懷孕前後今日: 0|主題: 330666

收藏本版

發帖

返回列表

跳至頁

查看: 26717 | 回覆: 283

我的故事

[複製鏈接]

12 3 4 5...15

ylau888

大宅

積分: 4620

畀面勳章

1^#

發表於 11-8-19 19:16 |只看該作者 |正序瀏覽 |打印

最近睇了很多媽媽分享辛酸的懷孕過程和不幸小產的事，有感而發好想同大家分享一下我的故事。有些媽媽可能還記得我，我就是因生仔而生到入深切治療的個位媽媽，故事開始前先向各位媽媽講聲對唔住，因為出院後忙着凑仔仔而沒有回覆到你們。
我的故事：對不起可能有些長
同老公結婚以來一直都沒有想過要生bb,直至四年前一次意外的懷孕而小產，我才發現原來我是好想要小朋友的。前年聖誕我終於走出小產的陰影，而決定再懷孕，經過九個月的努力我終於懷孕了。
在整個懷孕期我並非一凡風順，懷孕初期我一直都有肚痛，仲入過幾次急症。醫生話我駝不穩，差不多一，二個星期就要照一次超聲波，每次照到bb仲有心跳，我都忍唔住哭了出來。因為我好怕四年前的事會再發生，當時我成四個半月才敢話俾屋企人知我有咗。我到四個月肚痛才停止，但跟住就check到有輕微的妊娠糖尿和濕診勁發炎，連醫生都話幫我唔到，因為佢唔可以開較重的藥俾我，大肚用的那些藥對我一d效都沒有用，當時我痕到完全瞓唔到，簡直想死！挨到六，七個月時當濕診好d時，又check到胎盤過低，bb頭仔已落咗去，可能早產。好不容易才挨到九個月，點知又話bb過輕，我唯有密密食去谷肥阿b。一關過完又一關，滿以為剩下的只等bb出世，點知bb過咗預產期也不肯出來，（可能個時怕早產，，日日都同bb講唔好出住）約咗催生後，又check到胎水少，要提早催生，天啊！點解又是我！到催生個日，滿以爲最多痛十幾鐘就可以見到bb，點知開到七，八度時全身抽筋分迷，要緊急開刀！到醒番的時候已經是深切治療三日了，姑娘話我執番條命算好彩。當轉番去產後房時，姑娘立即推咗仔仔俾我睇，個一刻我終於忍唔住大哭起來，因爲我個時身上還插滿喉，仲未可以郁，只能夠遠遠甘望住個個令我擔心咗十個月的仔仔終於平安出世。住院十二曰後以為可以同仔仔出院，但幸運之神又再離開我，我的肝酵素忽然標升到1800，正常是40以下。我被迫和仔仔分開而自己繼續留院，種種的不幸令到我差d患上產後抑鬱，經心理學家診治，好彩我只是產後情緒低落，最終我住了二十日院才可以返屋見仔仔。
假如你現在問我有冇後悔生bb,我可以答你我冇後悔過！因為見到仔仔同我笑的一刻，我就知道一切都值得了！係度想同一些準媽咪講，無論幾辛苦，幾難過，只要你念住第時bb對你笑的個一刻，你就會有動力了！各位媽媽你們要加油啊！你地好快就會好似我甘見證緊bb的成長架，我仔仔就來個半月啦！