刻揾醫生.

原來生完之後要大約半年荷爾蒙先會回復正常. 醫生話, 唔夠休息, 係好容易令情緒會容易波動.

--- 你首要做既, 係盡量休息.

--- bb方面, 真係要放鬆d, 唔好太逼自己規定幾時餵奶啦, 順其自然啦. 尤其餵人奶, 唔係o甘容易跟時間表架. bb大d之後, 飲奶時間會慢慢穩定好多.

--- 多d放手比工人幫手啦, 你抖足精神之後, 好多野都會易handle d 架.

--- 得既話, 放自己2個鐘頭假, o羊都唔好理,同朋友傾下電話又好, 落街shopping又好

--- 真係覺得自己情緒太down, 見醫生啦. 其實醫生可以開d藥比你, 令你舒服d (可以照餵人奶). 我自己就未需要, 因為我聽醫生建議休息多左, 放鬆左, 情緒即刻好返曬

--- 你有無用過蠟燭包? 我發現bb包左之後會好訓好多. 同埋bb訓得幾多得幾多, 由得佢, 唔需要擔心呢樣o個樣. bb比我地想像中強大, 佢地好知道自己身體既需要, 作息同飲奶分量自己會調節架.

--- 放鬆放鬆! 有需要多d上黎同大家傾訴.

努力加油!~~~

私人傳訊

anniekenken

大宅

積分: 3535

10^#

發表於 11-2-12 23:32 |只看該作者

增你四個字：順其自然

私人傳訊

duceduce

大宅

積分: 2201

9^#

發表於 11-2-12 02:47 |只看該作者

原帖由 BRIANJACKIE 於 11-2-12 00:44 發表
佢會唔會係唔暖或冇安全感呀.試下包實佢小小睇下有冇好d.肚仔唔暖都會係咁

多謝你的回覆…我係有包實佢瞓的…有時都擔心包實佢會唔會唔好…心理陰影之類…不過唔包嘅話50分鐘左右就醒…包嘅話有機會瞓到2個鐘…
到底bb 一日可以瞓幾耐呢？

私人傳訊

BRIANJACKIE

大宅

積分: 1442

畀面勳章

8^#

發表於 11-2-12 00:44 |只看該作者

佢會唔會係唔暖或冇安全感呀.試下包實佢小小睇下有冇好d.肚仔唔暖都會係咁

原帖由 duceduce 於 11-2-11 23:03 發表
多謝你地呀..
我個B唔肯食奶粉..試過用50分鐘先餵到10ml.. 仲要條紗巾濕sai個種..
我老公放工好夜..一日靠sms 同 e-mail 聯絡.. 我生完第二個禮拜就分左房訓.. 因為佢工作時間長, 又易病.. BB未夠3個月大就已經病左 ...

私人傳訊

duceduce

大宅

積分: 2201

7^#

發表於 11-2-11 23:03 |只看該作者

多謝你地呀..
我個B唔肯食奶粉..試過用50分鐘先餵到10ml.. 仲要條紗巾濕sai個種..
我老公放工好夜..一日靠sms 同 e-mail 聯絡.. 我生完第二個禮拜就分左房訓.. 因為佢工作時間長, 又易病.. BB未夠3個月大就已經病左3次...
我唔知點解好怕見D friend, 生完除左醫院黎探過之外都無見人..電話都怕講.. 會好易喊.. 真係救命.. 食乜可以調荷爾蒙呢?
我個B仲要兩個鐘多D就食.. 不論日夜都唔訓得多個2個鐘... 所以先要認真去調時間ja ma... 又11點.. 漫漫長夜... 唉~

私人傳訊

plchansammi

大宅

積分: 3726

6^#

發表於 11-2-11 22:33 |只看該作者

我之前生完都好似你咁,其實最重要係你唔夠休息,如果休息夠就無事,其實你可以試下補奶粉比bb,如果佢而家四個鐘食既咁你比一餐奶粉佢你都有8小時休息,書係死既,人係生既,你心情唔好就咩都做唔到架啦,再加上生完之後d荷爾蒙唔同左,心情係會差d,你仲可以打返去健康院,d姑娘都好好人,佢地可以幫到你 ^^

私人傳訊

10years

複式洋房

積分: 193

5^#

發表於 11-2-11 22:31 |只看該作者

同老公講他是你最親嘅人會支持你的or ask him to read what u wrote in here ! Don't think too much

私人傳訊

BRIANJACKIE

大宅

積分: 1442

畀面勳章

4^#

發表於 11-2-11 22:27 |只看該作者

盡量找fd傾下計.打發下d時間啦.相信:time: 好易過啦.一唔係多d上來發言啦.一定有人回應.當傾計都可以.我都係咁咋.我都凑2件啦.仲要一個人.:lol

私人傳訊

duceduce

大宅

積分: 2201

3^#

發表於 11-2-11 22:05 |只看該作者

多謝你咁快答我呀... 可以就咁去健康院ga? 我以為要跟預約時間先可以去..
不過, 我一帶B出去就麻煩.. 我奶奶實跟實我.. 就算而家無一齊住.. 仲要我住港島, 佢住新界, 佢都有本事打電話問我工人姐姐我全屋所有野...早午晚.. 仲會突然出現.. 我如果同佢講我唔妥.. 佢實日日坐係我屋企.. 仲頭痛..
奶奶其實心地好好.. 全職主婦兼辦事效率高.. 但係佢會唔理你反應不停咁講野.. 係不停不停不停......