吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› IVF 結果，不能說的秘密。

想生BB 今日: 6|主題: 109646

收藏本版

發帖

返回列表

跳至頁

查看: 1394 | 回覆: 6

IVF 結果，不能說的秘密。 [複製鏈接]

folsom

民房

積分: 9

1^#

發表於 11-6-26 23:25 |只看該作者 |正序瀏覽 |打印

呢兩個月心情非常反覆。整個過程都無同身邊所有人講過（只有老公知，因為佢有份參與）。到聽朝，就要將這個過程劃上句號了。
2011年5月8日
開始自己打針。個肚腩開始漲。

2011年5月16日
再打多一支針（小小痛）

2011年5月18日
抽卵，得5粒（少少失望）。仍然決定試下。
開始便秘。

2011年5月22日
收到電話，5粒入面有3粒成功，理想性別（註：我在美國做的IVF）
個肚非常漲，好似有左3個月咁！

2011年5月23日
放 2 粒 embryos

開始等著床，每日都過得好緊張。

2011年6月1 日
驗孕報告 ﹣ 成功。HCG 正常

2011年6月16 日
HCG 持續升。但胚胎無長過。

2011年6月23日
HCG 繼續倍升。但胚胎已證實廢胎。這情況極不正常，因為廢胎＝HCG降。
醫生再子細照子宮，發現上面有異常陰影，根據各種數據，認為除了子宮內的死胎，旁邊還有一個宮外孕。

心情已跌落谷底！聽日要面臨：
1。子宮刮除手術；
2。照腹腔鏡，找出陰影原因；
3。若宮外孕，一邊的輸卵管切除手術；
4。若其他。。。。無人知。。。。

一方面雖然好傷心，但另一方面我竟然有解脫的感覺。因為呢般日子每日都要不停擔心，由打針到著床，每一日都要計住，又要食藥，塞陰。。。。。過埋聽日就解決晒！

今次係我第一次做IVF，亦會係最後一次。今後我寧願選擇中醫或傳統方法，都吾再試咁高科技既野。。。。

因為我無將整件事話比自己媽媽知，怕佢擔心，所以手術後無人幫我補番。吾知有無人有類似經驗？手術後要點調理身體？感激你地既幫忙！

0 0 0

私人傳訊

Angelamama

大宅

積分: 2359

7^#

發表於 11-6-28 12:49 |只看該作者

姑娘話用藥排出無咁傷,不過有心理準備會痛,長短因人而異,有人痛約5個鐘至排出來,老人家教要好似坐月咁最好不要洗頭,我就忍了約4天忍唔住洗頭. 幸好第三天醫生照過排清了不用做再做手術,出院後食黑木耳瘦肉滾湯,另外用彊旦炒飯食軀寒,要清灑惡露至食中藥補身,祝早日康復

私人傳訊

1babyyoga

複式洋房

積分: 253

6^#

發表於 11-6-27 17:46 |只看該作者

回覆:folsom 的帖子

Folsom,
我明白你的心情因為我08年做iui,bingo咗，但就宮外孕，做咗切除左邊輸卵管手術，響知道要做手術我就有同細妹、阿媽、奶奶、姑奶講，但就無講係做人工先有，因為老公唔係香港好彩有佢地照顧同關心我，就整野食俾我（要好似開刀生仔咁坐個月），經過呢件事我同佢地的關係仲好左！
其實成個過程最辛苦係等驗血同US報告睇下用不用做手術，我同意你話當知道要做手術反而成個人鬆哂仲瞓得超好！

如你同你的家之關係ok,俾佢地知道就可以有人照顧你！

希望你早日康復啦！

私人傳訊

Kandice

男爵府

積分: 6071

5^#

發表於 11-6-27 17:42 |只看該作者

本帖最後由 Kandice 於 11-6-27 17:42 編輯

hello你好呀，我上年做了兩次ivf都因為七八週照不到心跳而要流產，不過我是入院用口服藥(我醫生認為胎兒尚小可以用less invasive既方法，不過你當然最好聽醫生意見)，我當時無睇中醫調理，但一年後既今日我會覺得如果可以搵個中醫係手術後調理下好d(唔好問點解，純粹個人意見及感覺)，你那邊找得到嗎?而我那時做了甚麼哩，我係無做甚麼，照慣常煮飯，吃些有營養的食物，即盡量唔好食煎炸外買，不過我醫生有提過暫時唔好食紅棗哩d行血既食物，但我係用藥排出，手術我稔都差唔多道理?呀，我都係無比任何人知，當然老公會知，我稔其他要留意既係唔好冷親或病，小心身體，吃有營養的食物，唔好食生冷野?!

我都覺得你好慘，如果你暫時都好驚哩d科技野，唔好稔先啦，休息下，等心理生理都ready時才再想，ivf真係有壓力，打針又驚無反應，有反應抽到卵又驚受唔到精，受到精又驚著唔到床，著到床又驚長唔到或其他問題，擔心一籮籮，唯有盡量做些其他可以分散到自已注意力的事。另外，哩版姊妹大把同路人，佢地都好叻，一關一關咁過，信我，你都得架!最後祝你一切順利!

點評

ella0628 ivf真係有壓力!! Totally Agree!!! 發表於 11-6-27 18:13

私人傳訊

ivynguk

大宅

積分: 2421

陪月勳章

4^#

發表於 11-6-27 04:42 |只看該作者

回覆:IVF 結果，不能說的秘密。

其實同屋企人講都不是壞事，at least 有人照顧，我之前做IVF我就有同99和上司講，有咩事唔好屈響個心度，過程一點都唔辛苦，只是等待就最痛苦。
好好休息

私人傳訊

ella0628

男爵府

積分: 7022

3^#

發表於 11-6-27 01:06 |只看該作者

我知道你好傷心. 因為我幾個月前都做過一次ivf, 情況同你差不多 (不過我係驗孕時,醫生話check唔到有孕定無孕..佢話我hcg高過無孕,但低過有孕...) 結果繼續懷住"有奇蹟"既心情.... 塞藥1星期後.... 最後佢話個"杯"胎無長....
跟住過兩日m就黎..所以我無要做刮宮之類既手術.. 所以,呢樣我俾唔到意見你(希望有其他有經驗既朋友會給你見議la)..

你要振作啊. 希望你身體快d好番. 最緊要身體呢