吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 至親愛既老公~ 對唔住!我又失敗左啦!!唉! ...

想生BB 今日: 0|主題: 109628

收藏本版

發帖

返回列表

跳至頁

查看: 2114 | 回覆: 33

至親愛既老公~ 對唔住!我又失敗左啦!!唉! [複製鏈接]

rabbitboy

大宅

積分: 1607

1^#

發表於 11-6-9 14:47 |只看該作者 |正序瀏覽 |打印

老公!對唔住ar!! 我又day 1 啦! 我覺得好對你唔住! 我唔敢真正咁同你講對唔住!因為我已聽你安慰左我太多次了! 我唔想大家都唔開心!我覺得我自己好無用! 我唔知可以點做! 一年啦! 足足一年啦! check 紅d ,量體溫,食中藥, 飲雞精, 薑水浸腳! 介口唔食凍野等等...可以做既都做左! 今年28 歲, 究竟,我做錯d咩? 好多謝一年內都對我好好! Sorry! 我連想幫你生一個小朋友咁基本女人做到既野都做唔到! 我真係好無用!老公！我真係好愛你！真係真係好對唔住你！

P.S. 各位姐妹，唔好介紹，我真係要抒發下！我只可以把我想同老公講既野同大家講，我真係唔想佢擔心！　希望大家唔好介意!

0 0 0

私人傳訊

kinkochu

別墅

積分: 840

34^#

發表於 11-6-25 23:58 |只看該作者

mymelodybb 發表於 11-6-14 12:45
樓主唔好唔開心啦, 個天要比我地,BB就會黎, 我未小X前(我3月小X咗)個個月都好緊張, 好恨有BB, 甚至成日都同 ...

你講得好好呀, 我覺得最重要係唔好怪自己.. 我哋係冇錯ga.. 生bb呢d係上天賜予既能力, 未得可能只係緣份未到.. 我都聽見有jm話唔再執著反而無啦啦bingo咗, 同埋, bingo唔倒都唔係邊個既錯, 老公老婆本身都已盡咗力.. 亦都冇話邊一方對唔住邊個, 因為要製造一個bb出來, 係雙方既努力, bingo唔倒.. 都係大家既事, 一個人係冇可能bingo ga ma~ 好似愛情一樣.. 所以, 唔好再覺得自己對唔住另一半啦~ 要好好愛對方, 好好愛自己呀~

私人傳訊

愛米爾

別墅

積分: 527

33^#

發表於 11-6-25 23:32 |只看該作者

回覆:至親愛既老公~ 對唔住!我又失敗左啦!!唉!

唯有順其自然啦！為了生而做真的好大壓力好唔開心！我們都要relax, 但真的難，尤其是身邊有朋友有咗就更唔開心，哭過很多次了，唉！加油吧！

私人傳訊

寶:)

大宅

積分: 1175

32^#

發表於 11-6-25 20:13 |只看該作者

我try左2年半有多冇都冇計有d野系你就系你有d人一次就中冇得同人比以前為左想生bb 搞到自己超吾開心但宜家諗通左就算怪自己都冇用順其自然會開心d 老公以前都會好失望我又泥m 但宜家開始冇出聲因為我地大家都吾想甘只系可以諗系未到時候姐甘樣大家都會開心 d 可能放鬆d遲d就有啦*
我宜家決定放棄吾再量體溫吾再check排卵只系諗搵多d錢上天自有安排*
希望你都可以放鬆 d 好快就會有咖勒吾好吾開心啦*

私人傳訊

愛米爾

別墅

積分: 527

31^#

發表於 11-6-24 22:39 |只看該作者

回覆:至親愛既老公~ 對唔住!我又失敗左啦!!唉!

你完全寫了我的心聲，每次我對他說m小姐又來了，他都話下次再努力，但我知佢好失望，你28姐，一起努力吧！

私人傳訊

joylor

複式洋房

積分: 161

30^#

發表於 11-6-24 20:05 |只看該作者

回覆 rabbitboy 的帖子

係仁安!

私人傳訊

mymelodybb

大宅

積分: 3672

認識瑞士牛牛第一回

29^#

發表於 11-6-14 12:45 |只看該作者

樓主唔好唔開心啦, 個天要比我地,BB就會黎, 我未小X前(我3月小X咗)個個月都好緊張, 好恨有BB, 甚至成日都同老公抝幾時開工, 見到身邊朋友們一個一個有咗, 仲要個個都係第一個CYCLE就中, 我好替佢地開心, 但有時都唔係咁想見到佢地,因為見到佢地就會覺得自己好無用, 終於喺1月我都BINGO咗, 但到3月(10周)個胎都仲未成形, 結果要做人流, 嗰時真係心+身痛, 有咗已經日日暈車浪,嘔..., 到E生話比2個星期我同老公考慮做手術定繼續等, 喺嗰2個星期, 我地諗咗好多, "要生就梗係想佢健健康康! 呢個可能唔係最好, 所以個天想收番! 可能上天想比多D時間我地拼博吓", ..., 太多太多理由去說服我地去放手, 因為呢2個星期既努力, 我同老公都睇開晒, 而家我唔會再怪自己同老公, 我同自己講塞翁失馬, 焉知非福, 最緊要身邊人 (即係我老公), 我地咪一齊樂觀面對lor

私人傳訊

denise333

男爵府

積分: 8779

28^#

發表於 11-6-14 09:54 |只看該作者

回覆 rabbitboy 的帖子

你咁後生,唔洗急啦,如果睇不育,可以選擇政府or 私家,政府通常要等一年半到兩年,先可以第一次見醫生. 而私家的,好睇你book邊個醫生,聽d jm講好多醫生都要book成兩三個月先有得睇.
或者,你可以去睇一次私家先,聽下醫生意見

私人傳訊

loveman620

別墅

積分: 644

27^#

發表於 11-6-14 02:12 |只看該作者

回覆:至親愛既老公~ 對唔住!我又失敗左啦!!唉!

唔好唔開心，我都由29睇不育睇到宜家34都未有，咁你有check晒所有野都無事可能時間問題姐，唔好咁緊張，而且你仲有好多方法都未試，唔好灰心！你老公見到你咁自己又幫唔到你，令到佢都唔開心㗎！要樂觀面對！要識處理自己情緒先可以做個有準備嘅媽媽㗎嘛！我地一齊加油！

:-? :-?

私人傳訊

BOBO6

禁止訪問

積分: 9967

環保接龍勳章

26^#

發表於 11-6-14 00:53 |只看該作者

提示: 作者被禁止或刪除內容自動屏蔽

私人傳訊

angela.thompson

禁止訪問

積分: 429

畀面勳章

25^#

發表於 11-6-13 23:55 |只看該作者

提示: 作者被禁止或刪除內容自動屏蔽

私人傳訊

PIGPIGCAT

大宅

積分: 1408

24^#

發表於 11-6-13 23:43 |只看該作者

其實上得黎呢到既JM都係好想生BB..連我自己都係..我同你都係28歲但我就同我老公已經5年多喇...都係冇BB....你老公都識安慰你..而我老公唔安慰我不特只.仲話我..其實佢自己都好想有bb..但佢係覺得係我既問題..我仲慘..好似今日甘..我同佢講有個朋友個爸爸係中醫..醫生bb幾好...我同佢話要一齊去睇下..點之佢話..你都唔知自己係咩事..睇黎都冇用..=..=''..又講到淨係我問題..超大壓力